2013 jylǵy 5 qyrkúıek, Astana, Úkimet Úıi
Týý týraly kýálikti resimdeý, berý, aýystyrý, tapsyrý, alyp qoıý jáne joıý qaǵıdalaryn bekitý týraly
«Jeke basty kýálandyratyn qujattar týraly» 2013 jylǵy 29 qańtardaǵy Qazaqstan Respýblıkasy Zańynyń 25-babynyń 1) tarmaqshasyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Týý týraly kýálikti resimdeý, berý, aýystyrý, tapsyrý, alyp qoıý jáne joıý qaǵıdalary bekitilsin.
2. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri S.AHMETOV.
Qazaqstan Respýblıkasy Úkimetiniń 2013 jylǵy 5 qyrkúıektegi № 929 qaýlysymen bekitilgen
Týý týraly kýálikti resimdeý, berý, aýystyrý, tapsyrý, alyp qoıý jáne joıý qaǵıdalary
1. Jalpy erejeler
1. Týý týraly kýálikti resimdeý, berý, aýystyrý, tapsyrý, alyp qoıý jáne joıý qaǵıdalary (budan ári - Qaǵıdalar) «Jeke basty kýálandyratyn qujattar týraly» 2013 jylǵy 29 qańtardaǵy Qazaqstan Respýblıkasy Zańynyń 25-babynyń 1) tarmaqshasyna sáıkes ázirlendi jáne týý týraly kýálikti resimdeý, berý, aýystyrý, tapsyrý, alyp qoıý jáne joıý tártibin belgileıdi.
2. Týý týraly kýálik – jeke tulǵanyń jeke basyn, onyń týý faktisiniń memlekettik tirkelgeni týraly kýálandyratyn qujat.
Týý týraly kýálik mynadaı qujattardyń birin – Qazaqstan Respýblıkasy azamatynyń jeke kýáligin, Qazaqstan Respýblıkasy azamatynyń pasportyn, azamattyǵy joq adamnyń kýáligin ne sheteldik pasportty alǵanǵa deıin jeke tulǵanyń jeke basyn kýálandyratyn qujat bolyp tabylady.
2. Týý týraly kýálikti resimdeý jáne berý tártibi
3.Týý týraly kýálikti Qazaqstan Respýblıkasy Ádilet mınıstrliginiń aýmaqtyq organdary (budan ári – tirkeýshi organdar) resimdeıdi jáne beredi.
4. Tirkeýshi organdar joq jergilikti jerlerde aýyl (selo), kent, aýyldyq (selolyq) okrýg ákimi ózderiniń aýmaǵynda týǵan balalardyń týýyn tirkeýge arnalǵan qujattardy qabyldaýdy júrgizedi jáne týý týraly kýálikti resimdeý, berý jáne tapsyrý úshin olardy tirkeýshi organdarǵa beredi.
5. Týý týraly kýálikti resimdeýdi ata-analarynyń nemese múddeli tulǵalardyń ótinishi negizinde ata-analarynyń nemese olardyń biriniń turǵylyqty jeri boıynsha ne balanyń týǵan jeri boıynsha tirkeýshi organdar júzege asyrady.
6. Týý týraly kýálikti resimdeý úshin mynadaı qujattar usynylady:
1) Qazaqstan Respýblıkasy Ádilet mınıstrligi belgilegen nysan boıynsha ótinish;
2) ata-analarynyń jeke basyn kýálandyratyn qujattardyń kóshirmeleri;
3) 2008 jylǵa deıingi neke qııýdy tirkegen tulǵalar úshin ata-analarynyń neke qııý (erli-zaıyptylyq) týraly kýáliginiń kóshirmesi (bolǵan jaǵdaıda);
4) týý týraly medısınalyq kýálik nemese týý faktisin belgileý týraly sot sheshiminiń kóshirmesi;
5) ata-analarynyń nemese múddeli tulǵalardyń ótinish berý múmkindigi bolmaǵan jaǵdaıda ókildiń ókilettigin rastaıtyn qujat.
Bir jasqa tolǵan jáne odan úlken balanyń týýyn memlekettik tirkeý jaǵdaıynda:
1) ata-analarynyń túsiniktemesi;
2) týý týraly medısınalyq kýálik;
3) tıisti ákimshilik-aýmaqtyq birliktiń tirkeýshi organynyń týý týraly akt jazbasynyń bolmaýy týraly habarlamasy;
4) turǵylyqty jeri boıynsha balanyń densaýlyq jaǵdaıy týraly anyqtama usynylady.
