Amandyq Batalov aldymen jınalǵandardy Tuńǵysh Prezıdent kúnimen quttyqtap, qoǵam damýyndaǵy jastardyń róli erekshe ekenin atap ótti.
"Jastar oblystyń áleýmettik-ekonomıkalyq damýyna zor úles qosýda. Biz 15 jyldan beri óńirimizde qoǵamnyń ár túrli salalarynda belsendi eńbek etip, tabysqa jetken jas qyzdar men jigitterimizge osy syılyqty tabystap kelemiz. Jastar syılyǵyna ıe bolý – bul úlken jetistik. Oblysymyzda ózderińizdeı jan-jaqty damyǵan, maqsaty aıqyn jastardyń bolǵany biz úshin qýanysh. Biz óz tarapymyzdan memleket qoldaýymen jastarǵa barlyq qajetti jaǵdaılardy jasap kelemiz. Máselen, aýdandarda 9 dene shynyqtyrý-saýyqtyrý keshenin ashtyq, taǵy 7-eýin salyp jatyrmyz. Odan bólek buqaralyq sportty damytýǵa jarty mıllıard teńgedeı qarjy bóldik. Árbir adamnyń sportpen kásibı túrde de, densaýlyǵy úshin de aınalysýyna barlyq jaǵdaı bar. Jeńimpazdardy jeńisti jolymen taǵy bir márte quttyqtaı otyryp, tabystan tabysqa jete berýlerińe tilektespin. Otanymyz Qazaqstan jastarymen maqtanatyndaı árqashan adal, ádil, eńbekqor bolyńdar. Sender – bizdiń bolashaǵymyzsyńdar", - dedi A.Batalov.
Bul kúni Eskeldi aýdandyq aýrýhanasyna «Dıplommen - aýylǵa» baǵdarlamasymen kelip, jumys istep jatqan Ásel О́mirbekova «Úzdik jas dáriger» atansa, Damır Nurkejanov «Úzdik jas kásipker» atalymyna ıe boldy, ol - «Future-IT» robototehnıka mektebiniń negizin salýshy jáne jetekshisi, Tuńǵysh Prezıdenttiń «El úmiti» syılyǵynyń laýreaty, jas kóshbasshylardyń «CAYLA» Orta Azııa akademııasynyń stýdenti. Aıgúl Amangeldıeva «Úzdik aýyl sharýashylyǵy mamany» ataǵyna qol jetkizdi, ol sheteldik jýrnalda jarııalanǵan AО́K salasyndaǵy 7 ǵylymı maqalanyń avtory. «Úzdik stýdent» atalymynda Madına Turdash jeńimpaz boldy, ol I.Jansúgirov atyndaǵy Jetisý ýnıversıtetiniń stýdenti, «Parasattylyq elshisi» jastar qozǵalysynyń jáne Jastar ortalyǵynyń úılestirýshisi, «Qoǵamdyq jumystaǵy belsendiligi úshin» tósbelgisimen nagradtalǵan. Jalpy sany 20 jas túrli nomınasııalar boıynsha marapattalyp, olardyń árqaısysyna arnaıy statýetkalar men aqshalaı syılyq sertıfıkattary berildi.
Jeńimpazdardyń atynan «Úzdik ádebıetshi» atalymynyń jeńimpazy, jazýshy, ádebı synshy, «Daryn» jastar syılyǵynyń laýreaty, kóptegen halyqaralyq jáne respýblıkalyq konkýrstardyń jeńimpazy, 4 prozalyq kitaptyń jáne 10 ádebı-tarıhı zertteý kitabynyń avtory Eldos Toqtarbaı sóz aldy.
«Tuńǵysh Prezıdentimiz – Ult kóshbasshysy Nursultan Ábishuly Nazarbaevtyń kóregen jáne salıqaly saıasatynyń arqasynda jastardyń ózin-ózi jan-jaqty damytýyna barlyq múmkindikter jasalǵan. Búgingi kúni Prezıdentimiz Qasym-Jomart Toqaev ta jastarǵa qoldaý kórsetip keledi. Biz ózimizge artylǵan senimdi aqtap, eldiń laıyqty azamaty bolýǵa bar kúsh-jigerimizdi arnaımyz dep sendiremin. Osy sátti paıdalanyp, bizdiń eńbegimizdi elep, qurmet kórsetken oblys basshylyǵyna da rızashylyǵymdy bildiremin. Barsha jeńimpazdardy shyn júrekten quttyqtap, eńbekterine jemis tileımin», - dedi E.Toqtarbaı.
Shara sońynda oblys ónerpazdarynyń shaǵyn konserti usynyldy.
