Toptyq kezeńniń aıaqtalýyna áli eki týr qalǵan bolsa da, E jáne G tobynda alǵashqy eki oryndy ıelenip, týrnırdiń kelesi kezeńine joldama alǵan komandalar anyqtaldy. E tobynda «Chelsı» men «Sevılıa», G tobynda «Barselona» men «Iýventýs» pleı-off máselesin erte sheship qoıdy. Bul týrda «Chelsı» syrt alańda «Renn» klýbynan 2:1 esebimen basym tússe, «Sevılıa» da dál osyndaı eseppen «Krasnodardy» jeńdi.
G tobynda «Barselona» Kıevte «Dınamony» 4:0 esebimen tas-talqanyn shyǵarsa, «Iýventýs» óz alańynda «Ferensvaroshty» 2:1 esebimen jeńip, qajetti úsh upaıyna qol jetkizdi. Sonymen qatar F tobynda «Lasıo» men «Borýssııa D» kezekti úsh upaıyn ıelenip, keıingi kezeńge bir taban jaqyndaı tústi. N tobynda PSJ óz alańynda Neımardyń penaltıden soqqan jalǵyz golynyń arqasynda jeńiske jetse, «Manchester Iýnaıted» syrt alańda Túrkııa chempıonyn iri eseppen (4:1) tize búktirdi.
