27 qarashada Qazaqstan Respýblıkasy Ortalyq saılaý komıssııasynyń «QR Saılaý týraly» Konstıtýsııalyq Zańynyń 87 jáne 89-baptaryna sáıkes «ADAL» QB saıası partııasy Parlament Májilisi depýtattarynyń saılaýyna kandıdattardy usyný týraly qujattaryn tapsyrdy. Úmitkerlerdiń qorytyndy tizimine partııanyń 16 ókili kirdi:
- Oljas Ordabaev - «Atameken» ulttyq kásipkerler palatasy tóraǵasynyń orynbasary, bilim berý salasynyń sarapshysy;
- Maqsat Tolyqbaı – belgili telejýrnalıst, «Ashyq alań» telejobasynyń júrgizýshisi, Maltabu.kz saıtynyń avtory;
- Almazbek Sadyrbaev –«Shopan Ata» Qazaqstan qoı ósirýshileri qaýymdastyǵynyń tóraǵasy;
- Dáýlet Muqaev – telejýrnalıst, qoǵam belsendisi;
- Laýra Malıkova – «Tájirıbeli ekologtar qaýymdastyǵynyń» tóraǵasy;
- Jıgýlı Daırabaev - «Qazaqstan fermerler odaǵy» respýblıkalyq qoǵamdyq birlestiginiń prezıdenti»;
- Ardaq Nazarov – belgili sportshy, qoǵam belsendisi;
- Aqmaral Bekmurzaeva – bıznes-trener, kásipker;
- Igor Shaskıı –kásipkerler quqyǵyn qorǵaý jónindegi sarapshy;
- Nurlybek Malelov – qarjyger, memleket qaıratkeri;
- Ǵalymbek Jaqsylyqov – qoǵam qaıratkeri, Qyzylorda oblysynyń belsendi turǵyny;
- Alına Asqarqyzy – bıznes-bilim berý salasyn basqarý jónindegi maman, sarapshy;
- Lazzat Shyńǵysbaeva - «Meniń Atamekenim» áleýmettik qorynyń tóraǵasy;
- Ǵanı Abadan – partııanyń Almaty qalalyq fılıalynyń tóraǵasy;
- Serik Sultanǵalı - «ADAL» partııasynyń tóraǵasy;
- Eldar Jumaǵazıev – memleket jáne qoǵam qaıratkeri, birqatar bilim jáne áleýmettik jobalardyń avtory, ekonomıst, saıasattanýshy;
Aıta keteıik, «Qazaqstan Respýblıkasyndaǵy Saılaý týraly» jáne «Saıası partııalar týraly» Zańdarǵa sáıkes partııalyq tizimde áıelder men jastardyń 30% kvotalyq úlesi saqtalǵan.
Ortalyq saılaý komıssııasy partııadan tizim túskennen keıin kandıdattardyń Konstıtýsııamen jáne «Qazaqstan Respýblıkasyndaǵy Saılaý týraly» Konstıtýsııalyq zańmen qoıylatyn talaptarǵa sáıkestigi anyqtalatynyn habarlady.
Sondaı-aq oblystyq aýmaqtyq saılaý komıssııalaryna «ADAL» partııasynyń aımaqtyq fılıaldarynan qujattar túse bastaǵanyn habarlaımyz. Qazirgi ýaqytta komıssııaǵa Aqtóbe oblystyq máslıhatynyń depýtattyǵyna kandıdattardyń partııalyq tizimder boıynsha qujattary berildi. Jaqyn arada qajetti qujattar basqa óńirlik saılaý komıssııalaryna tapsyrylatyn bolady.
Esterińizge sala keteıik, 19 qarasha kúni Nur-Sultan qalasynda «ADAL» saıası partııasynyń VII sezi ótti. Is-shara barysynda saılaýaldy baǵdarlamanyń jobasy usynylyp, partııanyń saıty tanystyryldy.
