2020 jyldyń 30 qazanyndaǵy jaǵdaı boıynsha turǵyndarǵa medısınalyq kómek kórsetýge qatysty 18 304 (onyń ishinde qazan aıynda 1 114) kemshilik anyqtalyp, medısınalyq uıymdarǵa 373 136 myń (onyń ishinde qazan aıynda 52 298 myń) somadan asa aıyppul salyndy.
«Aıta keteıik, turǵyndarǵa TMKKK jáne MÁMS paketteri boıynsha usynylǵan qyzmetterdiń sapasy men kólemine monıtorıng júrgizilgennen keıin ǵana, medısınalyq kómek kórsetý standarttary men erejelerin, sondaı-aq klınıkalyq hattamalardyń usynymdaryn saqtaı otyryp, Qor jetkizýshilerine is júzinde kórsetilgen jáne qujatpen rastalǵan qyzmetterge aqy tólenedi.
Anyqtalǵan kemshilikterdiń kópshiligi jan basyna shaqqandaǵy normatıvke kirmeıtin, árbir qyzmetke jeke tólenetin konsýltasııalyq-dıagnostıkalyq qyzmetterge baılanysty. Medısınalyq qyzmetterdiń sapasyn monıtorıngteý bóliminiń sarapshylary jalpy quny 19 259 myń (onyń ishinde qazan aıy úshin 3 423 myń ) teńge bolatyn 12 310 (onyń ishinde qazan aıynda 708) kemshilik anyqtady. Sondaı-aq ambýlatorııalyq-emhanalyq kómek kórsetý kezinde jiberilgen 1 721 (onyń ishinde qazan aıynda 15) kemshilik, stasıonarlarda medısınalyq kómek kórsetý kezinde 4 273 (onyń ishinde qazan aıynda 391) derek belgili boldy», - dep atap ótti «Áleýmettik medısınalyq saqtandyrý qory» KEAQ Nur-Sultan qalasy boıynsha fılıalynyń dırektory Nurlybek Qabdyqaparov.
«Túrli memlekettik derekqorlardaǵy derekterdi biriktirý jáne IT quraldaryn qoldaný osy derekterdi óńdeý monıtorınginiń sapasyn aıtarlyqtaı arttyrady. Bul adamı faktordy azaıtýǵa múmkindik beredi. Qazir Qor ártúrli aqparat júıeleri men tirkeý júıeleriniń derekterin bir alańda ıntegrasııalaý arqyly aqparat júıelerinde medısınalyq qyzmetterdiń sapasy men kólemin tolassyz monıtorıngteý boıynsha jumys júrgizýde. Bul monıtorıng prosesin barynsha avtomattandyrýǵa múmkindik beredi», - dep túsindirdi ÁMSQ Nur-Sultan qalasy boıynsha fılıalynyń medısınalyq kómek kórsetý sapasyn monıtorıngteý bóliminiń jetekshisi Sandýǵash Bolysbekova.
Turǵyndar tarapynan qoǵamdyq baqylaý, bir jaǵynan Áleýmettik medısınalyq saqtandyrý qoryna burmalaýshylyqtardy anyqtaýǵa kómektesedi, ekinshi jaǵynan medısınalyq uıymdardy tártipke keltiredi. Sondyqtan azamattardy mobıldi qosymshalarda óz derekterin tekserýge jáne sáıkessizdikter anyqtalǵan jaǵdaıda Qordyń elordalyq fılıalyna habarlaýǵa shaqyramyz. Sondaı-aq 1406 telefonyna nemese Qoldau 24/7 mobıldi qosymshasy arqyly habarlasýǵa bolady.
