Aımaqtar • 24 Qarasha, 2020

Patrýldik polısııa jolda qalyp qoıǵan júrgizýshige kómektesti

260 ret

kórsetildi

1 mın

oqý úshin

Patrýldik polısııany júrgizýshiler tek tekserýdi biletin, tekserse bir usaq-túıekke bola joldan qaldyryp, hattama toltyratyn mazasyz qyzmet dep biledi. Sondyqtan olardyń qara joldyń boıynda kezdespegenin qalaıdy. Al olardyń kómek qolyn sozyp, qıyndyqtan qutqaratyn sátteri de bolatynyn bile bermeıdi, dep habarlaıdy Egemen.kz.

Jaqsybaı SAMRAT

Patrýldik polısııa jolda qalyp qoıǵan júrgizýshige kómektesti

Jýyrda SQO patrýldik polısııasy sondaı kómektiń birin jasap, shymkenttik júrgizýshilerdi rıza qyldy. Bul týraly shymkenttik aǵaıyndar ózderi beınekórinispen SQO PD jetkizip, alǵystaryn aıtqan. Oqıǵa bylaı bolǵan: Túrkistan oblysynyń bir sharýashylyǵyna SQO Jambyl aýdanyndaǵy Ortalyq aýylynan mal alǵan eki júk mashınasynyń biriniń dóńgelegi jarylyp jolda qalady. Bul ýaqytta qarańǵy túsken, dalada 13 gradýs aıaz. Tájirıbesi az júk mashınasynyń juqa kıingen júrgizýshisi ári tońyp, ári ebi kelmeı qınalyp jatqanda janyna patrýldik polısııa toqtaı qalady. Jetpegeni osylar edi dep qınalǵan jigitke patrýldik polıseıler Ámirjan Toqqojın men Qanat Teńizbaev kómek qolyn sozyp, dóńgelekterin aýystyryp beredi. Bulardyń ekeýi de mundaıdy kóp kórgen tájirıbeli jigitter eken. Sóıtip alys joldan kelgen júrgizýshi ábden rıza bolyp ketedi.

Soltústik Qazaqstan oblysy