Elbasy • 26 Qarasha, 2020

"Tuńǵysh Prezıdent: Jasampazdyq pen údemeli damýdyń 30 jyly" atty dóńgelek ústel ótti

13 ret kórsetildi

Qazaqstan Respýblıkasynyń Tuńǵysh Prezıdenti kúni qarsańynda qazaqstandyq jáne halyqaralyq sarapshylar Elbasy Nursultan Nazarbaevtyń kóshbasshylyq fenomenin, tabysqa jetý formýlasyn jáne Qazaqstannyń táýelsiz memleket retinde qalyptasýy men damýyndaǵy Elbasynyń jasampazdyq rólin talqylady, dep habarlaıdy Egemen.kz.

Aqparat jáne qoǵamdyq damý mınıstrliginiń qoldaýymen «Rýhanı jańǵyrý» qazaqstandyq qoǵamdyq damý ınstıtýty uıymdastyrǵan dóńgelek ústel «Qazaqstan Respýblıkasynyń Tuńǵysh Prezıdenti: Jasampazdyq pen údemeli damýdyń 30 jyly» dep ataldy.

Sharany ashqan Aqparat jáne qoǵamdyq damý mınıstri Aıda Balaeva Qazaqstannyń 30 jyldyq údemeli damýynyń jetistikteri hronıkasy Elbasynyń kóshbasshylyq tarıhy ekendigin atap ótti. Táýelsiz Qazaqstannyń barlyq negizgi kezeńderi Nursultan Nazarbaevtyń elimizdi básekege qabiletti otyz eldiń qataryna kirýi úshin baǵyttalǵan jumystarmen tikeleı baılanysty.

Dóńgelek ústelge qatysýshylardyń pikirinshe, Qazaqstan halqy Assambleıasyn qurý, astanany kóshirip, qaıta jańa elordany qurý, antııadrolyq jáne ıntegrasııalyq bastamalardy júzege asyrý, elimizdiń BUU Qaýipsizdik Keńesine músheligi, Qazaqstannyń Eýropadaǵy qaýipsizdik jáne yntymaqtastyq uıymyna tóraǵalyq etýi, eldegi jańa tehnologııalardyń damýy syndy Elbasynyń tikeleı at salysýymen atqarylǵan kóptegen bastamalar men qadamdardyń barlyǵy halyqaralyq qoǵamdastyqtyń táýelsiz aktory retinde Qazaqstannyń odan ári damýynyń berik irgetasyn qalady. Qazaqstan Respýblıkasynyń alǵashqy Syrtqy ister mınıstri Tóleýtaı Súleımenov Elbasynyń Memleket basshysy retindegi alǵashqy jyldaryn eske aldy.

«Qazaqstan Respýblıkasy Táýelsizdigin alǵan kezde onyń shekarasy bekitilmegen bolatyn. Bul el bolashaǵy úshin qaýipti edi. Al shekara bolmasa Táýelsizdik baıandy bolmaıdy. Osy kezde Nursultan Nazarbaev kórshiles memlekettiń basshylarymen parasatty kelissózder júrgizý arqyly shekaramyzdy quqyqtyq turǵyda bekitip, Táýelsiz Qazaqstannyń irgetasyn qalady», - dedi Tóleýtaı Súleımenov.

Al óz kezeginde sheteldik sarapshylar QR Tuńǵysh Prezıdentiniń jahandyq bastamalardy damytýdaǵy jáne halyqaralyq ıntegrasııalyq prosesterdi damytýdaǵy úlken rólin atap ótti.

Máselen, Reseı memlekettik gýmanıtarlyq ýnıversıtetiniń prezıdenti Efım Pıvovardyń aıtýynsha, Qazaqstannyń aımaqtaǵy kóshbasshylyǵyn qamtamasyz etken, Eýrazııalyq keńistiktegi ıntegrasııalyq úderisterdiń strategi, ári sáýletshisi – Nursultan Nazarbaev. Munyń barlyǵy Elbasynyń syndarly ekonomıkalyq strategııasynyń, halyqaralyq keńistiktiń alyp ókilderimen terezesi teń dárejede baılanys ornatýynyń jáne álemdegi neǵurlym tıimdi, ári úılesimdi jalpyulttyq kelisim men birliktiń pármendi modeliniń arqasynda múmkin boldy.

О́zbekstan ulttyq ýnıversıtetiniń professory, Fılosofııa ǵylymdarynyń doktory Nıgınahon Shermýhamedova dóńgelek ústel barysynda Nursultan Nazarbaevtyń О́zbekstan men Qazaqstan mádenıetteriniń qarym-qatynasyn damytýdaǵy orasan rólin atap ótti.

Sondaı-aq, sarapshylar Elbasynyń nátıjeli saıasattarynyń biri retinde etnostyq toptar úshin teń múmkindikter strategııasynyń iske asyrylǵandyǵyn jáne ultaralyq tatýlyqty kúsheıtý arqyly uıymshyl mýltıetnostyq qoǵamnyń qalyptasqanyn aıtty.

