Shyǵys Qazaqstandaǵy arnaıy prokýrorlar basqarmasynyń vedomstvoaralyq jedel-tergeý tobynyń jumystary kezinde eksgýmasııa jasalyp, eki márte komıssııalyq sot-medısınalyq saraptamasy jasaldy. Komıssııa quramyna balalar ınfeksıonısti, kardıolog, anestezıolog – reanımatolog, neırohırýrg, pedıatr, Nur-Sultan qalasynan gıstolog sarapshylar jáne Taýarlar men qyzmetterdiń qaýipsizdik sapasyn baqylaý komıtetiniń mamandary qatysty.
Saraptama qorytyndysyna sáıkes, balalardyń ólimi ókpe fıbrozy, eki jaqty irińdi bronholyq pnevmonııa sııaqty janama aýrýlardyń saldarynan bolǵan eken.
Sondaı-aq, úsh balanyń máıitinen dene jaraqattary anyqtalǵan. Alaıda, mamandardyń pikkirinshe, dene jaraqattarynyń balalar ólimine qatysy joq.
Osyǵan baılanysty, aýyr dene jaraqattaryn alý faktisi boıynsha qylmystyq isterdi ary qaraı tergeý úshin Polısııa departamentine berildi.
Al arnaıy áleýmettik kómek kórsetý ortalyǵynda tárbıelenýshilerge tıisti medısınalyq kómek kórsetpeý faktisi boıynsha qylmystyq is arnaıy prokýrorlarmen sotqa joldanǵan.
Esterińizge sala ketsek, osyǵan deıin Aıagózdegi áleýmettik kómek ortalyǵynda 4 bala qaıtys bolǵan.
