Bilim • 26 Qarasha, 2020

"Qazaqstan muǵalimi 2020" Ulttyq Syılyǵy jeńimpazy anyqtaldy

40 ret kórsetildi

Almatyda byltyrdan beri dástúrge aınalǵan «Qazaqstan muǵalimi 2020» Ulttyq Syılyǵynyń marapattaý rásimi saltanatpen atalyp ótti. Júzden júırik shyqqan on laýreat fınaldyq kezeńge ótken bolatyn, dep habarlaıdy Egemen.kz.

Elimizdiń túkpir-túkpirinen jıylǵan ondyqtyń arasynan astanalyq «Nazarbaev zııatkerlik mektebi» (NZM) fılıalynyń hımııa páni muǵalimi Dınara Beısembaeva úzdik shyqty. Jeńimpaz Álııa Nursultanqyzy taǵaıyndaǵan 4 mıllıon teńge qarjylaı júldege ıe boldy. Birneshe ǵylymı maqalalar men eńbekterdiń avtory, ekologııa magıstri Dınara Toqtarqyzy jeńisten dámeli bolǵanyn, biraq áli de sene almaı turǵanyn aıtyp aǵynan jaryldy.

– Bul konkýrs muǵalimderdiń qundylyqtaryn damytýǵa, ózekti jáne jańashyl muǵalimderdi tárbıeleýge septigin tıgizedi. Uıymdastyrýshylarǵa úlken raqmet! Saıysqa qatysý, úzdikter qataryna enip, jeńimpaz ataný – men úshin úlken mártebe. Árıne, osyndaı jetistikke jetý úshin mańdaı terimdi tógip eńbek ettim desem bolady. Oqý bitirgennen bastap qazirge deıingi kezeńimdi sholyp, analız jasadym. Qaı jerdi jetildirý kerek, ne nársege basymdyq berý kerek degen sııaqty. Qazir ózim úshin jańa jospar jasap jatyrmyn. Konkýrsta jeńimpaz bolý odan saıyn yntamdy arttyra túsedi, – deıdi Dınara Beısembaeva.

Dınaradan bólek taǵy toǵyz úzdik pedagog fınaldyq kezeńge ótken bolatyn. Olar – Qaraǵandy qalasyndaǵy №27 orta mektebiniń bastaýysh synyptar muǵalimi Olga Kım; Taraz qalasyndaǵy daryndy er balalarǵa arnalǵan «Bilim ınnovasııa» mamandandyrylǵan lıseı-ınternatynyń fızıka páni muǵalimi Erjan Jumadilov; Almaty oblysynan kelgen bastaýysh synyp muǵalimi Alma Mahanova; Petropavl qalasyndaǵy «NZM» fızıka páni muǵalimi Dına Qudabaeva; Nur-Sultan qalasyndaǵy NURORDA mektep-lıseıi fızıka páni muǵalimi Arnur Qazybekov; Semeı qalasyndaǵy №3 jalpy orta bilim berý mektep-kesheninde orys tili jáne ádebıet muǵalimi Meıramgúl Janaspaeva; Temirtaý qalasyndaǵy №16 jalpy orta bilim berý mektebinde ekologııa jáne ózin-ózi taný páni muǵalimi Elena Varganova; Pavlodar qalasyndaǵy №16 mektebinde ekologııa jáne ózin-ózi taný páni muǵalimi Janar Jaqsylyqova jáne elordadaǵy «Respýblıkalyq fızıka-matematıka mektebiniń» matematıka páni muǵalimi Gúlnar Jakýpova. Osy 10 laýreat Qazaqstannyń atynan júlde qory 1 mıllıon AQSh dollaryn quraıtyn «Álem muǵalimi-2021» Jahandyq syılyǵyna (Global Teacher Prize 2021) nomınasııalanatyn bolady. Olardyń qatarynda jeńimpaz Dınara Beısembaeva da bar.

Qoǵamdyq mańyzy bar bastamalardy damytý qory 2019 jyly «Global Teacher Prize» Jahandyq syılyǵynyń resmı ókili atanyp, «Qazaqstan muǵalimi» Ulttyq Syılyǵyn jarııalaǵan edi. Baıqaýdyń basty maqsaty – úzdik muǵalimderdi anyqtap, syılyq berýmen qatar, elimizdegi ustaz mártebesin arttyrý.

         «Bilim arqyly adamdardyń ómirin ózgertý» – bul jyl saıyn Dúnıejúzilik Bilim jáne daǵdy forýmyn (Global Education and Skills Forum) ótkizetin Varke qorynyń urany. Osy is-shara barsha álemnen kelgen memleket jáne qoǵam qaıratkerleri, bıznesmender, muǵalimder, fılantroptar bas qosatyn bilim salasyndaǵy yntymaqtastyq pen máselelerdi sheshýdiń negizgi alańyna aınaldy. 2020 jyly  Ulttyq syılyq úmitkerleriniń saýalnamalary 1 mamyrdan 1 qazanǵa deıin qabyldandy. Daýys berýdiń eki kezeńiniń qorytyndysy boıynsha 2021 jyly Qazaqstannyń atynan «Álem muǵalimi» Jahandyq Syılyǵyna joldaý alatyn 10 qatysýshy anyqtaldy» deıdi uıymdastyrýshylar.  

Saıys Jahandyq Syılyqtyń uıymdastyrýshylary Varkey qorynyń bekitken ólshemderi aıasynda ótkizildi. Úmitkerlerdi irikteý men baǵalaý úderisteriniń ashyqtyǵyn «PricewaterhouseCoopers» Halyqaralyq aýdıtorlyq kompanııasy tikeleı baqylaǵan.

Abaı AIMAǴAMBET,

«Egemen Qazaqstan»

Sońǵy jańalyqtar

Qazaqstanda urlyq sany eki esege azaıdy

Qazaqstan • Búgin, 17:15

Kann festıvali jazǵa shegerildi

О́ner • Búgin, 16:42

Prezıdent Alık Shpekbaevty qabyldady

Prezıdent • Búgin, 16:02

Uqsas jańalyqtar