«Dál osy ultaralyq rýhanı baılanystar, etnostardyń bir-birine degen toleranttylyǵy, ózara qurmeti – Qoǵamdyq kelisim men jalpyulttyq birliktiń qazaqstandyq úlgisi retinde kúlli álemge úlgi bola alady», - dep atap ótti Qazaqstan halqy Assambleıasynyń kafedra meńgerýshisi, Lev Gýmılev atyndaǵy EUÝ QHA kafedralary qaýymdastyǵynyń tóraǵasy, Halyqaralyq ınformatızasııa akademııasynyń akademıgi, s.ǵ.d Natalıa Kalashnıkova.

Bul máselege Memleket tarıhy ınstıtýtynyń dırektory, tarıh ǵylymdarynyń doktory Búrkit Aıaǵan da pikirin bildirip, elimizde etnosaralyq qaqtyǵystardyń oryn almaýy jáne tutastyǵymyzdyń saqtalýy da Elbasymyzdyń syndarly saıasatynyń nátıjesi ekendigin aıtty.

«Bul 30 jyldyq dańǵyl joldy Qazaqstan halqy abyroımen ótkizip, rýhanı jańǵyrýdy sanasyna sińirgen qoǵam retinde qalyptasyp kele jatyrmyz», - dedi Búrkit Aıaǵan.

Qazaqstandyq jáne sheteldik sarapshylardyń aıtýynsha, Qazaqstan Prezıdenti Qasym-Jomart Toqaev ustanyp otyrǵan etnosararalyq kelisimniń zamanaýı saıasatynyń trendi Elbasy Nursultan Nazarbaev baǵytynyń sabaqtastyǵyna negizdelgen jáne turaqtylyq pen qoǵamnyń birigýin qamtamasyz etýge, syndarly dıalog negizinde etnosaralyq prosesterdi retteýge múmkindik beredi.

Dóńgelek ústelge, sondaı-aq Prezıdent janyndaǵy QSZI dırektorynyń orynbasary Sanat Kóshkimbaev, Eýropalyq quqyq jáne adam quqyqtary saraptamalyq ınstıtýtynyń dırektory Marat Báshimov, sonymen qatar ózge de qazaqstandyq jáne sheteldik sarapshylar qatysty.

Sońǵy jańalyqtar

Ulttyq Bankte jańa komıtet quryldy

Ekonomıka • Búgin, 10:56

Qalada qar boraıdy...

Aımaqtar • Búgin, 10:47

Petropavlda alaıaqtyq asqynyp barady

Aımaqtar • Búgin, 10:35

Tokıo olımpıadasy qashan ótedi

Sport • Búgin, 09:54

Almaty oblysynyń soty karantınge jabyldy

Aımaqtar • Búgin, 09:13

Qardan qalanǵan «Aqbas buqa»

Oqıǵa • Búgin, 08:41

Akademıktiń dombyrasy

Rýhanııat • Búgin, 08:40

Jelden qýat jınaıdy

Tehnologııa • Búgin, 08:38

Sapany «Adaldyq alańy» baqylaıdy

Oqıǵa • Búgin, 08:36

Jeńil ónerkásiptiń úlesi ulǵaıa tústi

Tehnologııa • Búgin, 08:35

Golovkın-«Kanelo» trılogııasy bola ma?

Kásipqoı boks • Búgin, 08:30

Elektrondy qoltańbany onlaın alýǵa bolady

Tehnologııa • Búgin, 08:26

Úndistan vaksınasyna senim joq

Álem • Búgin, 08:24

Djek Ma qaıtyp oraldy

Álem • Búgin, 08:22

Sheksiz álemniń jabyq shekaralary

Saıasat • Búgin, 08:21

Qaıyrymdy istiń saýaby mol

Rýhanııat • Búgin, 08:18

Alys-beristi nyǵaıtatyn kezeń

Ekonomıka • Búgin, 08:08

Kremldegi jaınamaz

Rýhanııat • Búgin, 08:02

Jarqyldap ótti ómirden

Tanym • Búgin, 07:57

Arpalystyń ashy sabaǵy umytylmaıdy

Medısına • Búgin, 07:53

«Iokerıtten» ese qaıtardy

Hokkeı • Búgin, 07:52

«Tarzannyń» taǵdyry

Tarıh • Búgin, 07:51

О́ńir ahýalymen tanysty

Úkimet • Búgin, 07:49

Moıyndalmaǵan Modılıanı

Rýhanııat • Búgin, 07:48

El múddesin eskeretin qujat

Parlament • Búgin, 07:48

Ujymǵa avtobýs tartý etti

Aımaqtar • Búgin, 07:44

Synnyń paıdasy men zııany

Tanym • Búgin, 07:40

Qarjylaı qoldaý bar, qoıma joq

Aımaqtar • Búgin, 07:38

Haliń qalaı, qazaq jýrnaly?

Ádebıet • Búgin, 07:36

О́r minez, ulttyq namys qajet

Qoǵam • Búgin, 07:32

Myqtylar Melbýrnde bas qosady

Tennıs • Búgin, 07:25

Izraılge qarsy oınaımyz

Fýtbol • Keshe

Uqsas jańalyqtar