Beınekonferensııa formatynda ótken forýmǵa Eýropalyq parlament, TúrkPA, Vetnam, Italııa, Reseı, Túrkııa, Qytaı, О́zbekstan, Chehııa parlamentteriniń basshylary men depýtattar qatysty.
Otyrysty ashqan Májilis Tóraǵasy Nurlan Nyǵmatýlın Qazaqstannyń Tuńǵysh Prezıdenti Nursultan Ábishuly Nazarbaevtyń Táýelsiz Qazaqstandy jáne onyń parlamentarızmin qalyptastyrý jolyndaǵy teńdessiz róline toqtaldy.
Májilis Tóraǵasy atap ótkendeı, Elbasy elimizdi barlyq qıyndyqtan aman alyp shyǵyp, iri saıası, ekonomıkalyq áleýmettik reformalar jasady. Memleketimizdi álemdik deńgeıge jetkizdi. «Qazaqstandyq damý joly» qalyptasty. Sondyqtan shyn máninde, «Táýelsizdik joly – Elbasy joly». Osy damý jolymyz qazir Prezıdent Qasym-Jomart Toqaevtyń basshylyǵymen odan ári jalǵasýda. N.Nyǵmatýlın osy úlken jolda táýelsizdik tarıhymen birge kele jatqan qos palataly Parlamenttiń de úlesi zor ekenin basa aıtty.
– Búginde bizdiń kásibı Parlament qoǵamdyq pikirler men ashyq saıasattyń bıik minberi bolýmen qatar, múmkindigi mol, qýaty myqty, joǵary zań shyǵarýshy organǵa aınaldy. О́zine júktelgen árbir mindetti abyroımen atqaryp, Elbasy Nursultan Ábishuly Nazarbaevtyń jáne Memleket basshysy Qasym-Jomart Toqaevtyń mańyzdy qadamdaryn, saıası, ekonomıkalyq, áleýmettik bastamalaryn sapaly zańdarmen qamtamasyz etip keledi, – dedi.
Sonymen qatar palata spıkeri Qazaqstan Parlamentiniń órkenıetti elderdiń zańnamalyq organdarymen teń dárejede qyzmet etip, Elbasy aıtqandaı, naǵyz demokratııa mektebine aınalǵanyn jetkizdi. Nurlan Nyǵmatýlınniń pikirinshe, osynyń barlyǵy, Tuńǵysh Prezıdentimiz Nursultan Ábishuly Nazarbaevtyń el basqarýdaǵy dana, kóregen, syndarly saıasatynyń jemisi.
Konferensııa barysynda Qytaı Halyq Respýblıkasy Búkilqytaılyq halyq ókilderi jınalysy Turaqty komıtetiniń tóraǵasy Lı Chjanshý Qazaqstannyń Tuńǵysh Prezıdenti – Elbasy Nursultan Nazarbaevtyń memleketti qalyptastyrý, onyń saıası júıesin jetildirý jáne turaqtylyqty qamtamasyz etý jolyndaǵy eren eńbegine toqtaldy.
– Nursultan Nazarbaev – Halyqaralyq qoǵamdastyqtaǵy bedeldi saıasatker bolýmen qatar, qytaı halqynyń tileýles dosy retinde uzaq ýaqyttan beri Qytaı men Qazaqstannyń yntymaqtastyǵyn nyǵaıtyp, Qytaıda joǵary bedelge ıe bolyp keledi, – dedi Qytaı parlamentiniń spıkeri.
Al Reseı Federasııasy Memlekettik dýmasynyń spıkeri Vıacheslav Volodın Nursultan Nazarbaevtyń parlamentarızmdi damytýda da, Qazaqstan men Reseı arasyndaǵy ekijaqty qatynastardy nyǵaıtýda da, eýrazııalyq keńistikte halyqaralyq yntymaqtastyqty ilgeriletýde de, Shanhaı Yntymaqtastyq Uıymy, Ujymdyq qaýipsizdik týraly shart uıymy sııaqty birqatar halyqaralyq uıymdar sheńberinde ıntegrasııalyq prosesterdi arttyrýda da mańyzdy rólin atap ótti.
V.Volodınnyń aıtýynsha, Nursultan Nazarbaev búkil ómirin óz eline jáne halqyna qyzmet etýge arnaǵan tulǵa. Tuńǵysh Prezıdenttiń úlken eńbegi – osy jyldar ishinde memleket nyq damyp, ekonomıkalyq, áleýmettik jáne ǵylymı-tehnıkalyq salalarda tabystarǵa jetýde.