7. Balanyń týýyn memlekettik tirkeýge ótinishti ata-analary (nemese olardyń biri) ol týǵan kúninen bastap eki aıdan keshiktirmeı beredi, al olar qaıtys bolǵan, naýqastanǵan nemese ózge de sebeptermen ótinish jasaýǵa múmkindigi bolmaǵan jaǵdaıda – múddeli tulǵalar nemese bala týǵan kezde anasy jatqan medısınalyq uıymnyń ákimshiligi jazbasha nysanda beredi.
8. Eger balanyń týýyn memlekettik tirkeýge ata-analary emes, basqa adamdar ótinish jasasa, onda osy adamdar ótinish berýshiniń jeke basyn kýálandyratyn qujatty, sondaı-aq balanyń týýyn tirkeýge ókilettigin rastaıtyn qujatty usynady.
9. Bala óli týǵan jaǵdaıda, medısınalyq uıymnyń jaýapty laýazymdy adamy perınataldyq ólim týraly medısınalyq kýáliktiń negizinde onyń týý faktisi týraly tirkeýge ótinishti bosanǵan sátten bastap bes táýlikten keshiktirmeı beredi.
10. Eki nemese odan da kóp balany memlekettik tirkeý kezinde ótinish árqaısysyna qatysty bólek beriledi.
11. Taýyp alynǵan, tastandy (bas tartylǵan) balanyń týýy ishki ister organdarynyń, qorǵanshylyq nemese qamqorshylyq jónindegi fýnksııalardy júzege asyratyn organnyń, bala ornalastyrylǵan bilim berý uıymy nemese medısınalyq uıymy ákimshiliginiń ótinishi boıynsha taýyp alynǵan, bas tartylǵan nemese qaldyrylǵan kúninen bastap jeti táýlikten keshiktirilmeı tirkeledi.
О́tinishke bala taýyp alynǵan kezdegi ýaqyt, orny jáne mán-jaılar kórsetile otyryp, ishki ister organy nemese qorǵanshylyq nemese qamqorshylyq jónindegi fýnksııalardy júzege asyratyn organ jasaǵan hattama nemese akti; taýyp alynǵan balanyń jasy men jynysyn rastaıtyn medısınalyq uıym bergen qujat jáne bala týraly basqa da derbes málimetter qosa beriledi.
12. Balany belgisiz ana qaldyryp ketken jaǵdaıda medısınalyq uıymnyń ákimshiligi eki kýániń qatysýymen hattama jasaıdy. Týýdy memlekettik tirkeý kezinde hattamalar tastandy (bas tartylǵan) balany tirkeý týraly medısınalyq uıymnyń laýazymdy adamynyń ótinishine qosa beriledi.
13. Nekede turǵan (erli-zaıypty bolǵan) kezde boıǵa bitken jáne ákesi qaıtys bolǵannan keıin nemese neke (erli-zaıyptylyq) buzylǵannan keıin ne neke (erli-zaıyptylyq) jaramsyz dep tanylǵannan keıin týǵan balanyń týýyn memlekettik tirkeý, eger ákesi qaıtys bolǵan nemese neke (erli-zaıyptylyq) buzylǵan ne ol jaramsyz dep tanylǵan kúnnen bastap eki júz seksen kúnnen aspasa, jalpy negizde júrgiziledi.
14. Bir jasqa tolǵan jáne odan úlken balanyń týýyn memlekettik tirkeý medısınalyq uıym nemese jeke dárigerlik praktıkamen aınalysatyn dáriger bergen belgilengen nysandaǵy týý týraly qujaty bolǵan kezde ata-analarynyń nemese ózge de múddeli tulǵalardyń jazbasha ótinishi boıynsha tirkeýshi organ jasaǵan qorytyndy negizinde júrgiziledi.
15. Qazaqstan Respýblıkasynyń sheginen tys jerlerde týǵan balanyń týýyn memlekettik tirkeý Qazaqstan Respýblıkasynyń dıplomatııalyq ókildikteri men konsýldyq mekemelerinde ne ata-analarynyń nemese olardyń biriniń turǵylyqty jeri boıynsha tirkeýshi organda júrgiziledi. Balanyń týýyn ata-analarynyń ne olardyń biriniń turǵylyqty jeri boıynsha memlekettik tirkeýge alǵan jaǵdaıda, osy eldi meken balanyń týǵan jeri bolyp kórsetiledi.
