О́zbekstan Respýblıkasynyń Prezıdenti Shavkat Mırzııoev Elbasyǵa myqty densaýlyq, baqyt jáne el ıgiligi jolyndaǵy qyzmetine mol tabys, al Qazaqstan halqyna tynyshtyq, baq-bereke, ornyqty damý jáne baqýattylyq tiledi.
– Tuńǵysh Prezıdent kúni – kópultty Qazaqstan halqynyń tarıhı tańdaýy, beıbitshilik pen turaqtylyqtyń, ult birligi men kelisiminiń erekshe sımvoly. Siz uzaq jyl boıy eldiń kóshbasshysy, barlyq saladaǵy tıimdi reformalardyń jáne táýelsiz Qazaqstannyń ǵalamat jetistikteriniń negizin qalaýshy, álemdik qoǵamdastyq moıyndaǵan jahandyq bastamalardyń avtory, tájirıbeli ári tanymal saıasatker, halqyna jáne týǵan jerine qyzmet etýdi óziniń qasterli paryzy sanaıtyn bilikti basshy retinde kópshilikke tanylyp, úlken qurmetke ıe boldyńyz, – delingen jedelhatta.
Amerıka Qurama Shtattarynyń 66-shy Memlekettik hatshysy Kondolıza Raıs óz quttyqtaýynda Qazaqstannyń qarqyndy damýyndaǵy Elbasynyń erekshe rólin atap ótti.
– Bizdiń Tuńǵysh Prezıdentimiz Djordj Vashıngton amerıkalyq qundylyqtardy bolashaqta atqaratyn isterimizdiń negizine aınaldyra bildi. Siz Qazaqstan úshin de dál osyndaı ıgi jumys atqardyńyz. Sizdiń ıadrolyq qarýdan bas tartý jáne ǵajap elordany salýdan bastap, beıbit tranzıtti júzege asyrý sııaqty sheshimderińiz sózime dálel, – delingen jedelhatta.
Túrkııa Respýblıkasynyń burynǵy Prezıdenti Abdýlla Gúl óz quttyqtaýynda Qazaqstannyń Tuńǵysh Prezıdentiniń jas memleketti qalyptastyrýǵa jáne halyqaralyq yntymaqtastyqty nyǵaıtýǵa qosqan úlesin atap ótken.
– Sizge zor densaýlyq pen baq-bereke tileımin. Qazaq halqynyń jarqyn bolashaǵyna senimdimin. Qazaqstannyń túrki áleminde alatyn orny bólek. Qazaq-túrik qatynasynyń órkendeı berýine tilektespin, – delingen jedelhatta.
Ulybrıtanııanyń burynǵy Premer-mınıstri Tonı Bler Qazaqstannyń Tuńǵysh Prezıdentiniń táýelsiz el tarıhyndaǵy mańyzdy rólin atap ótken.
– Eldiń tabysy men turaqtylyǵy kóbine Prezıdent Nazarbaevtyń basshylyǵymen baılanysty. Qazaqstandy kútip turǵan barlyq qıyndyqtar men reformalarǵa qaramastan, qazirgi ýaqytta memleket bolashaqqa nyq senimmen qaraı alady, – dedi T.Bler.
Sondaı-aq Nursultan Nazarbaevqa jyly lebizderi men qoldaýyn Estonııa Respýblıkasynyń eks-prezıdenti Arnold Rıýıtel, Táýelsiz memleketter dostastyǵy Atqarý komıtetiniń tóraǵasy – Atqarýshy hatshysy Sergeı Lebedev, Ujymdyq qaýipsizdik sharty uıymynyń bas hatshysy Stanıslav Zas, BUU burynǵy Bas hatshysy, Jasyl damýdyń jahandyq ınstıtýtynyń tóraǵasy Pan Gı Mýn, Eýropa qaıta qurý jáne damý bankiniń birinshi prezıdenti Jak Attalı, Ispanııa Úkimetiniń burynǵy basshysy Hose Marııa Asnar, Italııanyń eks-premer-mınıstri Romano Prodı, Italııanyń burynǵy Syrtqy ister mınıstri Franko Frattını, AQSh-tyń burynǵy Memlekettik hatshysy Kolın Paýell, basty ıýdeı uıymdary jetekshileri konferensııasy tóraǵasynyń orynbasary Malkolm Henlaınn, "Chevron Corporation" kompanııasynyń burynǵy basqarma tóraǵasy jáne bas dırektory Ken Derr bildirdi.
