Quttyqtaý sózinen keıin aýdan basshysy óńirdiń saıası-áleýmettik, mádenı damýyna súbeli úles qosqan bir top azamatty "Qazaqstan Konstıtýsııasyna 25 jyl" merekelik medalimen marapattady. Marapattalǵandardyń qatarynda aımaqtyq "Turan Qazaly" gazeti bas redaktorynyń orynbasary Raýshanbek Seıtenov, Qazaly aýdany ákimi apparatynyń qujattamalyq qamtamasyz etý jáne baqylaý bóliminiń basshysy Sándibaı Jansultan, jeke kásipker Tórebek Igilikov bar.
Al Qazaly aýdanynyń qurmetti azamaty, aýyl sharýashylyǵy salasynyń ardageri Berik Bısembaev QR "Aýyl sharýashylyǵy ardagerler keńesi" qoǵamdyq birlestiginiń "Qurmetti ardageri" medaline ıe boldy. Sondaı-aq saltanatty sharada óz salasynda jemisti eńbek etip júrgen mamandarǵa oblys jáne aýdan ákiminiń Alǵys hattary tabystaldy.
Tuńǵysh Prezıdent kúni qarsańynda 2 jas memlekettik qyzmetshi ant qabyldady. Halyqqa adal jáne kásibı qyzmet kórsetýge ant bergen memlekettik qyzmetkerdiń qatarynda Kólaryq jáne Qyzylqum aýyldyq okrýg ákimi apparatynyń mamandary Qanat Arystanbek pen Maqsat Izimqul bar.
