Quryltaıdy shaqyrý týraly sheshimdi partııanyń Ortalyq Keńesiniń prezıdıýmy osy jyly 2 qarashada qabyldady. О́ńirlerden ókildik normalary bekitildi. Barlyq fılıalǵa partııa konferensııalaryn ótkizý tapsyryldy. Konferensııalar belgilengen merzimderde ótkizildi. Osylaısha, quryltaıǵa 250 delegat saılanypty. Sonyń 130-y sheshýshi daýyspen delegat atansa, qalǵandary keńesshi daýyspen saılanyp otyr. Epıdemııalyq jaǵdaıǵa baılanysty quryltaı ótken ǵımaratta bas-aıaǵy 47 delegat qana boldy. Qalǵandary partııanyń aımaqtyq fılıaldarynda quryltaıǵa onlaın rejimde qatysty. Olardyń barlyǵy tıisti tirkeýden ótken.
– Sońǵy kezdegi birqatar oqıǵalar tizbegi – byltyr Qazaqstan Respýblıkasynyń Tuńǵysh Prezıdenti memleket bıligin órkenıetti túrde jańa basshyǵa tapsyrýy der kezinde bolǵanyn ýaqyttyń ózi dáleldep otyr. Nursultan Nazarbaevtyń prezıdenttik júıesi elimizdiń táýelsizdik bastaýynda memlekettik ınstıtýttardyń qalyptasýyndaǵy, túbegeıli naryqtyq jáne qoǵamdyq reformalardy júrgizýdegi jáne basqa eldermen qarym-qatynas ornatýdaǵy tarıhı mıssııasyn oryndady. Kelesi kezeńge Qazaqstan qalyptasqan memleket retinde aıaq basty. Al endigi máselelerdi sheshý úshin jańa tásilder kerek. Memleket basqarý isine qoǵam jan-jaqty aralasýy jáne ony baqylaýy qajet, – dedi «Aq jol» demokratııalyq partııasynyń tóraǵasy Azat Perýashev.
Onyń aıtýynsha, elimizge áleýmettik-ekonomıkalyq salada da, saıası júıege de túbegeıli ózgerister qajet.
– Atalǵan ózgeristerdi tym soza berýdiń qaýiptiligi sonda, bul Ýkraına, Belarýs pen Qyrǵyz elindegideı memlekettik daǵdarysqa ákep soǵýy múmkin. Al Táýelsizdiktiń eń basty kepili – qarý emes, óz memleketin syılaıtyn, baǵalaıtyn azamattyq qoǵam bolýy kerek. Sondyqtan qazirgi bılik modeline bir ǵana balama bar. Ol – tereń áleýmettik-ekonomıkalyq jáne saıası reformalardy qabyldap, júzege asyrý qajet. «Aq jol» demokratııalyq partııasy jańa jáne ádil Qazaqstanǵa aparatyn ózgerister baǵdarlamasyn usynady. Sol baǵdarlamadaǵy basty basymdyǵymyz – Táýelsizdik jáne Alash ulttyq ıdeıasy, – deıdi partııa tóraǵasy.
A.Perýashevtiń pikirinshe, elimizdiń táýelsizdigi men ulttyq múddeler – memlekettiń negizgi basymdyqtary. Sondyqtan el egemendigin qamtamasyz etý jáne onyń ulttyq múddelerin qorǵaý – ózin respýblıka azamaty sanaıtyn kez kelgen adamnyń paryzy.
– Táýelsizdik – bizdiń elimiz, jerimiz, tilimiz ben dilimiz. Táýelsizdik – bizdiń óz jolymyzdy tańdaý múmkindigimiz, keleshek urpaqtyń bolashaǵy úshin bizdiń jaýapkershiligimiz. Táýelsizdik pen elimizdiń tutastyǵy – árbir adamnyń ómiri, quqyǵy jáne bostandyǵymen qatar turatyn basty qundylyq. Táýelsizdik bastaýynda qazaq halqynyń erkindigi men eldiginiń tarıhı muraty retindegi Alash ulttyq ıdeıasy jatyr. Qazaq eline Alashtan artyq ıdeıa joq. «Aq jol» demokratııalyq partııasy memlekettik tildiń qoldaný aıasyn keńeıtýdi qoldaıdy. Tilimizdi ekonomıka men qarjy salasyna, memlekettik basqarý men sheteldik ınvestorlar jumysyna memlekettik deńgeıge saı engizýimiz kerek, – deıdi A.Perýashev.
Partııa tóraǵasynyń aıtýynsha, bıyl «Alash» avtonomııasynan bastaý alatyn jáne qazirgi Qazaqstannyń negizin qalaǵan Qazaq Respýblıkasyna 100 jyl tolyp otyr.
– Aldymen qatelesip, «Qyrǵyz» Avtonomııalyq Respýblıkasy dep atalyp, 5 jyldan keıin Sultanbek Qojanuly, Sáken Seıfýllın, Jalaý Myńbaıuly jáne de basqa tulǵalardyń arqasynda respýblıkamyzǵa ultymyzdyń tól ataýy qaıtaryldy. О́tken jyly «Aq jol» demokratııalyq partııasy úkimetke bul tarıhı datany resmı atap ótýdi jáne «Qazaqstan» atymen qatar, totalıtarlyq keńes bıliginiń ózi moıyndaǵan «Qazaq Respýblıkasy» ataýyn qoldaný týraly máseleni kóterdi. Bul bastamany Sh.Ýálıhanov atyndaǵy tarıh ınstıtýty da qoldady, biraq bizdiń sheneýnikter únsiz qaldy. Sonda da biz tarıhı biregeıligimizdi bildiretin Qazaq Respýblıkasy memlekettik ataýyn qaıtarýdy jón dep sanaımyz, – deıdi partııa tóraǵasy.
