Úkimet basshysy saýda salasyndaǵy yntymaqtastyqty sapaly kúsheıtý, ShYU aıasyndaǵy taýar aınalymynyń kólemi men tereńdigin arttyrý úshin ózara múmkindikterdi zerdeleý qajettigin atap ótti.
QR Premer-Mınıstri ShYU-nyń Azyq-túlik qaýipsizdigi jónindegi yntymaqtastyq baǵdarlamasyn qaıta qarap, ony AО́K salasyndaǵy ınvestısııalyq jáne ınnovasııalyq yntymaqtastyqty arttyrý jónindegi naqty sharalarmen tolyqtyrýdy usyndy. Onyń aıtýynsha, qujatty ShYU-ǵa múshe memleketterdiń árqaısysynyń básekelestik artyqshylyqtaryn, sondaı-aq syrtqy jáne ishki shoktarǵa senimdi, qoljetimdi jáne turaqty logıstıkalyq ınfraqurylymdy qamtamasyz etýdiń jańa tásilderin eskere otyryp kúsheıtý qajet.
Úkimet basshysy ShYU aıasynda ónerkásiptik jáne ınvestısııalyq yntymaqtastyqty arttyrý qajettigin atap ótti.
«Birlesken ınvestısııalyq jobalardy iske asyrý ulttyq ekonomıkalardyń ıntegrasııa deńgeıin kúsheıtýge, óndiristik prosesterdiń baǵyttaryn ártaraptandyrýǵa jáne olardyń turaqtylyǵyn arttyrýǵa, ShYU-ǵa múshe memleketter quratyn qunnyń ózara naryqtarǵa da, syrtqy naryqtarǵa da qoljetimdiligin keńeıtýge, básekelik artyqshylyqtar esebinen ekonomıkalardyń áleýetin barynsha arttyrýǵa, syrtqy kúızelisterdiń áserin azaıtýǵa múmkindik beredi», — dedi A. Mamın.
Otyrysqa Úndistan vıse-prezıdenti Venkaı Naıdý, QHR Memlekettik keńesiniń premeri Lı Kesıan, Reseı Premer-Mınıstri Mıhaıl Mıshýstın, Tájikstan Premer-Mınıstri Kohır Rasýlzoda, О́zbekstan Premer-Mınıstri Abdýlla Arıpov, Qyrǵyzstan premer-mınıstriniń m. a. Artem Novıkov, Pákistan parlamentiniń syrtqy baılanystar jónindegi hatshysy Andlıb Abbas, Aýǵanstannyń birinshi vıse-prezıdenti Amrýlla Saleh, Belarýs Premer-Mınıstri Roman Golovchenko, Iran birinshi vıse-prezıdenti Djahangırı Eshak, Mońǵolııa vıse-premeri Iаngýgıın Sodbatar, Túrikmenstan mınıstrler kabıneti tóraǵasynyń orynbasary – syrtqy ister mınıstri Rashıd Meredov, sondaı-aq ShYU Hatshylyǵynyń, ATQQ Atqarýshy komıtetiniń, ShYU Iskerlik keńesiniń jáne Bankaralyq birlestiginiń basshylyǵy qatysty.
ShYU-ǵa múshe memleketter arasyndaǵy saýda-ekonomıkalyq jáne ınvestısııalyq salalardaǵy, onyń ishinde COVID-19 pandemııasynyń saldaryn eńserý aıasyndaǵy yntymaqtastyqty tereńdetý jónindegi sharalar talqylandy. ShYU Iskerlik keńesi men Bankaralyq birlestiginiń 2019-2020 jyldardaǵy qyzmeti, ShYU-nyń ótken jylǵy bıýdjetiniń atqarylýy týraly esep, Uıymnyń 2021 jylǵa arnalǵan bıýdjeti qaraldy.
Otyrys qorytyndysy boıynsha birlesken kommıýnıke men ShYU-nyń 2021-2025 jyldarǵa arnalǵan kópjaqty saýda-ekonomıkalyq yntymaqtastyq baǵdarlamasyn iske asyrý jónindegi is-sharalar jospary qabyldandy.
ShYU ÚBK kelesi otyrysyn 2021 jylǵy qarasha aıynda Nur-Sultan qalasynda ótkizý josparlanyp otyr.
