Ol grand-fınalda «Forever» ánin oryndady. Atalǵan mýzykalyq kompozısııany Qaraqat 5 jyl buryn ómirden ótken ákesine arnaǵan bolatyn.
«Bul meniń ǵana emes, Qazaq eliniń jeńisi dep oılaımyn. Qoldaǵandaryńyz úshin, daýys bergenderińiz úshin barshańyzǵa kóp raqmet. Alda meni áli de kóp jetistikter kútip tur dep oılaımyn», - dedi Qaraqat.
Bedeldi mýzykalyq baıqaýda jeńisti Fransııa eliniń oryndaýshysy 200 upaımen, úshinshi oryndy Ispanııa eliniń ókili 133 upaımen ıelendi.
Bıyl fınalǵa 12 oryndaýshy qatysty. Jeńimpaz qazylar alqasynyń daýys berýi men telekórermenderdiń onlaın-daýys berý nátıjeleri boıynsha anyqtaldy.
Qazaqstan atalǵan án baıqaýǵa úshinshi márte qatysýda. Qaraqat Bashanovanyń Junior Eurovision-2020-da óner kórsetetini qyrkúıek aıynda ótken Ulttyq irikteýdegi jeńisinen keıin belgili boldy.
Qazaqstan Junior Eurovision baıqaýyna alǵash ret 2018 jyly qatysyp, debıýt jasady. Sol kezde elimizdiń atynan Danelııa Týleshova qatysyp, «О́zińe sen» ánin oryndady. Ol altynshy oryndy ıelendi. 2019 jyly Erjan Maksım «Armanyńnan qalma» ánimen ekinshi oryndy (qazylar alqasynyń sheshimimen birinshi) jeńip aldy. Qazaqstannyń bul jarysqa bıyl úshinshi ret qatysýy «Habar» Agenttiginiń Eýropalyq Habar taratý odaǵynyń qaýymdastyrylǵan múshesi atanýynyń arqasynda múmkin bolyp otyr.
