Oqıǵa • 25 Qarasha, 2020

Almaty ákimdigi kesilgen aǵashtardyń ornyna 30 emen otyrǵyzady

21 ret kórsetildi

Almatydaǵy "Sýlpak" saýda úıinin aldynda jaıqalyp ósip turǵan aǵashtardy kesilýi turǵyndardyń úlken narazylyǵyn týdyryp otyrǵany aıan, dep habarlaıdy Egemen.kz

Búgingi onlaın-brıfıngte Almaty qalasy ákimdigi men qalanyń quqyq qorǵaý organdarynyń ókilderi Tóle bı kóshesindegi aǵashtardy zańsyz kesý faktisi boıynsha sotqa deıingi tergeýdiń barysy jáne qabyldanǵan sharalar týraly baıandady.

23 qarashaǵa qaraǵan túni Tóle bı kóshesiniń boıynda, "Sýlpak" saýda úıiniń mańynda toǵyz emen, eki qaraǵash jáne eki akasııa kesilgen. Ákimdikke kásipkerler tarapynan aǵash kesýge ótinish túspegen.

Almaty qalasy Jasyl ekonomıka basqarmasynyń basshysy Natalıa Lıvınskaıanyń habarlaýynsha, Botanıkalyq baq mamandarynyń málimetine sáıkes 9 kádimgi emen, alasa qaraǵash, qaraǵash jáne 2 psevdoakasııa robınııasy (aq akasııa) kesilgen.

"Sarapshylardyń qorytyndysy boıynsha, kádimge emender sırek kezdesetin túrlerge jatady jáne Qazaqstannyń Qyzyl kitabyna joıylyp bara jatqan túrlerdiń «ekinshi sanatyna» engizilgen. Osyǵan baılanysty ákimdik prokýratýraǵa Qazaqstan Respýblıkasynyń Qylmystyq kodeksiniń 339-baby boıynsha qylmystyq isti qaıta kvalıfıkasııalaý týraly ótinish jiberdi", dep atap ótti N. Lıvınskaıa.

Osyǵan baılanysty Almaty polısııasy Departamenti basshysynyń orynbasary Rýstam Abdrahmanov bul is boıynsha qylmystyq quqyq buzýshylyq quramynyń Qazaqstan Respýblıkasynyń Qylmystyq kodeksiniń 2 bóliminiń «Sırek kezdesetin jáne quryp ketý qaýpi tóngen, sondaı-aq ósimdikter men janýarlardyń túrlerin, olardyń bólikterin nemese týyndylaryn paıdalanýǵa tyıym salynǵan zańsyz aınalym» 339-babyna ózgertilgenin atap ótti.

"Búgingi kúni bul iske qatysy bar barlyq adamdar anyqtalyp jatyr. Negizgi kináli tulǵa anyqtaldy, bul JK dırektory, Almaty qalasynyń turǵyny, ol kúdikti dep tanyldy. Onyń áreketteri QR QK 339-babyna sáıkes keledi. Iske birqatar saraptamalyq zertteýler taǵaıyndaldy. Qylmystyq is boıynsha tergeý júrip jatyr. Bul adamnyń jaýapkershiliginen basqa, biz sonymen qatar "Sýlpak" kompanııasynyń jaýapkershiligin qarastyramyz, óıtkeni kórshiles aýmaqty abattandyrý boıynsha kelisim-shart osy kompanııamen jasalǵan", dedi R. Ábdirahmanov.

О́z kezeginde Almaty qalasy prokýrorynyń birinshi orynbasary Berik Adamov zańsyz aǵash kesilgen jerdi kúzetip júrgen polısııa qyzmetkerleriniń áreketteriniń zańǵa sáıkestigi tekseriletinin atap ótti.

"Biz qala turǵyndarynyń áleýmettik jelilerdegi shaǵymyn zerdelep, tekseris júrgizýdemiz, ony Almaly aýdanynyń prokýratýrasy júrgizip jatyr. Polısııanyń is-áreketine zańdy baǵa beriledi. Tekserý nátıjeleri boıynsha polısııa bólimine buıryq jiberiledi", dedi B. Adamov.

N. Lıvınskaıanyń aıtýynsha, kesilgen aǵashtardyń ornyna ótemdik otyrǵyzý júrgiziletin bolady. Jasyl ekonomıka basqarmasy kóshetterdiń ornalasýyn, aýqymy men kóshetterge qoıylatyn talaptardyń saqtalýyn qamtamasyz etedi.