16. Ekspedısııalarda jáne tirkeýshi organ joq shalǵaı jerlerde, sondaı-aq anasynyń teńiz, ózen, áýe kemesinde nemese poezda bolǵan ýaqytynda týǵan balanyń týýyn memlekettik tirkeý ata-analarynyń nemese olar turǵylyqty jerine qaıtyp kelgen soń olardyń biriniń turǵylyqty jeri boıynsha tirkeýshi organda júrgiziledi.
Mundaı jaǵdaılarda balanyń týǵan jeri bolyp balanyń týýyn memlekettik tirkeý júrgiziletin ákimshilik-aýmaqtyq birlik kórsetiledi.
17. Bir-birimen nekede turǵan (erli-zaıypty bolǵan) ákesi men anasy týý týraly jazbalar kitabyna olardyń kez kelgeniniń ótinishi boıynsha balanyń ata-analary bolyp jazylady. Mundaı jazbaǵa neke qııý (erli-zaıypty bolý) týraly kýálik negiz bolyp tabylady.
18. Nekede turǵan (erli-zaıypty bolǵan) jáne qosalqy reprodýktıvtik ádister men tehnologııalardy qoldanýǵa óz kelisimin jazbasha nysanda bergen adamdar, osy ádisterdi qoldaný nátıjesinde ózderinde bala týylǵan jaǵdaıda týý týraly aktiler jazbasynyń kitabyna onyń ata-analary bolyp jazylady.
Sýrrogat ana bolý shartyna sáıkes bala týylǵan jaǵdaıda, erli-zaıyptylar týý týraly aktiler jazbasynyń kitabyna onyń ata-analary bolyp jazylady.
19. Bala týýdy tirkeý kezinde, eger ata-analarynyń arasynda neke (erli-zaıyptylyq) buzylǵan, ony sot jaramsyz dep tanyǵan nemese jubaıy qaıtys bolǵan jaǵdaıda, biraq neke (erli-zaıyptylyq) buzylǵan, ony jaramsyz dep tanyǵan nemese jubaıy qaıtys bolǵan kezden bastap eki júz seksen kúnnen aspasa, anasy týraly málimetter týý týraly medısınalyq kýáliktiń nemese týý faktisin belgileý týraly sot sheshiminiń kóshirmesi negizinde, balanyń ákesi týraly málimetter neke qııý (erli-zaıypty bolý) nemese ony buzý týraly kýáliktiń, ákesiniń qaıtys bolýy týraly kýáliktiń negizinde engiziledi.
20. Eger bala neke (erli-zaıyptylyq) buzylǵan, ony jaramsyz dep tanyǵan kúnnen bastap eki júz seksen kún ótkennen keıin týsa, burynǵy jubaıy áke bolýdy anyqtaý týraly aktilik jazbanyń negizinde ǵana balanyń ákesi bolyp jazylýy múmkin.
21. Bosanǵan áıeldiń jubaıy bolyp tabylmaıtyn adam jazbasha moıyndaǵan jaǵdaıda jáne onyń kúıeýiniń jazbasha kelisimi bolǵan kezde áke bolýdy anyqtaýdy tirkeý jáne týýdy tirkeý kezinde balanyń ákesi bolyp osy adam jazylady.
22. Eger balanyń ata-analary ózara nekede turmaǵan (erli-zaıypty bolmaǵan) jaǵdaıda, anasy týraly málimetter týý týraly medısınalyq kýáliktiń nemese týý faktisin belgileý týraly sot sheshiminiń kóshirmesi negizinde engiziledi.
Mundaı jaǵdaıda ákesi týraly málimetter:
1) eger balanyń týýyn memlekettik tirkeýmen bir mezgilde áke bolý belgilenetin jáne tirkeletin jaǵdaıda, áke bolýdy belgileý týraly aktilik jazbanyń negizinde;
2) eger ákesi anyqtalmasa, nekede turmaǵan (erli-zaıypty bolmaǵan) anasynyń ótinishi boıynsha.
Balanyń ákesi týraly málimetter anasynyń tilegi boıynsha týý týraly aktiniń jazbasyna engizilmeýi múmkin;
3) ózin balanyń ákesimin dep moıyndaǵan adamnyń ótinishi boıynsha, oǵan balanyń anasynyń kelisimi bolǵan kezde engiziledi.
