Olar – Aqtóbe oblysy boıynsha grek-rım, erkin jáne áıelder kúresi federasııasynyń prezıdenti Rahat Sydyqov, oblys ákiminiń orynbasary Amanǵalı Berdalın, «DARU MEDICAL GROUP» JShS-niń Bas dırektory Ǵalymjan Eleýov, «Jas Otan» Jastar qanaty Aqtóbe oblystyq fılıalynyń tóraǵasy Asyljan Búrkitalın. Aldyńǵy ekeýiniń aýyl, aýdan, sharýashylyq basqarýda tájirıbesi mol, úshinshisi –kásipker, sońǵysy –belsendi jas.
Búgin Nur Otan partııasynyń Aqtóbe oblystyq fılıalynyń ǵımaratynda óńir basshysy Ońdasyn Orazalın bastaǵan jergilikti nurotandyqtar quryltaıdy onlaın rejımde tamashalady. Endi jeltoqsannyń bas kúnderinde Májilis jáne oblystyq máslıhat saılaýyna qatysatyn iriktelgen kandıdattar saılaýaldy baǵdarlamalaryn túsindirý maqsatynda jurtshylyqpen josparly kezdesýlerin bastaıdy. Bul joly depýtattyqqa úmitkerler halyq senimine ıe bolý úshin: «Bos sóz ben qurǵaq ýáde emes, naqty áreketter ǵana halyq senimine jáne saıası kóshbasshylyqqa qol jetkizýge múmkindik beredi. Sondyqtan partııa memlekettik basqarý júıesin jańǵyrtýdy myqtap qolǵa alady», dep Prezıdent Q. Toqaev belgilep kórsetkendeı, trasformasııalanǵan qoǵamnyń bolashaq baǵdaryna saı jańasha áreket etýi tıis.
Pandemııa ekonomıkaǵa ǵana emes, qoǵamdyq sanaǵa da, adamı qarym-qatynastarǵa da túbegeıli áser etken qazirgi ýaqytta jurtshylyqtyń senimine ıe bolýdyń ońaı emestigin depýtattyqqa kandıdattar da jaqsy túsinip otyr.
