Tennıs • 26 Qarasha, 2020

Kil myqty bas qosqan qorytyndy týrnır (bıyl reseılik Danııl Medvedevtiń jeńisimen máresine jetti)

9 ret kórsetildi

Jyl sońynda ATR-diń qorytyndy týrnıri dástúrli túrde ótip turatynyn jankúıerler jaqsy biledi. Oǵan tek sol maýsymda tabysty óner kórsetip, reıtıng boıynsha eń úzdik segizdikke engen tennısshi ǵana qatysa alady. Bıylǵy kil myqty bas qosqan dodada 24 jastaǵy reseılik oıynshy Danııl Medvedev ozdy. 

Iá, Reseı ókiliniń bıylǵy maý­symda sátti óner kórsetip, álem­niń tórtinshi raketkasy dáre­jesine deıin kóterilgeni ras. Biraq «Úlken dýlyǵa» sanatyndaǵy týrnırlerde Danııl Medvedev birde-bir ret top jarǵan emes. 2019 jyly AQSh-tyń ashyq birinshiliginiń fınalyna deıin jetti. Medvedevtiń sporttyq man­sabyndaǵy eń úzdik kórsetkishi osy. Desek te Ulybrıtanııanyń asta­nasyndaǵy ATR-diń qory­tyndy týrnırin reseılik ten­nıs­shi óte qarqyndy ótkizdi. Ol toptyq saıystardyń úsheýinde de kúmánsiz jeńiske jetti. Tarqatyp aıtsaq, serbııalyq Novak Djo­ko­vıch (6:3, 6:3), germanııalyq Alek­sandr Zverev (6:3, 6:4) jáne argentınalyq Dıego Shvarsman (6:3, 6:3) syndy sańlaqtardy san soqtyrdy. Jartylaı fınalda ataǵy alysqa jaıylǵan Ispanııanyń maqtanyshy Rafael Nadaldan basym tústi – 6:7, 7:6, 6:3. Aqtyq aıqasta aýstrııalyq Domınık Tımdi tize búktirdi – 4:6, 7:6, 6:4.

О́zderińiz baıqaǵandaı, jartylaı fınaldyq jáne fınaldyq básekeni Medvedev sátsiz bastady. Eki rette de ol birinshi sette jeńilis tapty. Biraq soǵan bola onyń jigeri jasyǵan joq. Kerisinshe, kortqa qaırattanyp, qýattanyp shyqty. Ekinshi setterde oıyn taı-breıkke deıin ulasty. Shıeleniske toly bul básekelerdi Danııl óz paıdasyna sheshti. Dańqty Nadal da, tegeýrindi Tım de sheshýshi tusta Reseı tennısshisiniń ekipinine shydas bere almady. Úshinshi sette qarsylastaryna qaraǵanda áldeqaıda shıraq qımyldaǵan Medvedev óziniń sporttyq mansabyndaǵy eń zor tabysyna qol jetkizdi. Ásirese onyń sońǵy 10-15 jylda shashalaryna shań juqtyrmaı kele jatqan álemniń 1-shi jáne 2-raketkalaryn utqanyn atap aıtqan artyq
emes.

Londondaǵy jarystyń júlde qory bıyl 5 mln 700 myń AQSh dollaryn qurady. Sonyń 1 mln 564 myńy bas júldeni oljalaǵan Danııl Medvedevke buıyrdy. Tarqatyp aıtsaq, ol týrnırge qatysqany úshin 153 myń, toptyq saıystardaǵy ár jeńisi úshin 153 myńnan, jartylaı fınaldaǵy jeńisi úshin 402 myń jáne fınaldyq saıystaǵy jeńisi úshin 550 myń dollarǵa ıelik etti. Qalǵan oıynshylar da quralaqan qalǵan joq. Olar da Tumandy Albıon elinen biraz oljamen oraldy.

ATR-diń qorytyndy týr­nı­ri­niń tarıhyna qysqasha toqtalsaq, bul doda 1970 jyldan beri úz­dik­siz uıymdastyrylyp keledi. Ár jyldary Tokıo, Parıj, Barselona, Boston, Melbýrn, Stokgolm, Hıýston, Nıý-Iork, Maındegi Frank­fýrt, Gannover, Lıssabon, Sıdneı jáne Shanhaı syndy iri shaharlarda aıtýly jarystyń jalaýy jelbiredi. 2009 jyldan beri baıraqty báseke Londonda ótip keledi. Al 2021 jyldan bastap Italııanyń Týrın qalasynda uıymdastyrylatyn bolady.

Jyl sońynda ótetin osy ja­rysta eń kóp oljaǵa kenel­gen Rodjer Federer ekeni barshaǵa málim. 2003-2011 jyldar aralyǵynda Shveısarııanyń sań­laǵy jeti márte top jardy. HH ǵasyrdyń sekseninshi jylda­ry chehoslovakııalyq Ivan Lendl jáne toqsanynshy jyldary ame­rıkalyq Pıt Samprastyń jasyn­daı jarqyldaǵany jankúıer­lerdiń jadynda. Búgingi tańda Novak Djokovıch teńdessiz óner kórsetýde. Ataqtary alysqa ja­ıyl­ǵan aıtýly azamattar bes retten teńdessiz dep tanyl­dy. Byltyrǵy jarys grekııa­lyq Stefanos Sısıpastyń jeńi­si­men aıaqtalsa, bıyl Danııl Medve­devtiń mereıi ústem boldy. Bul – Reseı tennısshileriniń ATR-diń qorytyndy týrnırinde ekinshi márte top jarýy. Alǵash ret osy­dan 11 jyl buryn, ıaǵnı 2009 jy­ly dál osy ataqqa Nıkolaı Davy­denko qol jetkizgen bolatyn.

Sońǵy jańalyqtar

Elimizde urlyq sany eki esege azaıdy

Qoǵam • Búgin, 18:25

Qazaqstanda urlyq sany eki esege azaıdy

Qazaqstan • Búgin, 17:15

Kann festıvali jazǵa shegerildi

О́ner • Búgin, 16:42

Prezıdent Alık Shpekbaevty qabyldady

Prezıdent • Búgin, 16:02

Uqsas jańalyqtar