Qalalyq jasyl ekonomıka basqarmasynyń basshysy megapolıs ákimdigi qala turǵyndarynyń ádiletti narazylyǵyna ortaq ekenin, bul is Almaty qalasynyń ákimi B. Saǵyntaevtyń baqylaýynda ekenin basa aıtty.

"Biz almatylyqtardy bizge jáne ekologııalyq qurylymdarǵa Almatynyń jasyl qoryn baqylaýǵa kómektesýge shaqyramyz", dep atap ótip, kásipkerlerdi osyndaı zań buzýshylyqtardyń aldyn alýǵa shaqyrdy.

Keltirilgen shyǵynnyń mólsherin anyqtaǵannan keıin, Almatynyń Jasyl ekonomıka basqarmasy kesilgen aǵashtardyń ornyna óteme otyrǵyzýdy talap etedi. Jańa úlgidegi erejeler boıynsha seriktestik 260 aǵash otyrǵyzyp, olardy eki jyl boıy kútip-baptaýy kerek.

Sonymen birge, N. Lıvınskaıa osy jyldyń 1 jeltoqsanynan bastap Basqarma saıtta jasyl jelekterdi kesýmen aınalysatyn kompanııalardyń reıtıngin jarııalaýdy bastaıtynyn málimdedi. Sondaı-aq, jyl sońyna deıin Jasyl komıssııanyń reformasy aıaqtalady, onyń quramyna qalalyq qoǵamdyq keńes músheleri, belsendiler men BAQ ókilderi kiredi. Sonymen qatar, sarapshylarmen birge aǵashtardy baǵalaý ádistemesi jasalýda.

N. Lıvınskaıanyń aıtýynsha, erteń, 26 qarasha kúni ákimdik qoǵam belsendilerimen jáne qamqor azamattarmen birge Tóle bı kóshesiniń boıyna, sonyń ishinde "Sýlpak" SÚ-niń janyndaǵy ýchaskege, bıiktigi keminde 4 m bolatyn 30-ǵa jýyq kópjyldyq emen otyrǵyzady. Bul aǵash otyrǵyzý ótemdik jumys kólemine kirmeıdi.

Sońǵy jańalyqtar

Kobıdiń qazasy

Sport • Búgin, 10:47

Dańqty Ýeın Gretskı 60 jasqa toldy

Hokkeı • Búgin, 10:45

Qazaqstannyń 8 óńiri «qyzyl» aımaqta tur

Koronavırýs • Búgin, 10:21

SQO-da qyzy ákesin tonap ketken

Aımaqtar • Búgin, 09:45

Ázerbaıjanda jarylys boldy

Álem • Búgin, 09:36

Pnevmonııadan 3 adam qaıtys boldy

Koronavırýs • Búgin, 09:33

Bazalyq mólsherleme belgilendi

Qarjy • Búgin, 07:51

Ústel tennısi úmitti úkileıdi

Aımaqtar • Búgin, 07:38

Kúshikbaı batyrdyń kisesi

Rýhanııat • Búgin, 07:36

Bir táýlikte 219 naýqas tirkeldi

Aımaqtar • Búgin, 07:32

О́ńir taǵy da «qyzyl aımaqqa» endi

Aımaqtar • Búgin, 07:31

Shaǵannan nege shý shyqty?

Aımaqtar • Búgin, 07:24

Pangolın zaýaly

Álem • Búgin, 07:22

Dári-dármek qory jetkilikti

Aımaqtar • Búgin, 07:21

Esim aýystyrý – sán emes

Qoǵam • Búgin, 07:20

Qor bırjasyndaǵy qońdylar

Qarjy • Búgin, 07:13

Ýeın Gretskı – 60 jasta

Oqıǵa • Búgin, 07:00

Memleket basshylary da shet qalǵan joq

Medısına • Búgin, 06:58

Vaksınalaý: úmit pen kúdik

Qoǵam • Búgin, 06:57

Qaz­Covid-in sáýirde daıyn bolady

Medısına • Búgin, 06:56

Vaksına kimderge salynady?

Suhbat • Búgin, 06:53

Erkeleýdi úıretken «Eralash»

Rýhanııat • Búgin, 06:52

Narsıss janaryndaǵy aıdyn

Rýhanııat • Búgin, 06:50

Zeınetaqy qarajaty: Reforma ilgeri basty

Ekonomıka • Búgin, 06:50

Bekzat minez (esse-portret)

Rýhanııat • Búgin, 06:47

О́nerkásipke óris ashqan qurylym

Saıasat • Búgin, 06:44

Oqýshy neden kóz jumdy?

Qoǵam • Keshe

Uqsas jańalyqtar