Ekologııa • 24 Qarasha, 2020

Maǵzum Myrzaǵalıev Almatyda oryn alǵan aǵash kesý faktisine qatysty pikir bildirdi

8 ret kórsetildi

Ekologııa, geologııa jáne tabıǵı resýrstar mınıstri Maǵzum Myrzaǵalıev Almaty qalasynda oryn alǵan aǵash kesý faktisine qatysty pikir bildirdi, dep habarlaıdy Egemen.kz.

"Keshe biz Almatyda aǵashtardy jabaıylyqpen kesý faktisine kýá boldyq. Oqıǵanyń qoǵamnyń ashýyn týdyrýy oryndy. Mundaı jaǵdaılarǵa jol berýge bolmaıdy!"- dep jazdy ol Twitter paraqshasynda.

Mınıstr qazir el boıynsha atmosferalyq aýanyń ahýalyn jaqsartýǵa baǵyttalǵan úlken jumystar júrgizilip jatqanyn atap ótti.

"Ekokodeks qabyldanyp jatyr, Prezıdent 2 mlrd-tan astam aǵash egýge tapsyrma berdi. Jurt bolyp jumylyp, bir maqsat jolynda jumys istep jatqanda, joǵarydaǵydaı jaǵdaılar tipten orynsyz",- dedi mınıstr.

Onyń sózinshe, bıyl ǵana Memleket basshysynyń tapsyrmasymen aǵash kesýge qatysty jaýapkershilikti arttyrý boıynsha Zańǵa ózgerister engizilgen. Atap aıtaq, 1 aǵash kesilse, ornyna 10 aǵash egý ótemaqysy engizilip, aıyppul kólemi eki ese artqan.

"Tabıǵı resýrstarymyzǵa uqypty qaraýǵa shaqyramyn. Bir aǵash jaıqalyp ósýi úshin ondaǵan jyldar kerek. Bolashaǵymyz bizdiń ekologııalyq mádenıetimizdiń deńgeıine tikeleı baılanysty", - dep jazdy Maǵzum Myrzaǵalıev.

Sońǵy jańalyqtar

Elimizde taǵy 1050 adam indetten aıyqty

Koronavırýs • Búgin, 09:44

Uqsas jańalyqtar