Kezdesýge Kásipkerler palatasy óńirlik keńesiniń tóraǵasy Qaırat Boranbaev, palata basshylyǵy, qala ákiminiń orynbasary Bektas Nurıdınov pen qalalyq sanıtarlyq-epıdemıologııalyq baqylaý basqarmasy basshysynyń mindetin atqarýshy Gúlmıra Syzdyqova, meıramhana salasynda kásip júrgizýshi bıznes ıeleri qatysty.
О́ńirlik keńes tóraǵasy Qaırat Boranbaev qazir bıznestiń qaı túri de qıyndyqty bastan ótkizip jatqandyǵyn aıta kelip, ásirese qoǵamdyq tamaqtaný salasyndaǵy kásipkerlerdiń tyǵyryqqa tirelgendigin jetkizdi. Naýryz aıynan beri jumysyn toqtatqan meıramhana ıeleri úshin kommýnaldyq shyǵyndar da ájepteýir salmaq, onyń ústine árqaısysynyń tóleıtin nesıesi taǵy bar.
Kásipkerlerdiń aıtýynsha, másele oblystyń bas sanıtarynyń 2 qarashada qabyldaǵan qaýlysynan týyndaýda. Karantın talaptary jeńildetilgen tusta kafelerge 23.00-ge deıin jumys jasaýǵa múmkindik bergen. Al keıingi qaýlyda kerisinshe jumys jasaý merzimi qysqaryp otyr.
"Aımaqta epıdemııalyq jaǵdaı ýshyǵyp tursa bul qadamdy túsiner edik. Alaıda, shúkir, oblys qazir jasyl aımaqta. Osyǵan sáıkes, jumys jasaý merziminiń respýblıkalyq qaýlyda kórsetilgen merzimde qalǵanyn qalaımyz", deıdi kásipker Aqmaral Ábdirazaqova.
Munan ózge, sala kásipkerleri monıtorıngtik topqa qatysty da usynystaryn ortaǵa saldy.
Qoǵamdyq tamaqtaný salasynda jumys jasaıtyn kásipkerler sanıtarlyq talaptardy qatań saqtaýǵa ózderi de múddeli ekendikterin jetkizip otyr. Tek talaptar naqty, anyq bolǵanyn qalaıdy.
Sonymen kezdesý barysynda kásipkerler ákimdik ókilderine negizgi úsh talaptaryn jetkizdi. Birinshisi, qoǵamdyq tamaqtaný salasynyń jumys jasaý ýaqytyn eń bolmaǵanda 23.00-ge deıin uzartý. Ekinshisi, monıtorıngtik top múshelerinde top múshesi ekendigin dáleldeıtin qujattardyń bolýy. Úshinshisi, jan-jaqtan jeke uıaly telefondarǵa túsirmeý.
Kezdesý qorytyndysymen qala ákiminiń orynbasary Bektas Nurıdınov jumys ýaqyty men monorıngtik top jumysyna qatysty usynys komıssııada qaralatyndyǵyn jetkizdi. Munan ózge, kásipkerlerdiń usynystarynyń barlyǵy oblystyq shtabta qaıta qaralatyn boldy. Nátıjesi boıynsha tıisti qaýly qabyldanady dep kútilýde.
Aıta ketý kerek, 17 qarasha kúni respýblıkalyq vedomstvoaralyq komıssııanyń otyrysy ótti. Otyrysta "Atamekenniń" buǵan deıin kásipkerlerge qyzmetine qatysty bergen birqatar usynystary qoldaý tapty. Komıssııa otyrysynyń qorytyndysy boıynsha qabyldanǵan sheshimde karantın talaptaryna qatysty birqatar jeńildikter qarastyryldy.