23. Eger týýdy tirkeý kezinde ótinish berýshi ata-analarynyń qaı ultqa jatatynyn kórsetýge nıet bildirse, onda balanyń týý týraly aktiniń jazbasynda ata-analarynyń – Qazaqstan Respýblıkasy azamattarynyń ulty Qazaqstan Respýblıkasy azamattarynyń jeke basyn kýálandyratyn qujattarda kórsetilgen ultyna sáıkes kórsetiledi.
Sheteldik bolyp tabylatyn ata-anasynyń qaı ultqa jatatyny týraly málimetter onyń sheteldik pasportyna sáıkes kórsetiledi.
Sheteldiktiń sheteldik pasportynda ulty týraly málimetter bolmaǵan kezde, sońǵysy ózi azamaty bolyp tabylatyn shet memlekettiń quzyretti organy bergen qujatqa sáıkes aıqyndalýy múmkin.
24. Balany týýdy memlekettik tirkeýge túsken qujattardy teksergennen keıin balanyń týýyn tirkeý týraly málimetter «Azamattyq hal aktilerin jazý» aqparattyq júıesine (odan ári – AHAJ AJ) engiziledi.
25. AHAJ AJ-da balanyń týýy memlekettik tirkelgennen keıin aktilik jazba eki danada basyp shyǵarylady jáne týý týraly kýálik qalyptastyrylady. Týý týraly aktilik jazbanyń negizinde týý týraly kýálik resimdeledi.
26. Qazaqstan Respýblıkasynyń sheginen tys jerlerde týǵan balany memlekettik tirkeýden keıin Qazaqstan Respýblıkasynyń dıplomatııalyq ókildikteri men konsýldyq mekemeleriniń ókili týý týraly kýálikti resimdeıdi.
27. Týý týraly kýálik qazaq jáne orys tilderinde toltyrylady.
28. Balanyń ata-analary týraly málimetter olardyń jeke basyn kýálandyratyn qujattarǵa sáıkes toltyrylady.
Memlekettik tirkeý sátinde dáleldi sebep boıynsha ata-analarynyń jeke basyn kýálandyratyn qujattary bolmaǵan jaǵdaıda, ata-anasy týraly málimetter neke qııý (erli-zaıypty bolý) týraly kýálikke ne osy tirkeýshi organdaǵy neke qııý (erli-zaıypty bolý) týraly aktilik jazbaǵa sáıkes toltyrylady.
29. Týý týraly kýálik mynadaı málimetterdi:
1) balanyń tegin, atyn, ákesiniń atyn (eger ol bolǵan jaǵdaıda), týǵan kúni men jerin;
2) aktilik jazbanyń jasalǵan kúni men nómirin;
3) jeke sáıkestendirý nómirin;
4) ata-analarynyń tekterin, attaryn, ákeleriniń attaryn (eger olar bolǵan jaǵdaıda), eger jeke basyn kýálandyratyn qujattarda kórsetilgen bolsa, ultyn;
5) ata-analarynyń azamattyǵyn;
6) memlekettik tirkeý ornyn (tirkeýshi organnyń ataýyn);
7) týý týraly kýáliktiń berilgen kúnin qamtıdy.
30. Týý týraly kýáliktiń nysany «Azamattyq hal aktilerin memlekettik tirkeý aktisi kitaptarynyń nysandaryn jáne osy kitaptardaǵy jazbalardyń negizinde beriletin kýálikterdiń nysandaryn bekitý týraly» Qazaqstan Respýblıkasy Úkimetiniń 2012 jylǵy 19 sáýirdegi № 498 qaýlysymen bekitilgen.
31. Týý týraly kýálikke tirkeýshi organnyń basshysy qol qoıady jáne ol tirkeýshi organnyń eltańbaly mórimen bekitiledi.
32. Týý týraly kýálik resimdelgen soń jańa týǵan balanyń ata-analaryna, basqa ýákiletti adamdarǵa nemese bala turatyn uıymnyń ókilderine týý týraly kýálik beriledi.
33. Eki nemese odan da kóp bala týǵan jaǵdaıda týý týraly kýálik árbir balaǵa beriledi.
34. О́li týǵan balaǵa týý týraly kýálik berilmeıdi. Ata-anasynyń ótinishi boıynsha óli týǵan balany memlekettik tirkeý faktisin rastaıtyn qujat beriledi.
