Saıasat • 26 Qarasha, 2020

Qazaqstan men Koreıa strategııalyq seriktestikti damytýdy jalǵastyrady

172 ret

kórsetildi

1 mın

oqý úshin

«Ortalyq Azııa - Koreıa Respýblıkasy» Syrtqy ister mınıstrleriniń yntymaqtastyq forýmynyń 13-shi otyrysyna qatysý sheńberinde Qazaqstannyń syrtqy saıası vedomstvosynyń basshysy Muhtar Tileýberdi Koreıa Respýblıkasynyń Syrtqy ister mınıstri Kan Gen Hvamen kelissózder júrgizdi, dep habarlaıdy Egemen.kz.

Marjan TILEÝBEK

Qazaqstan men Koreıa strategııalyq seriktestikti damytýdy jalǵastyrady

Kezdesý barysynda taraptar ekijaqty strategııalyq áriptestikti odan ári damytýdyń jaı-kúıi men perspektıvalaryn talqylady. COVID-19 pandemııasyna qaramastan, turaqty saıası dıalog joǵary deńgeıde, sondaı-aq koronavırýstyń taralý saldaryn tezirek eńserý kontekstindegi ózara is-qımyldyń joǵary qarqyny saqtalyp otyrǵany atap ótildi.

Taraptar QR Prezıdenti Qasym-Jomart Toqaevtyń 2021 jyly Koreıa Respýblıkasyna josparlanǵan memlekettik saparynyń mazmundyq aspektilerin talqylady.

Mınıstr Seýlge jumys sapary aıasynda Koreıa Respýblıkasynyń Premer-Mınıstri Chon Se Gıýn jáne Koreıa Respýblıkasy Ulttyq Assambleıasynyń spıkeri Pak Ben Sokpen kezdesti.

Mınıstr ekijaqty saıası dıalogty, parlamentaralyq baılanystardy damytýdyń mańyzdylyǵyn atap ótip, Koreıa Respýblıkasymen saýda-ekonomıkalyq yntymaqtastyqty odan ári nyǵaıtýǵa senim bildirdi.