Shymkentte ótken Qazaqstan chempıonatynda 91 keli salmaq dárejesinde judyryqtasqan elordalyq sportshy Aıbek Oralbaı ekinshi ret chempıondyq tıtýlyn saqtap qaldy. Aqtyq synda ol Nur-Sultan qalasynyń sportshysy Toǵambaı Saǵyndyqpen judyryqtasty.
"Aıbek Oralbaı óziniń myqtylyǵyn taǵy bir márte dáleldep altyn belbeý ıelendi. Toǵambaı Saǵyndyqqa jarystyń kúmis júldesi buıryǵy. Al 81 kelide synǵa túsken Nurbek Oralbaı fınaldyq kezdesýde mańǵystaýlyq Bekzat Nurdaýletovke ese jiberdi. Nurbek te bul chempıonatty kúmispen qorytyndylady. 60 kelide Ilıas Súleımenov el birinshiliginiń qola júldesine qol jetkizdi",- dep habarlady elordalyq dene shynyqtyrý jáne sport basqarmasy.
Bylǵary qolǵap sheberleriniń básekesinde Nur-Sultan qalasy quramasynyń qyzdary da joǵary nátıje kórsetip, jalpy komandalyq esepte birinshi orynǵa shyqty.
"Qurama sapynda synǵa túsken Lıazzat Kúngeı̆baeva (+81), Halzova Valentına (69 kg) , Volosenko Rımma (60 kg) birinshi oryndy ıelenip , altynnan alqa taqsa, Marat Araı̆lym (48 kg), Volnova Marına (75 kg) ekinshi orynǵa taban tiredi. Al óz kezeginde 57 keli salmaqta synǵa túsken Sanııa Sultanqyzy úshinshi oryn ıegeri atandy", - delingen habarlamada.
Osylaı̆sha elordanyń qyzdar komandasy el chempıonatyn 3 altyn 2 kúmis, 1 qola júldemen qorytyndylady.