35. Týý týraly kýálikter osy Qaǵıdalardyń 6-tarmaǵynda kórsetilgen qajetti qujattar tirkeýshi organǵa túsken kúninen bastap eki jumys kúni ishinde beriledi.
3. Týý týraly kýálikterdi aýystyrý, tapsyrý, alyp qoıý jáne joıý tártibi
36. Bastapqy týý týraly kýálik joǵalǵan, paıdalanýǵa jaramsyz bolǵan jáne osy Qaǵıdalardyń 29-tarmaǵynyń 1) jáne 6) tarmaqshalarynda kórsetilgen derekterdi sáıkestendirý múmkin bolmaǵan jaǵdaıda, sondaı-aq engizilgen ózgeristerge, tolyqtyrýlarǵa jáne túzetýlerge baılanysty muraǵat aktisi jazbasynyń negizinde tirkeýshi organ ótinish berýshilerdiń turǵylyqty jeri boıynsha týý týraly qaıtalama kýálik beredi.
37. Týý týraly qaıtalama kýálik alý úshin olarǵa qatysty azamattyq hal aktilerin tirkeý týraly jazba jasalǵan tulǵalar nemese olardyń ýákiletti ókilderi mynadaı qujattardy:
1) týý týraly qaıtalama kýálik berý týraly ótinishti;
2) ótinish berýshiniń jeke basyn kýálandyratyn qujattyń kóshirmesin;
3) bıýdjetke memlekettik baj tólegenin rastaıtyn qujatty, mynadaı tulǵalardy qospaǵanda:
Uly Otan soǵysyna qatysýshylar jáne olarǵa teńestirilgen adamdar, Uly Otan soǵysy jyldary tyldaǵy janqııarlyq eńbegi men minsiz áskerı qyzmeti úshin burynǵy KSR Odaǵynyń ordenderimen jáne medaldarymen nagradtalǵan adamdar, 1941 jylǵy 22 maýsym men 1945 jylǵy 9 mamyr aralyǵynda keminde alty aı jumys istegen (qyzmet etken) jáne Uly Otan soǵysy jyldary tyldaǵy janqııarlyq eńbegi men minsiz áskerı qyzmeti úshin burynǵy KSR Odaǵynyń ordenderimen jáne medaldarymen nagradtalmaǵan adamdar, múgedekter, sondaı-aq bala jastan múgedekterdiń ata-analarynyń biri, qorǵanshylar (qamqorshylar), memlekettik uıymdar – týýy týraly kýálikterdiń tirkelgeni jáne qaıtalap berilgeni úshin;
jeke tulǵalar – azamattyq hal aktilerin tirkeý kezinde jiberilgen qatelerge baılanysty týý, qaıtys bolý týraly, áke bolýdy belgileý, bala asyrap alý týraly aktiler jazbalary ózgertilgen, tolyqtyrylǵan, qalpyna keltirilgen jáne túzetilgen kezde ózderine kýálikter berilgeni úshin;
jeke tulǵalar – týystarynyń qaıtys bolýy týraly ózderine qaıtalap nemese buryn berilgen kýálikter almastyrylyp berilgeni úshin;
jeke tulǵalar – bala asyrap alýǵa jáne áke bolýdy belgileýge baılanysty týýy týraly kýálik qaıtalap berilgeni úshin.
3) tarmaqshanyń ekinshi abzasynda kórsetilgen tulǵalar memlekettik baj tóleýden bosatýǵa negiz bolatyn qujatty;
4) ókildiń ýákilettigin rastaıtyn qujatty usynady.
38. Týý týraly qaıtalama kýálik tirkeýshi organǵa qajetti qujattar túsken sátten bastap kúntizbelik bes kún ishinde beriledi.
Bastapqy týý týraly kýálik berilgen basqa tirkeýshi organǵa suranys jiberilgen kezde týý týraly qaıtalama kýálikti berý merzimi kúntizbelik otyz kúnnen aspaıtyn merzimge uzartylady. О́tinish berýshi ótinishti qaraý merziminiń uzartylǵany týraly eki jumys kúni ishinde habardar etiledi.
