Ekologııa • 26 Qarasha, 2020

Tabıǵat baılyqtaryn qorǵaýda jurtshylyqtyń belsendilik tanytýy mańyzdy

7 ret kórsetildi

Ekologııa, geologııa jáne tabıǵı resýrstar mınıstrliginiń resmı Facebook paraqshasynda Mańǵystaý óńirindegi tabıǵı nysandardy qorǵaý sharalary boıynsha ótken tikeleı efırdegi suhbatta aýmaqtyq ınspeksııa basshysy Ǵabbas  Dosatov osylaı dedi, dep habarlaıdy Egemen.kz.

Efır barysynda ol óńirlik ınspeksııanyń basty mindetterine  toqtalyp ótti.

«Aýmaqtyq ınspeksııanyń negizgi mindeti – oblystaǵy janýarlar men ósimdikterdi qorǵaý, erekshe qorǵalatyn tabıǵı aýmaqtar, ańshylyq, balyq sharýashylyqtaryn memlekettik baqylaýmen qamtamasyz etý bolyp tabylady. Oblysta 12 erekshe qorǵalatyn tabıǵı aýmaq (kólemi 2,8  mln ga), 9 ańshylyq sharýashylyǵy jáne 18 balyq sharýashylyǵymen aınalysatyn mekemeler tirkelgen. Oblystaǵy erekshe qorǵalatyn tabıǵı aýmaqtar jeri 2,8 mln gektardy alyp jatyr»,- dedi ınspeksııa basshysy.

Ǵ.Dosatov  ósimdikter men janýarlarǵa  qatysty qandaı da bir zańsyzdyqtyń kýási bolǵan jaǵdaıda mindettti túrde aýmaqtyq ınspeksııaǵa habar berýdi ótindi.

«Biz beıjaı qalmaýymyz kerek. Tabıǵat baılyqtaryn saqtaý tek tıisti mekemelerdiń emes, jurtshylyqtyń birlese isteıtin sharýasy. Bizdi turǵyndarymyzdyń qorshaǵan ortany qorǵaý salasynda belsendi bolýy qýantady»,- dep aıtty ol.

Efır barysynda brakonerlikpen kúres máseleleri de talqylandy. Spıkerdiń sózinshe, bıylǵy jyly Beıneý jáne Qaraqııa aýdandarynda Qyzyl kitapqa engen qaqaquıryq janýaryn zańsyz aýlaý boıynsha eki is tirkelgen. Eki is boıynsha da kináliler qylmystyq jaýapkershilikke tartylyp, 3 jyl bas bostandyǵynan aıyrylǵan.

«Sońǵy jyldardaǵy sanaq boıynsha arqar men qaraquıryqtyń sany ósip jatqanyn baıqadyq. Bul tabıǵatty qorǵaý uıymdary men ákimdiktiń birlesken jumysynyń nátıjesi. Kórshi elder aýmaǵynan leopardtyń kelýi de oǵan qorek bolatyn janýarlardyń kóbeıip, qolaıly ortanyń qalyptasýynyń belgisi»,- dedi ınspeksııa basshysy.

Aıta keteıik, osy ýaqytqa deıin áleýmettik jelilerde Mańǵystaý óńirine ushyp kelgen qoqıqazdar qyzý talqyǵa túsken bolatyn. Ǵabbas Dosatov bul máselege qatysty ınspeksııanyń pozısııasyn túsindirip ótti.

«Qoqıqaz aımaqqa kóktem jáne kúz mezgilderinde keledi. Bıyl qala mańyndaǵy Qarakólge kelip turaqtaǵan. Qanatty qustar munda Aqmola oblysyndaǵy Qorǵaljyn memlekettik tabıǵı qoryǵy aýmaǵyndaǵy Teńiz-Qorǵaljyn kólderinen ushyp kelgen. Mamandardyń aıtýy boıynsha qoqıqazdar Mańǵystaýdan ármen qaraı, Túrkimenstan, Iran memleketterine bet alady eken. Bul qustardyń Qarakólge kelý sebebi - kóldiń sýy jyly ári qorektik zattarǵa baı bolýynan. Qoqıqaz qonǵan kól Qaraqııa qaýmalynda. Erekshe qorǵalatyn aýmaqtar týraly Zańǵa, Pasportqa sáıkes qaýmal aýmaǵynda ań-qusty jónsiz mazalaýǵa bolmaıdy. Zertteý jumystary da kelisimmen, ruqsatpen júzege asyrylady»,- dedi ol.

Tikeleı efırde budan bólek óńirde sırek kezdesetin janýarlar,  ekotýrızmniń damý tendensııalary jaıly suraqtar qamtylyp, kórermender tarapynan qoıylǵan saýaldarǵa jaýaptar alyndy.

Sońǵy jańalyqtar

Aqtaýda býynsyz bala turady

Vıdeo • Búgin, 16:04

iPhone 12 densaýlyqqa zııan dep tanyldy

Tehnologııa • Búgin, 15:38

Jańa Lada Niva kóligi qurastyrylýy múmkin

Tehnologııa • Búgin, 15:26

Semeıde eki avtobýs jol apatyna tústi

Aımaqtar • Búgin, 15:18

Qudyqqa qulaǵan qunandy qutqaryp qaldy

Aımaqtar • Búgin, 13:38

Arysta joǵalǵan bir úıir jylqy tabyldy

Aımaqtar • Búgin, 13:25

Dollar qymbattady

Ekonomıka • Búgin, 11:35

Qazaqstanda elektr energııasy qymbattady

Qazaqstan • Búgin, 10:21

Uqsas jańalyqtar