2013 jylǵy 3 qyrkúıek, Astana, Úkimet Úıi
«Terrorıstik aksııalardan zardap shekken adamdardy áleýmettik ońaltý erejesin bekitý týraly» Qazaqstan Respýblıkasy Úkimetiniń 2003 jylǵy 21 qańtardaǵy № 64 qaýlysyna ózgerister engizý týraly
Qazaqstan Respýblıkasynyń Úkimeti qaýly etedi:
1. «Terrorıstik aksııalardan zardap shekken adamdardy áleýmettik ońaltý erejesin bekitý týraly» Qazaqstan Respýblıkasy Úkimetiniń 2003 jylǵy 21 qańtardaǵy № 64 qaýlysyna (Qazaqstan Respýblıkasynyń PÚAJ-y, 2003 j., № 2, 26-qujat) mynadaı ózgerister engizilsin:
taqyryby mynadaı redaksııada jazylsyn:
«Terrorızm aktisinen zardap shekken adamdardy eleýmettik ońaltýdy júzege asyrý qaǵıdalaryn bekitý týraly»;
1-tarmaq mynadaı redaksııada jazylsyn:
«1. Qosa berilip otyrǵan Terrorızm aktisinen zardap shekken adamdardy áleýmettik ońaltýdy júzege asyrý qaǵıdalary bekitilsin.»;
kórsetilgen qaýlymen bekitilgen Terrorıstik aksııalardan zardap shekken adamdardy áleýmettik ońaltý erejesi osy qaýlyǵa qosymshaǵa sáıkes jańa redaksııada jazylsyn.
2. Osy qaýly alǵashqy resmı jarııalanǵanynan keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri S.AHMETOV.
Qazaqstan Respýblıkasy Úkimetiniń 2013jylǵy 3 qyrkúıektegi № 910 qaýlysyna qosymsha
Qazaqstan Respýblıkasy Úkimetiniń 2003 jylǵy 21 qańtardaǵy № 64 qaýlysymen bekitilgen
Terrorızm aktisinen zardap shekken adamdardy áleýmettik ońaltýdy júzege asyrý
QAǴIDALARY
1. Jalpy erejeler
1. Osy Terrorızm aktisinen zardap shekken adamdardy áleýmettik ońaltýdy júzege asyrý qaǵıdalary (budan ári – Qaǵıdalar) «Terrorızmge qarsy is-qımyl týraly» 1999 jylǵy 13 shildedegi Qazaqstan Respýblıkasynyń Zańyna sáıkes ázirlendi jáne terrorızm aktisinen zardap shekken adamdardy áleýmettik ońaltýdy júzege asyrý tártibin aıqyndaıdy.
2. Áleýmettik ońaltý Qazaqstan Respýblıkasy Qylmystyq is júrgizý zańnamasynda belgilengen tártippen terrorızm aktisinen zardap shekkender dep tanylǵan (budan ári – zardap shekkender) Qazaqstan Respýblıkasynyń azamattaryna, sheteldikter men azamattyǵy joq adamdarǵa usynylady.
3. Zardap shekkenderdi eleýmettik ońaltý qajetti tegin quqyqtyq kómek kórsetýdi, medısınalyq jáne psıhologııalyq ońaltýdy (budan ári -áleýmettik ońaltý) qamtıdy.
4. Áleýmettik ońaltýdy terrorızmge qarsy is-qımyldy júzege asyratyn memlekettik organdar (budan ári – memlekettik organdar) terrorızm aktisi jasalǵan oryn nemese zardap shekkenderdiń turatyn jerleri boıynsha respýblıkalyq jáne jergilikti bıýdjette kózdelgen qarajat esebinen jáne osy qarajat sheginde júzege asyrady.
5. Shet memlekettiń aýmaǵynda jasalǵan terrorızm aktisinen zardap shekkender dep tanylǵan Qazaqstan Respýblıkasynyń azamattaryn áleýmettik ońaltý, eger halyqaralyq sharttarda ózgeshe belgilenbese, osy qaǵıdalarda belgilengen tártippen júzege asyrylady.
2. Terrorızm aktisinen zardap shekken adamdardy áleýmettik ońaltýdy júzege asyrý tártibi
6. Áleýmettik ońaltýdy júzege asyrý úshin adamdardy zardap shekkender dep taný týraly qylmystyq prosesti júrgizetin organnyń qaýlysy negiz bolyp tabylady.
7. Áleýmettik ońalý úshin zardap shekkender nemese onyń atynan jaqyn týysqandary (zańdy ókili) terrorızmge qarsy is-qımyl salasyndaǵy qyzmetti úılestiretin ýákiletti memlekettik organnyń aýmaqtyq organyna (budan ári – Qazaqstan Respýblıkasy Ulttyq qaýipsizdik komıtetiniń aýmaqtyq organy) zardap shekkenderdiń tegi, aty, qalaýy boıynsha ákesiniń aty, onyń poshta mekenjaıy, alýdy qalaıtyn áleýmettik ońaltýdyń túri kórsetilgen ótinishpen júgine alady.
8. Qazaqstan Respýblıkasy Ulttyq qaýipsizdik komıtetiniń aýmaqtyq organy eki jumys kúni ishinde zardap shekken adamǵa nemese onyń atynan júgingen jaqyn týysqanyna (zańdy ókiline) talap etiletin áleýmettik ońaltýdyń túrin alý qajet memlekettik organnyń (uıymnyń) ataýy, ornalasqan jeri, zardap shekken adam kórinetin naqty qyzmetker, qyzmettik telefony, faksynyń nómiri, elektrondy poshtasynyń mekenjaıy (qajet bolǵan jaǵdaıda) kórsetilgen ótinishti qaraý nátıjesi týraly jazbasha jaýap joldaıdy.
