Qyzylorda oblysy Polısııa departamentiniń Ekstremızmge qarsy is-qımyl basqarmasy jáne Qyzylorda oblysy boıynsha Qylmystyq-atqarý júıesiniń departamentiniń qyzmetkerleri birlesip júrgizgen is-sharalar barysynda túzeý mekemesinde jazasyn ótep jatqan Túrkistan oblysynyń 43 jastaǵy turǵynynyń dinı alaýyzdyqty qozdyrýǵa baǵyttalǵan ýaǵyzdardy taratýmen aınalysyp júrgenin anyqtady.
Atalǵan derek boıynsha Qazaqstan Respýblıkasy Qylmystyq kodeksiniń 174-babynyń 1-bóligimen (Áleýmettik, ulttyq, rýlyq, násildik, tektik-toptyq nemese dinı alaýyzdyqty qozdyrý) sotqa deıingi tergep-tekserý bastalyp, saraptama taǵaıyndaldy.
Saraptama qorytyndysyna sáıkes dinı ýaǵyzdardan terrorızmdi nasıhattaý belgileri anyqtaldy. Kúdiktige qatysty 2020 jylǵy 16 qarashada Qazaqstan Respýblıkasy Qylmystyq kodeksiniń 256-babynyń 1-bóligimen (Terrorızmdi nasıhattaý nemese terrorızm aktisin jasaýǵa jarııa túrde shaqyrý) sotqa deıingi tergep-tekserý amaldary bastaldy.
