– Búgingi tańda, zańsyz polısııa formasyn kııý jáne saýdalaý, paıdalaný faktileriniń kóbeıip otyrǵanyna baılanysty arnaıy tekseris jumystaryn júrgizý kerek bolyp otyr. Zań boıynsha mundaı formalardy satýmen aınalysatyn saýdager tutynýshydan qyzmettik kýáligin talap etýi tıis. Alaıda saýdagerler buǵan kóz juma qaraıtyny belgili. Tártip saqshysynyń formalyq kıimin kez-kelgen qylmysqa nıetti adam nemese qylmyskerler op-ońaı satyp alýy múmkin. Tájirıbe kórsetkendeı, mundaı jaǵadaılar óte jıi kezdesedi. Tutynýshynyń ótinishi boıynsha saýdagerler olarǵa kerek polısııanyń kıim úlgisin, áskerı shenin, erekshe belgilerin daıyndap bere alatyndyqtary birneshe ret júrgizilgen jasyryn tekserý barysynda anyqtalyp otyr, – dep atap kórsetti Almaty qalasy PD О́zindik qaýipsizdik basqarmasynyń bastyǵy Salamat Nııazbekov.