9. Zardap shekkenderge quqyqtyq kómekti óz quzyreti sheginde Qazaqstan Respýblıkasy Ádilet mınıstrliginiń aýmaqtyq organdary keshiktirmeı jazbasha, aýyzsha jáne elektrondy túrde júzege asyrady.
Qazaqstan Respýblıkasy Ádilet mınıstrliginiń aýmaqtyq organdary zardap shekkenderge qajetti qujattardy alýǵa kómek kórsetedi.
10. Qazaqstan Respýblıkasy Ulttyq qaýipsizdik komıtetiniń aýmaqtyq organy zardap shekken adamnyń quqyqtyq kómek alý jónindegi ótinishiniń kóshirmesin Qazaqstan Respýblıkasy Ádilet mınıstrliginiń aýmaqtyq organyna joldaıdy.
Quqyqtyq kómek alý úshin Qazaqstan Respýblıkasy Ádilet mınıstrliginiń aýmaqtyq organyna mynadaı qujattar usynylady:
1) terrorızm aktisinen zardap shekken adamnyń jeke kýáliginiń kóshirmesi;
2) terrorızm aktisinen zardap shekken dep taný týraly qaýlynyń kóshirmesi.
Jazbasha nemese elektrondyq sıfrlyq qoltańba qoıylǵan elektrondy qujatpen júgingen jaǵdaıda Qazaqstan Respýblıkasy Ádilet mınıstrliginiń aýmaqtyq organdary zardap shekkenderge bes jumys kúni ishinde ótinishti qaraý nátıjesi týraly jaýap joldaıdy.
11. Qazaqstan Respýblıkasy Ádilet mınıstrliginiń aýmaqtyq organynyń basshysy terrorızm aktisinen zardap shekkenderge quqyqtyq kómek kórsetý boıynsha ótkizilgen is-sharalardyń qorytyndysy týraly
Qazaqstan Respýblıkasy Ulttyq qaýipsizdik komıtetiniń aýmaqtyq organynyń bastyǵyna habarlaıdy.
12. Zardap shekkenderdi psıhologııalyq ońaltý terrorızm aktisi (aktileri) jasalǵan oryn boıynsha keshiktirilmeı júzege asyrylady jáne olarǵa tıisti beıindegi mamandardyń (psıhologtardyń) kómek usynýynan turady.
Psıhologııalyq ońaltýdy iske asyrý úshin Qazaqstan Respýblıkasy Ulttyq qaýipsizdik komıtetiniń aýmaqtyq organy vedomstvoaralyq jumys tobyn qurady.
Vedomstvoaralyq jumys tobyna terrorızmge qarsy is-qımyldy júzege asyratyn memlekettik organdardyń psıhologııalyq qyzmet bólimshesiniń mamandary men shtattyq psıhologtary, densaýlyq saqtaý uıymdarynyń, halyqty áleýmettik qorǵaý júıesi uıymdarynyń, arnaıy bilim berý uıymdarynyń (psıhologııalyq-medısınalyq-pedagogıkalyq keńes, ońaltý ortalyqtary, psıhologııalyq-pedagogıkalyq túzetý kabınetteri) mamandary engiziledi.
Psıhologııalyq ońaltý jónindegi vedomstvoaralyq toptyń basshysy bolyp terrorızmge qarsy is-qımyl máselelerine jetekshilik etetin Qazaqstan Respýblıkasy Ulttyq qaýipsizdik komıtetiniń aýmaqtyq organy bastyǵynyń orynbasary taǵaıyndalady.
13. Psıhologııalyq ońaltýdy alý Qazaqstan Respýblıkasy Ulttyq qaýipsizdik komıtetiniń aýmaqtyq organyna osy Qaǵıdalardyń 7-tarmaǵynda kórsetilgen ótinishpen qosa mynadaı qujattar usynylady:
1) terrorızm aktisinen zardap shekken adamnyń jeke kýáliginiń kóshirmesi;
2) adamdy terrorızm aktisinen zardap shekken dep taný týraly qaýlynyń kóshirmesi.
14. Psıholog-maman zardap shekkenge psıhologııalyq keńes berýdi júzege asyrady jáne qajet bolǵan jaǵdaıda kalpyna keltirý emi men medısınalyq ońaltýdy, onyń ishinde balalardy medısınalyq ońaltýdy kórsetetin medısınalyq uıymdarda odan ári emdelý úshin densaýlyq saqtaý uıymyna júginýdi usynady.
15. Vedomstvoaralyq jumys tobynyń basshysy Qazaqstan Respýblıkasy Ulttyq qaýipsizdik komıtetiniń aýmaqtyq organynyń basshysyna psıhologııalyq ońaltý boıynsha júrgizilgen is-sharalardyń qorytyndysy týraly habarlaıdy.
16. Terrorızm aktisinen zardap shekken adamdardy medısınalyq ońaltýdy Qazaqstan Respýblıkasy Úkimetiniń 2011 jylǵy 15 qarashadaǵy № 1342 qaýlysymen bekitilgen Qalpyna keltirý emi jáne medısınalyq ońaltý, onyń ishinde balalardy medısınalyq ońaltý qaǵıdalaryna sáıkes densaýlyq saqtaý uıymdary tegin medısınalyq kómek kórsetýdiń berilgen kepildik kólemi sheginde júzege asyrady.
