Oblystyq taýarlar men qyzmetterdiń sapasy men qaýipsizdigin baqylaý departamentiniń basshysy Aınagúl Mýsınanyń málimdeýinshe, oblysta 4700-ge jýyq adam indetke shaldyqqan. Qazirgi ýaqytta oblys stasıonarlarynda 209 naýqas osy dertten emdelip jatyr.
О́kinishke qaraı, 83 adam osy indettiń saldarynan ómirden ótken. Sońǵy táýlikte 75 oqıǵa tirkelse, onyń 42-si Kókshetaý, 9-y Stepnogorsk qalalarynda, qalǵandary Atbasar, Býrabaı, Zerendi, Bulandy, Sandyqtaý aýdandarynda. 1-shi tamyzdan beri 506 adam vırýstyq pnevmonııamen aýyrǵan. Sońǵy táýlikte mundaı 3 oqıǵa anyqtaldy. Jalpy, bul aty jaman aýrý Egindikólden basqa 18 aýdannyń bárinen shyǵyp otyr. Qarasha aıy bastalǵannan beri Kókshetaýda – 546, Stepnogorskide – 116, Býrabaı aýdanynda – 80, Zerendide – 36, qalǵan aımaqtarda 20-ǵa jýyq juqtyrǵandar bar.
Mektep oqýshylary arasynda 68 jaǵdaı anyqtalǵany belgili bolyp otyr. Indet anyqtalǵan synyp oqýshylary ustazdarymen birge 14 kúndik karantınge jiberilgen. Balabaqshalarda 24 búldirshinnen indet anyqtalyp otyr. Onyń 17-si Kókshetaý qalasynda.
– Indettiń bulaı dendep ketýiniń basty sebepteri – maska taqpaý, áleýmettik araqashyqtyqty eskermeý, qoǵamdyq kólikterde ara qatynasty saqtamaý, otbasylyq, kópshilik is-sharalar, toılar ótkizý. Monıtorıngtik toptar jumys istep, aıyppuldar salynyp jatsa da, oǵan mán bermeı jatqandar bar. Mysaly, osy kezeńde karatındik sharalardy buzýdyń 494 oqıǵasy anyqtalyp otyr. Bul jaǵdaılar boıynsha tıisti sharalar qoldanylýda. Halyq sanıtarlyq-epıdemıologııalyq qyzmet tarapynan usynylatyn talaptarǵa túsinistikpen qarap, olardy oryndaýlary qajet. Karantındik sharalardy saqtaý – oblystaǵy epıdemııalyq jaǵdaıdyń ýshyǵyp ketpeýine kómegin tıgizedi. Sondyqtan, tıisti talaptarǵa baǵynaıyq, – deıdi bas memlekettik sanıtarlyq dáriger Aınagúl Mýsına.
Saqtansaq qana saý qalatynymyzdy sanamyzǵa sińirgenimiz abzal.