– Nursultan Nazarbaevtyń saıası danalyǵy, baı ómirlik jáne basqarýshylyq tájirıbesi Reseı men Qazaqstan arasyndaǵy qatynastardy damytý isinde, halyqtarymyz arasyndaǵy dostyqty nyǵaıtýda, Eýrazııalyq keńistikte kópjaqty yntymaqtastyqty ilgeriletýde uzaq jyldar boıy suranysqa ıe bolady, – dedi Reseı Federasııasy Memlekettik dýmasynyń spıkeri.
Túrkııanyń Uly Ulttyq Májilisiniń Tóraǵasy Mustafa Shentop Qazaqstannyń Tuńǵysh Prezıdenti Nursultan Nazarbaevtyń bastamalary búkil álem úshin zor mańyzǵa ıe dep sanaıdy.
– Qazaqstannyń údemeli damýynda Elbasy Nursultan Nazarbaevtyń demokratııany, adam quqyqtaryn jáne zańnyń ústemdigin damytý jolynda qolǵa alǵan qadamdary mańyzdy oryn alatyny sózsiz, – dedi Túrkııa parlamentiniń ókili.
M.Shentop óz sózinde Nursultan Nazarbaev myqty kóshbasshylyq qasıettermen qatar demokratııany nyǵaıtyp, Qazaqstandy jańǵyrta bilgen, erik-jiger tanytqan sırek kezdesetin saıasatkerlerdiń biri ekenine erekshe toqtaldy. Túrik parlamentiniń ókili konferensııada talqylanǵan máselelerdiń ózektiligi men mańyzdylyǵyn nazar aýdaryp, Qazaqstannyń Tuńǵysh Prezıdenti Nursultan Nazarbaevtyń parlamentarızm men parlamenttik mádenıetti damytýǵa qosqan úlesin de aıryqsha atap ótti.
Sonymen qatar О́zbekstannyń Olıı Májilisi zań shyǵarý palatasynyń Spıkeri Nýrdınjon Ismoılov qazaqstandyqtardy Tuńǵysh Prezıdent kúnimen quttyqtap, bul merekeni О́zbekstan men Qazaqstan arasyndaǵy strategııalyq áriptestiktiń beriktigi men tıimdiligin baǵalaýdyń tamasha múmkindigi dep atady.
Halyqaralyq konferensııada sóz sóılegen Nýrdınjon Ismoılov Qazaqstannyń Tuńǵysh Prezıdenti N.Nazarbaevty Qazaqstan memleketin qurýdyń bastaýynda turǵan kórnekti tulǵa ekenin atap ótti.
– Onyń strategııalyq baǵytynyń arqasynda Qazaqstan Táýelsizdiktiń 30 jyly ishinde joǵary nátıjelerge qol jetkizdi. Qazaqstan Respýblıkasynyń Tuńǵysh Prezıdenti kúnin merekeleý О́zbekstan men Qazaqstan arasyndaǵy strategııalyq seriktestik tamyryn tereńdete túsedi, – dedi О́zbekstannyń zań shyǵarý palatasynyń spıkeri.
Nýrdınjon Ismoılovtyń aıtýynsha, qos el arasyndaǵy strategııalyq ózara baılanys dástúrli túrde joǵary deńgeıde álemdegi qazirgi epıdemııalyq jaǵdaıǵa qaramastan, qarqyndy damyp keledi. Osylaısha, О́zbekstannyń zań shyǵarý palatasynyń spıkeri eki el arasyndaǵy parlamentaralyq yntymaqtastyqty joǵary baǵalap otyr.
– Bizdiń elimiz árdaıym álemniń barlyq elderimen syndarly dıalogty damytýǵa, parlamentaralyq ózara is-qımyldy nyǵaıtýǵa degen umtylysymen erekshelendi. Búginde halyqaralyq yntymaqtastyqtyń tıimdi tetikterin qurýda jáne aımaqtyq, qurlyqtyq deńgeıde ortaq sheshimder tabýda parlamenttik dıplomatııanyń aıtarlyqtaı áleýeti bar ekendigi anyq. Biz jańa kózqarastar men ıdeıalarǵa árqashan daıynbyz. Búgingi konferensııa bizge biregeı tájirıbe men pikir almasýǵa múmkindik berdi. Biz birlesip zamanymyzdyń jańa jaǵdaıdaǵy máselelerin sheshýdiń ámbebap tetikterin jasaı alamyz. Sondyqtan qazaqstandyq parlamenttiń depýtattyq korpýsy atynan konferensııanyń barlyq qatysýshylaryna jemisti jumys, qyzyqty ári tabysty pikirtalastar, jańa ıdeıalar tileımin, – dep túıindedi jıyndy N.Nyǵmatýlın.