39. Týý týraly qaıtalama kýálik aktilik jazbalarmen dálme-dál sáıkestendirilip jazylady. Jergilikti jerlerdiń ataýy sol kezde bolǵan ákimshilik-aýmaqtyq bóliniske dálme-dál sáıkestendirilip kórsetiledi, al memlekettik tirkeý orny – sol kezde bolǵan ákimshilik bólinis boıynsha osy jerde qyzmet kórsetken tirkeýshi organ kórsetiledi.
Qaıtalap beriletin týý týraly kýálikterdiń birinshi betiniń joǵarǵy jaǵynda «Qaıtalap» dep kórsetiledi.
40. On alty jasqa deıingi balalardyń týý týraly qaıtalama kýálikteri ata-analaryna, qorǵanshylaryna, bala asyrap alýshylarǵa, qamqorshylaryna jáne balalardy tárbıelep otyrǵan balalar mekemeleriniń ákimshilikterine beriledi.
On alty jastan asqan, biraq on segiz jasqa tolmaǵan jáne jeke basyn kýálandyratyn qujat almaǵan balalarǵa ata-analarynyń bireýiniń ne qorǵanshysynyń, bala asyrap alýshynyń qatysýymen olar jeke basyn kýálandyratyn qujatty usynǵan kezde qaıtalama kýálikter beriledi.
41. О́zderine qatysty ata-analyq quqyqtarynan aırylǵan ata-analarǵa, ony qalpyna keltirgenge deıin balalardyń týýy týraly qaıtalama kýálikteri berilmeıdi.
42. Ata-analyq quqyqtarynan aıyrylý faktisin tirkeýshi organ muraǵatta saqtaýda turǵan týý týraly aktisiniń jazbasyn tekserý jolymen júrgizedi.
43. Týý týraly qaıtalama kýálik berilgen jaǵdaıda aldynda berilgen kýálik jaramsyz bolyp tabylady, ol týraly jeke tulǵalar týraly derekter bazasynda belgi soǵylady.
44. Týý týraly kýálik paıdalanýǵa jaramsyz bolǵan jáne osy Qaǵıdalardyń 29-tarmaǵynyń 1) jáne 6) tarmaqshalarynda kórsetilgen derekterdi sáıkestendirý múmkin bolmaǵan jaǵdaıda týý týraly kýálik jaramsyz bolyp tabylady jáne tirkeýshi organǵa tapsyrylýǵa jáne aýystyrylýǵa jatady.
45. Týý týraly kýálikterdi joıý týraly osy Qaǵıdalarǵa qosymshaǵa sáıkes akti jasalady, onda joıylǵan týý týraly kýálikterdiń serııasy, nómiri men kúni jáne osy kýálikti bergen tirkeýshi organnyń ataýy kórsetiledi.
46. Týý týraly kýálikterdi joıý úshin týý týraly kýálikter joıylatyn tirkeýshi organ basshysynyń buıryǵyna sáıkes komıssııa qurylady. Tirkeýshi organnyń qyzmetkerleri qatarynan quramynda keminde úsh adamy bar komıssııa qalyptastyrylady.
47. Aktige komıssııa músheleri qol qoıady jáne ony týý týraly kýálikter joıylatyn tirkeýshi organnyń basshysy bekitedi.
48. Týý týraly kýálikti alyp qoıýdy aldyn ala tergeý, anyqtaý organdarynyń laýazymdy adamdary, sondaı-aq ákimshilik is júrgizý jáne azamattyqty joǵaltýdy resimdeý barysynda laýazymdy adamdar júzege asyrady.
Týý týraly kýálikti berý, resimdeý, aýystyrý, tapsyrý, alyp qoıý jáne joıý qaǵıdalaryna qosymsha
Nysan
«Bekitemin»
_____________________
Tirkeýshi organnyń basshysy
____________________T.A.Á.
2013 j. «____»____________
Týý týraly kýálikterdi joıý aktisi
Mynadaı quramdaǵy biz, tómende qol qoıýshylar:
1. _____________________________
(laýazymy) T.A.Á.
2. _____________________________
(laýazymy) T.A.Á.
3. ______________________
(laýazymy) T.A.Á.
№__ týý týraly kýálikterdiń joıylǵany týraly osy aktini jasadyq.
Qosymsha: joıylǵan týý týraly kýálikterdiń kóshirmeleri.
__________________
qoly, T.A.Á.
__________________
qoly, T.A.Á.
__________________
qoly, T.A.Á.
Oryn.: Tegi, aty, ákesiniń aty
