Eń aldymen emhanaǵa jáne gospıtaldiń terapııalyq bólimshesi tekserildi. Polısııa basshysy qyzmetkerlerge tolyq medısınalyq kómek kórsetýge qajet dári-dármek pen jeke qorǵanys quraldarynyń jetkilikti ekenine kóz jetkizdi. SQO Polısııa departamenti Medısınalyq bóliminiń basshysy Sergeı Fedorov satyp alynǵan 4 ottegi konsentratoryn, terige tıgizbeı paıdalanylatyn 8 termometr men pýlksometrlerdi kórsetti. Medısınalyq qyzmetkerler úı-jaılardy zararsyzdandyryp, personaldy jáne emdelýshilerdi termometrııadan ótkizedi. Polısııa bólinisteriniń ákimshilik ǵımarattarynyń baqylaý pýnkterinde jeke quramnyń temperatýrasy ólshenedi.
Marat Tólebaev aq halattylardy indettiń aldyn alý boıynsha aldaǵy jumysqa baǵdarlady. Sondaı-aq, oblystyń bas polıseıi koronavırýstyq ınfeksııaǵa testileý júrgiziletin jáne bıomaterıal alynatyn fıltrasııalyq orynǵa bardy. Bul jumys asa ózekti, óıtkeni polısııa qyzmetkerleri kez-kelgen aýa raıyna qaramastan, blok-beketterde qyzmet atqarady, qoǵamdyq tártipti saqtaı otyra, kóshelerdi patrýldeıdi. Pandemııa bastalǵaly jeke quramǵa 2736 PTR-zertteý júrgizildi.
PETROPAVL
