«Ashyq ákimdik» keńsesinde vedomstvo basshysy jeke suraqtarymen kelgen turǵyndardy qabyldady. Servıstik ákimdikke kóshelerdi jaryqtandyrý jáne abattandyrý, baılanys qyzmetin jaqsartý, múgedek balanyń emine kómek suraý, jumysqa ornalastyrý boıynsha suraqtar kóp túsken.
«Barlyq ótinishter jergilikti atqarýshy organdardyń jeke baqylaýyna alynyp, jaýapty tulǵalar bekitildi. Aýmaqtyq departamentke árbir ótinishti zerdelep, ony egjeı-tegjeıli qarap shyǵý týraly tapsyrma berildi», - dedi Alık Shpekbaev turǵyndarmen kezdesý barysynda. Kezdesýge kelgen turǵyndar «bir tereze» qaǵıdaty boıynsha azamattarǵa jedel jáne kedergisiz qyzmet kórsetýge baǵyttalǵan Hromtaý servıstik ákimdiginiń jumysyn oń baǵalady.
“Elimizdiń strategııalyq damýyndaǵy negizgi basymdyqtardyń biri- sybaılas jemqorlyqqa qarsy kúres. Memleket basshysynyń Qazaqstan halqyna Joldaýynda aıtylǵan “Halyq únine qulaq asatyn memleket” tujyrymdamasyn júzege asyrýdyń bir amaly sybaılas jemqorlyqtyń yqtımaldyǵyna jol bermeý. Oblys kóleminde turaqty túrde is-sharalar iske asyrylýda”,- dedi Ońdasyn Orazalın.
Servıstik ákimdik janyndaǵy azamattardy jeke qabyldaýǵa arnalǵan «Open Space» bólmesinde «Adal kómek» jobasynyń jetekshisi Aıman Omarova Hromtaý aýdanynyń turǵyndaryna zań keńesin ótkizdi.
Hromtaý aýdanynyń «Ashyq ákimdigine» osy jyl ishinde 600-den astam ótinim hat, 500-den astam ótinish, saýaldar kelip tústi. Jyl basynan beri 8000-nan astam qyzmet kórsetilgen. Sondaı-aq elektrondy ózine-ózi qyzmet kórsetý buryshtary da qarastyrylǵan.
«Memleket basshysy Q. Toqaevtyń bastamasymen qolǵa alynǵan «Halyq únine qulaq asatyn memleket» tujyrymdamasyn júzege asyrý aıasynda Agenttik azamattyq qoǵammen ózara is-qımyldy kúsheıtýde.
Memlekettik organdardyń ashyqtyǵy men aıqyndyǵyn arttyrýdyń tıimdi quraly – halyq aldynda qoljetimdilik pen esep berýdi qamtamasyz etý. Sondyqtan memlekettik apparat halyqpen múmkindiginshe jıi kezdesip, onyń muń-muqtajyn tyńdap, azamattardyń máselelerin jedel sheshýi kerek», - dedi Agenttik tóraǵasy.
Qazirgi kezde Aqtóbe oblysynyń barlyq aýdandyq jáne qalalyq ákimdikterinde «Open Space» úlgisinde 15 servıstik ákimdik jáne 65 kabınet jumys isteıdi.
Hromtaý aýdanynyń birqatar mekemelerin aralaǵan Alık Shpekbaev aýdan jurtshylyǵy ókilderimen kezdesýinde basshylardyń qol astyndaǵylardyń sybaılas jemqorlyǵy úshin derbes jaýapkershilik alatyny, sybaılas jemqorlyqqa qarsy saraptama júrgizýdiń jańa tetikteri týraly aıtyp berdi.
Sondaı-aq, «Protecting business and investments» bıznes pen ınvestısııalardy sybaılas jemqorlyqqa qarsy súıemeldeý boıynsha jobanyń iske asyrylý barysymen tanysý maqsatynda Sybaılas jemqorlyqqa qarsy qyzmet basshysy «Arm Wind» JShS jel elektr stansııasyna, «Ekoferma» JShS qulpynaı ósiretin jylyjaıǵa, «Aqtóbe» áleýmettik-kásipkerlik korporasııasy» AQ-ǵa jáne oblystyń basqa da birqatar kásiporyndaryna barýdy josparlap otyr.
