Qoǵam • 24 Qarasha, 2020

Almatyda 600 myń adam 42 500 teńge alǵan

11 ret kórsetildi

Karantınge baılanysty Almatyda 600 myńnan astam turǵyn 42 500 teńge áleýmettik tólemin alǵan. Bul týraly "Egemen Qazaqstan" tilshisi "Almaty" telearnasyna silteme jasap habarlaıdy.

Qalalyq áleýmettik ál-aýqat basqarmasynyń habarlaýynsha, Biz birgemiz jobasynyń aıasynda qalada eriktiler toby on myńǵa jýyq kómekke muqtaj adamǵa baryp, azyq-túlik jáne basqa da qajetti zattar aparyp qoldaý kórsetken. Basqarma dereginshe, 200-den astam erikti jastar qatysqan sharada 52 myńnan otbasy kómek alǵan.

"Bólingen 75 mıllıon teńgege ishine antıbakterıaldy sabyn, medısınalyq maska, antıseptık kiretin 7 myńnan astam gıgıenalyq sanıtarlyq jınaqtar satyp alyndy. Jarty aıda qalada jalǵyz ómir súretin ardagerlerge 36 myńdaı túski as jetkizildi", – deıdi qalalyq Jas Otan jastar qanatynyń tóraǵasy Mádı Ahmetov.

Sondaı-aq shahardaǵy "Jańa Alataý" qoǵamdyq qory qala turǵyndarynan qarjy jıyp, medısınalyq qyzmetkerlerge qoldaý kórsetken. 2 aı ishinde 260 mıllıon 860 myń teńge jınalyp, ol qarjyǵa qajetti kıim-keshek alynǵan.

Al qatań karantın kezinde tabysynan aıyrylyp, turmysy tómendegen jeke kásipkerler, jeke praktıkamen aınalysýshy, ózin-ózi jumyspen qamtyǵan jáne aqysyz demalysqa shyqqan azamattar 42 500 teńge áleýmettik tólemin alǵan. Tótenshe jaǵdaı rejımi kezinde 400 myńnan astam adam bul kómekke ıe bolsa, qatań shekteýler alynyp tastalǵannan keıin de taǵy 230 myń almatylyqqa memlekettik járdemaqy taǵaıyndalǵan.

Abaı AIMAǴAMBET,

«Egemen Qazaqstan»

Sońǵy jańalyqtar

Kobıdiń qazasy

Sport • Búgin, 10:47

Dańqty Ýeın Gretskı 60 jasqa toldy

Hokkeı • Búgin, 10:45

Qazaqstannyń 8 óńiri «qyzyl» aımaqta tur

Koronavırýs • Búgin, 10:21

Uqsas jańalyqtar