Jataqhanalardy jeke ınvestorlar salyp jatyr

Bul baǵytta óńirdegi M.О́te­misov atyndaǵy Batys Qazaq­stan memlekettik ýnıversıteti men Jáńgir han atyndaǵy Agrarlyq-tehnıkalyq ýnıversıtetinde stýdentterdi jataqhanamen qamtý isi birshama sheshimin tapqany­­men, oblys ortalyǵyndaǵy kol­ledjderde atalǵan másele áli de ótkir. Sondyqtan qazirgi kúni mundaǵy múddeli uıymdar eń birinshi kezekte osy qatarǵa kiretin bolashaq mamandar úshin jataqhanalar jobasyn júzege asyrýǵa basymdyq berýde.

Jańa jataqhanalar qurylysy úshin eń qajetti faktordyń biri qarjylandyrý ekeni anyq. Onyń bárin bıýdjet qarajaty esebinen óteý tıimdi bola bermeıtini be­se­neden belgili. Bul úshin jo­ǵa­ryda aıtylǵandaı, jeke ın­ves­­torlar qarajatyn tartý bas­ty ba­symdyqqa ıe ekenin taǵy bir márte aıta ketkenniń artyqtyǵy joq. Buǵan qosa jataqhanamen qamtý isinde Jaıyq jaǵasynda ózge de utymdy tásilder men joldar júzege asa bastaǵan. Aıtalyq, Batys Qazaqstan oblystyq bilim basqarmasynyń basshysy Aı­kúl Myńbaevanyń aıtýynsha, Batys Qazaqstan ındýstrııalyq kolledji stýdentteri úshin «Oral transformator zaýyty» JShS salyp jatqan 300 oryndyq jataq­hanadan oryn berilgen. Tutas­taı alǵanda, qazirgi kezde Oral óńirinde jeke ınvestorlar ese­binen jalpy sany 1 200 oryn­ǵa arnalǵan tórt jataqhana qury­lysy júrgizilýde. Budan bólek, bıylǵy 2020 jyldyń qyrkúıek aıynda Batys Qazaqstan joǵary medısınalyq kolledjiniń oqý­shy-stýdentteri úshin 144 oryn­dyq jataqhana paıdalanýǵa beril­gen. Ony «Haırekesheva» jeke kásip­orny turǵyzǵan. Atalǵan kolledjde buǵan qosa taǵy 300 oryndyq jataqhana salý jobasy qarastyrylýda.

Sondaı-aq Oral polıtehnıka kolledji stýdentterine 150 oryndyq jataqhanany «Bola­shaq» JShS turǵyzýda. Atalǵan qurylysty aldaǵy 2021 jyldyń qyrkúıek aıyna deıin aıaqtaý belgilengen. Sonymen birge medısına kolledji úshin aldaǵy jyldyń basynda 50 oryndyq jataqhana qurylysyn kóterý josparlanǵan. Aıta berse mun­daı mysaldar jetkilikti.

Endigi kezekte búgingi kóterilip otyrǵan taqyrypqa oraı taǵy bir jaıtty oqyrmandar nazary­na sala ketkenniń artyqshy­lyǵy joq sekildi. Aıtalyq, sonaý keńestik kezeńde stýdentter jataqhanada jyl boıy tegin turyp kelgeni málim. Bul úshin birjolǵy jyl­dyq tólemniń kólemi keńestik bes-on somnan aspaǵanyn bilemiz. Qazirgi kezde de stýdentter úshin jataqhana­da tegin turý tártibi saqtalyp qala bere me? Joq, olaı emes, búgin­gi naryqtyq qarym-qa­ty­nas­tar buǵan óz túzetýin en­gize bastaǵany baıqalady. Osy tur­ǵyda Oral qalasynyń ákimi Abat Shynybekovtiń aıtýynsha, jańa jataqhanalar paıdalanýǵa beri­lip, stýdentter munda tura bas­ta­ǵannan keıin olar aıyna 10-12 myń teńge tóńireginde aqy tóleýi múmkin. Bul kommýnaldyq tólem­derdiń shyǵyny bolyp shyǵady. Salystyrmaly túrde alǵanda, bul baǵa jataqhana turǵyndary úshin óte tıimdi dep esepteımiz. Aıtalyq, oblys ortalyǵynda páter jaldap turatyn stýdentter onyń ıelerine aıyna kem degende 50 myń teńgeden kem tólemeıdi. Qarańyz, aıyrmashylyq deń­geıi óte joǵary. Árıne, aqyly jataqhanada turý – stýdenttiń óz erkindegi másele. Buǵan eshkim aralaspaıdy.

Bizdiń oıymyzsha, qala bas­shysy sóziniń qısyny bar sekil­di. Tómen mólsherde bolsa da stý­dentter aqy tólegen soń ja­taq­hana da búgingi zamanaýı ta­laptarǵa sáıkes barlyq jaǵy­nan jaıly da saıly bolýy kerektigi eshqandaı talas tý­ǵyz­baıdy. Buǵan qosa jataq­hana janynan sport alańy men ashana jasaqtalsa, tipten quba-qup. Materıalymyzdy túıin­deı kele, jeke kásipkerler men ınves­­torlar turǵyzǵan jataq­hana qury­lysyna jumsal­ǵan qa­rajattyń basym bóligi bıýd­jet qarajaty esebinen óte­le­tinin aıta ketkendi jón kóre­miz. Saıyp kelgende, bul eki jaq­qa da tıimdi ekeni anyq. Ári munyń ózi memleket-jeke­men­shik áriptestiginiń jarqyn mysal­darynyń biri bolyp qala bermek.

ORAL