Is-sharanyń maqsaty – medıasııany jáne daýlardy sheshýdiń balama tásilderin damytýǵa, medıasııa salasyndaǵy jańa memlekettik saıasatty ázirleýge járdemdesý. Medıasııa ınstıtýtyn jáne daýlardy balamaly sheshýdi nyǵaıtý boıynsha turaqty jumys isteıtin dıalog alańyn qurý.

О́z sózin: «Bolashaǵy birtutas Eldiń barlyq memlekettik jáne azamattyq qoǵam ınstıtýttary qyzmetiniń eń basty qaǵıdaty – qoǵamdyq kelisimdi saqtaý jáne nyǵaıtý. Osyǵan oraı, barlyq taraptardyń quqyqtary men bostandyqtaryn qurmetteý arqyly bitimgershilikke qol jetkizýge baǵyttalǵan medıasııa ınstıtýtynyń el birligi men qoǵamdyq kelisimdi damytýdaǵy róli zor» dep bastaǵan QR Parlamenti Májilisiniń depýtaty, Qazaqstan halqy Assambleıasynyń respýblıkalyq Medıasııa keńesiniń tóraǵasy Narıne Mıkaelıan qazirgi ýaqytta Qazaqstan halqy Assambleıasynyń qoǵamdyq medıatorlar ınstıtýtyn qalyptastyrý jáne damytý boıynsha júrgizip otyrǵan júıeli jumysy men elimizde qurylǵan 29 Medıasııa keńesiniń jumysy týraly aıtyp ótti:

«QHA respýblıkalyq Medıasııa keńesi ózara yntymaqtastyq týraly 9 (toǵyz) memorandýmǵa qol qoıyldy (QR Joǵarǵy Soty, QR Sýdıalar odaǵy, Reseı Federasııasynyń «Federaldy medıasııa ınstıtýty», Reseı Federasııasynyń Ulttyq medıatorlar uıymy, QR Ulttyq densaýlyq saqtaý palatasy, «Atameken» UKP, Respýblıkalyq advokattar kollegııasy, Respýblıkalyq notarıaldy palatasy, QR Adam quqyqtaryn qorǵaý boıynsha ýákiletti uıym, «Týran-Astana» ýnıversıteti).

Olardy júzege asyrý aıasynda 15000 asa is-shara ótkizilip, 280000 adamdy qamtydy.

Qazaqstan Respýblıkasy Ádilet mınıstrliginiń 2019 jylǵy aqparatyna súıensek, respýblıkamyzda 126 medıatorlar uıymdary tirkelgen.

Alaıda, olardyń tek 24-inde ǵana bilim berý qyzmetterin kórsetýge qajetti talaptary, ıaǵnı bilim berý baǵdarlamasy, oqytyp shyqqan medıatorlarynyń reestri, sondaı-aq kásibı medıatorlardy daıyndaıtyn trener-medıatorlar týraly aqparaty jarııalanǵan veb saıty bar.

Joǵaryda aıtylǵandardy eskere otyryp, kásibı jáne sapaly medıatorlardy daıyndaý úshin kásibı medıatorlardy attestattan ótkizý jáne tirkelgen Qoǵamdyq medıasııa ortalyqtaryn akkredıtteý qajet.

Respýblıkadaǵy medıatorlardyń jumysyn sapaly úılestirý jáne retteý úshin jańa uıym qurý qajettiligi, ne bolmasa qazirgi ýaqytta bar jáne sapaly jumys jasap jatqan Qazaqstandaǵy Sertıfıkattaý jáne akkredıtteý ulttyq ortalyqtaryna júginý máselesi týyndap otyr.

Bul baǵytta jumystar jalǵasatyn bolady», - dedi ol.

Is-sharaǵa, sondaı-aq, QR Aqparat jáne qoǵamdyq damý mınıstrligi Etnosaralyq qatynastardy damytý komıteti tóraǵasynyń orynbasary Erkin Úısimbaev, «Qoǵamdyq kelisim» RMM dırektory Erbol Sháýenov, QHA múshesi, Qazaqstandaǵy «Vaınah» sheshen-ıngýsh halyqtarynyń mádenıetin damytý qaýymdastyǵy» ZTB múshesi, kásibı medıator Iýsýp Kelıgov, QHA múshesi, «О́zbek etnomádenı ortalyǵy» qoǵamdyq birlestiginiń tóraǵasy, jattyqtyrýshy-medıator Sherzod Pýlatov, mınıstrlikter men óńirlik medıasııa ortalyqtarynyń ókilderi, kásibı jáne qoǵamdyq medıatorlar qatysty.

QHA múshesi, «О́zbek etnomádenı ortalyǵy» qoǵamdyq birlestiginiń tóraǵasy, jattyqtyrýshy-medıator Sherzod Pýlatov óz sózinde birqatar usynystaryn bildirdi: «Birinshiden, medıatorlardyń kásibıligin arttyrý maqsatynda janjaldardy sheshýdiń, onyń ishinde kelissózder men tatýlastyrý rásimderi salasynda jańa quraldardy úıretý boıynsha bilim berýdi bastaý qajet.

Ekinshiden, yqtımal janjaldardyń aldyn alý úshin janjaldy aımaqtardy, onyń ishinde yqsham ómir súrip jatqan etnostardy anyqtaý boıynsha taldamalyq-zertteý jumystaryn jalǵastyrý qajet.

Úshinshiden, janjaldan keıingi basqarýdyń tıimdi algorıtmderin jasap, janjaldar etnosaralyq jazyqtyqqa ótken aımaqtardy qalpyna keltirý boıynsha jumystar júrgizý qajet.

Tórtinshiden, kolledjder men ýnıversıtetterde magıstrlik baǵdarlamalar ázirlep, konflıktologtardy, medıatorlar men kelissóz júrgizýshilerdi daıarlaýda, onyń ishinde etnomedıasııa salasynda arnaıy modýlder jasaý qajet», - dedi ol.

Jalpy, jıyn barysynda Qazaqstandaǵy medıasııa ınstıtýtyn odan ári damytýdyń ózekti máseleleri talqylanyp, QHA respýblıkalyq Medıasııa keńesiniń jańa quramy bekitildi jáne Medıasııa keńesiniń erejesi qaraldy.