Almatyda júrektiń kenetten toqtaý qaýpi joǵary naýqastarǵa teriasty ımplanty salyndy

Aımaqtar • 27 Qarasha, 2020

Almatyda júrektiń kenetten toqtaý qaýpi joǵary naýqastarǵa teriasty ımplanty salyndy

65 ret kórsetildi

Búgin Kardıologııa jáne ishki aýrýlar ǴZI júrek qyzmetiniń kenetten toqtap qalý qaýpi joǵary pasıentterge teriasty kardıoverter-defıbrıllıatoryn ımplanttaýdyń sheberlik klasy ótkizildi. Bul ınnovasııalyq emdeý ádisi klınıkada alǵash ret engizildi, - dep habarlaıdy Egemen.kz

Aınash ESALY

Sheberlik dáris sheńberinde júrek yrǵaǵy jáne ótkizgishtiginiń buzylysy bólimshesiniń meńgerýshisi, Qazaqstannyń jetekshi arıtmologtarynyń biri Roın Rekvava elimizdiń jáne ınstıtýttyń jas mamandary men rezıdentteri úshin eki kún ishinde 42, 48 jáne 55 jastaǵy pasıentterge operasııa jasady.

Implanttalǵan kardıoverter-defıbrıllıator ómir súrýge qaýipti júrek yrǵaǵynyń buzylysy jáne aýyr júrek kemistigi bar pasıentter úshinjúrektiń kenetten toqtap qalý qaýpinen qorǵanýǵa jáne olardyń ómirlerin saqtap qalýǵa kómektesedi. Operasııanyń tehnıkalyq erekshelikteri qondyrǵy elektrodtarynyń ınfeksııaǵa ákelýi, olardyń buzylýy, sondaı-aq júrek qabyrǵalary men tamyrlarynyń zaqymdanýymen baılanysty bolatyn qaýipterdiń bolýymen sıpattalady. Testileýge Boston Scientific kompanııasynyń (Reseı) klınıkalyq mamany Roman Fokın kómektesti.

Roın Roınovıchtiń aıtýynsha, qaıtalap ımplanttaýdyń barysynda qaýipter birneshe esege artady. Teriasty elektrody bar ımplanttalatyn kardıoverter-defıbrıllıatordy paıdalaný barlyq qaýipterdiń sanyn azaıtýǵa múmkindik beredi.

«Teriastykardıoverter –defıbrıllıatordy ımplanttaý arnaıy ázirlengen ádis boıynsha júzege asyrylady, bul qondyrǵy jumysynyń tıimdi bolýy men asqynýlardyń meılinshe az bolýy úshin negiz bolyp tabylady», - deıdi Roın Rekvava.

Elektrod tamyrishilik retinde jińishke jáne jumsaq bolmaýy kerek, elektrodtyń teriastynda ornalasýy ony mehanıkalyq áserlerge meılinshe myqty jáne turaqty etedi.

Teriasty kardıoverter - defıbrıllıator júrek tamyrlarynyń kúrdeli anatomııasy bar, dene qımyly jaǵynan belsendi jas pasıentterge jasalady, óıtkeni olarda tamyrishilik elektrodtyń zaqymdaný qaýpi joǵary, ınfeksııalyq asqynýlardyń bolý qaýpimen sozylmaly búırek kemistigi bar, qant dıabetine shaldyqqan pasıentterge, eger birinshi operasııa kezinde ınfeksııalyq asqynýlar bolsa, kardıoverter – defıbrıllıator qaıtalap ımplanttaýǵa muqtaj pasıentterge ımplanttalady.

Júrektiń toqtap qalýyna alǵashqy profılaktıka jasaý úshin klınıkalyq praktıkaǵa teriasty kardıoverter-defıbrıllıatorlardy engizý operasııadan keıingi asqynýlardyń sanyn azaıtyp, pasıenttiń ómir súrý sapasyn jaqsartady. Sonymen qatar, osyndaı master-klastardy ótkizý osy emdeý ádisin respýblıkanyń basqa klınıkalarynda qoldanýǵa múmkindik beredi.

Bul ota naýqastarǵa tegin jasalatyndyǵyn, bir operasııaǵa memleket 6 mıllıon 100 myń teńge bóletindigin aıta ketý kerek.

2012 jyldan beri Kardıologııa jáne ishki aýrýlar ǵylymı-zertteý ınstıtýtynda 2 myńnan astam kardıoverter-defıbrıllıatorlyq ımplantasııalaý operasııalary jasaldy.

ALMATY

Kúnniń mańyzdy jáne ózekti jańalyqtaryn «Egemen Qazaqstan» telegram kanalynan oqyńyz