Elorda • 25 Qarasha, 2020

"Jumyspen qamtýdyń jol kartasy" aıasynda 15 myńnan astam jumys orny quryldy

7 ret kórsetildi

Elordada "Jumyspen qamtýdyń jol kartasy" baǵdarlamasy aıasynda jańa jumys oryndaryn qurý jospary artyǵymen oryndaldy. 15 253 bos jumys ornyn ashý josparlanyp, 15 607 jumys orny quryldy, onyń ishinde 7 926 adam jumyspen qamtý ortalyǵy arqyly jumysqa ornalastyryldy, dep habarlaıdy Egemen.kz

"Elorda turǵyndary túrli salalardaǵy qurylyspen baılanysty 151 ınfraqurylymdyq jobalar boıynsha jumysqa tartyldy. Jumyspen qamtýdyń jol kartasy boıynsha eń kóp suranysqa ıe jumys oryndary – barlyq sanattaǵy elektrıkter, dánekerleýshiler, slesarlar, júrgizýshiler. Qazirgi ýaqytta 45 joba boıynsha jumys aıaqtaldy. Osy jobalardy iske asyrǵan merdigerler 1469 adamdy turaqty jumyspen qamtydy", dep habarlady elordalyq Jumyspen qamtý ortalyǵy.

Elordada Jumyspen qamtý jol kartasy boıynsha jumysqa qabyldaý sáýir aıynda bastaldy, óıtkeni engizilgen tótenshe jaǵdaı men karantınge baılanysty kóptegen uıymdar, onyń ishinde ShOB óz jumysyn ýaqytsha toqtatty. Osy kezeńde jumyspen qamtý ortalyǵy onlaın rejıminde jumys istedi. Jumyssyz azamattar ózderiniń tilekterin eskere otyryp, jumyspen qamtý ortalyǵyna tirkeldi. Úmitkerler sáıkes keletin bos jumys oryndaryn tańdady, sodan keıin olar jumys berýshilermen kezdesýlerge jiberildi.

"Eki apta saıyn tikeleı efırde bos oryndar jármeńkeleri, jumys berýshilermen ZOOM arqyly dóńgelek ústelder ótkizildi. Jumyssyz qalǵan kóptegen azamattar osyndaı is-sharalardyń arqasynda jańa jumys oryndaryn taýyp, memlekettiń qoldaýyn sezindi. Jumys sıpatyna jáne baǵdarlamaǵa baılanysty qatysýshylar 85000 – 250.000 teńge kóleminde jalaqy alady", dep atap ótti Jumyspen qamtý ortalyǵy.

Jumyspen qamtý ortalyǵy sonymen qatar jumyssyzdardyń jumyspen qamtylýyn jáne usynylǵan jobalarda jańa jumys oryndarynyń ashylýyn qadaǵalaıdy. Ol úshin jedel shtab qurylǵan.

"Jumys berýshiler merdigerlermen ózara baılanysyna qaraı salalar boıynsha jobalarǵa bólindi. Ákimshiler jumyspen qamtý ortalyǵy arqyly ashylǵan jumys oryndarynyń jáne jumyssyzdardyń sanyn baqylap otyrdy. Baqylaý jumysy baǵdarlamanyń sońyna deıin jalǵasady", dep atap ótti mekeme.

"Jumyspen qamtýdyń jol kartasy" memlekettik baǵdarlamasy –pandemııa kezinde jumyssyzdyqtyń aldyn alýǵa jáne qosymsha jumys oryndaryn qurýǵa baǵyttalǵan aýqymdy joba.

Sońǵy jańalyqtar

Elimizde taǵy 1050 adam indetten aıyqty

Koronavırýs • Búgin, 09:44

Semeıge Saqtaǵanov ákim boldy

Taǵaıyndaý • Keshe

Birneshe oblysta jol jabyldy

Qazaqstan • Keshe

Uqsas jańalyqtar