Aımaqtar • 24 Qarasha, 2020

Qymbat mashınany qymqyrǵandar qolǵa tústi

35 ret kórsetildi

Kez kelgen mashınanyń urlanýy tótenshe oqıǵa, ıesine úlken qasiret, óıtkeni oǵan mańdaı ter, taban aqyńdy salyp, satyp alasyń. Al endi «Toyota Land Cruiser» sııaqty Petropavl qalasyndaǵy 2-3 úsh bólmeli páterdiń qunyna teń qymbat dúnıeniń urlanýy tipti erekshe oqıǵa. Halyq arasynda tek «Djıp» dep atalatyn ondaılarǵa urylar jaqyndaı qoımaıtyn. Tek bir kezde aınasyn ótkizýge múmkindik bolyp, birneshe «Djıptiń» osy buıymyn usaq urylar qoldy qylǵan. Sonyń biri konkıshi D.Tenniń mashınasynan alynyp, uryny ustamaq bolǵan ıesiniń de mert bolǵany este.

Biraq provınsıaldyq qalalarda ondaı erekshe oqıǵa bolǵan emes. Osy kúnge deıin petropavldyq qyzyl jaǵalylar «Djıp» urlanǵanyn da estimepti. Negizinen tek baı, baqýatty adamdardyń ǵana múlki bolatyndyqtan urylar ondaılarǵa jolaýdan jasqanǵan. О́ıtkeni, ondaı mashınanyń qoly uzyn ıesi qymbat múlkin urynyń sińirýine jol bermeıdi. 

Alaıda keshe Petropavl qalasynda mashına urlaýdyń osyndaı erekshe oqıǵasy boldy.Urylar Petropavldyń N.Nazarbaev kóshesindegi bir úıiniń aýlasynda turǵan «Djıpti» qoldy qylǵan. Ury osyndaı mashınanyń syryn jaqsy biletin qý bolsa kerek, «Toyota Land Cruiserdi» óziniń alyp kelgen akkýmýlıatorymen ot aldyrǵany belgili bolyp otyr. Alaıda onyń elektrondy dabylyn tolyq toqtatyp tastaýǵa aqyly jetpegen sııaqty. О́ıtkeni, ıesi oıanyp ketip, terezeden qaraǵanda temir tulparyn qoıǵan ornynda kórmegen soń polısııaǵa dabyl beredi.

Urylar bolsa bul kezde Petropavl qalasynyń aýmaǵynan da shyǵyp ketken eken. Alaıda polısııanyń kezekshiliktegi patrýlderi «Djıptiń» qoldy bolǵanynan tegis qulaqtanyp, barlyq joldardy qyraǵylyqpen baqylaýǵa alady. Túngi mezgilde avtomashınalar aǵyny kóp emes qoı. Onyń ústine «Djıptiń» ózi de birden kózge túsetin erekshe mashına.

Qaraýyl qarap turǵan patrýlderdiń biri «Petropavl-Bogolıýbov» tasjolymen zyrlap bara jatqan ony kózderi shalyp qalady.  Dabylyn jarqyldatyp sońyna túsken polısııany kórgen soń «Djıp» te jyldamdyǵyn údetedi. Onyń ústine polısııa mashınasynyń artynda kele jatqan bógde kólik patrýlderdiń aldyna shyǵyp alady. Sóıtip, qutty kınolardaǵydaı qýǵyn bastalady. «Aýdı» markaly bógde mashına polıseılerdiń adymyn ashyrmaı, asfalt joldyń ústinde burańdap, olardyń alǵa shyǵýyna jol bermeıdi. Sonyń ózimen ol urynyń serigi ekendigin kórsetip qoıady.

Sońyna bir túsken soń polısııa qutqarýshy ma edi, Bul shym-shytyryq joldary men qala-shaharlary kóp shetel emes qoı. Aýyl-selo arasyndaǵy qýǵynnyń qulashy keń emes, polıseıler aqyry «Djıpti» toqtatady. Ony alyp qashqan Esil aýdanyndaǵy Pokrovka selosynyń buryn sottalǵan 1995 jylǵy turǵyny bolyp shyǵady. Qazir ol polısııanyń oqshaýlaǵyshynda otyr. Al onyń «Aýdı» mashınasyndaǵy seriktesi ustatpaı ketedi. Mashınanyń ózi Novonıkolsk selosynyń mańyndaǵy ormanǵa jasyrynǵan jerinen tabyldy. О́zi ustalmaǵanymen urynyń seriginiń aty-jóni, týǵan jyly polısııaǵa belgili boldy. Ol Pokrovka selosynyń 1986 jyly týǵan turǵyny bolyp shyqty. Qazir ol izdestirilýde. Barlyq derekteri belgili bolǵannan keıin onyń da alysqa uzamasy belgili.

Sóıtip, Soltústik Qazaqstanda bóten adamnyń qymbat múlkin urlaǵan uıymdasqan qylmystyń joly kesildi. Qazir urylardyń ústinen qozǵalǵan qylmysty istiń materıaldary jınalýda. Alaıda, baýkespe qaraqshylar emes, aýyl turǵyndarynyń osyndaı úlken qylmysqa uıymdasqan túrde barýynyń ózi suraq týdyrady. Bulardyń artynda yqpaldy bireýler turǵan sııaqty.

Sońǵy jańalyqtar

Elimizde taǵy 1050 adam indetten aıyqty

Koronavırýs • Búgin, 09:44

Semeıge Saqtaǵanov ákim boldy

Taǵaıyndaý • Keshe

Birneshe oblysta jol jabyldy

Qazaqstan • Keshe

Uqsas jańalyqtar