Qoǵam • 02 Jeltoqsan, 2020

Elordada qoǵamdyq tamaqtaný oryndarynyń birinde jarylys boldy

11 ret kórsetildi

Nur-Sultandaǵy Nurly jol vokzaly tóńiregindegi qoǵamdyq tamaqtaný orynynda gaz ballony jaryldy, dep habarlaıdy Egemen.kz TJD baspasóz qyzmetine silteme jasap.

Vedomstvo habarlaǵandaı 1 qazanda saǵat 22.14-te órt sóndirý qyzmetteri Baıtursynuly 43/2 mekenjaıy boıynsha shaqyrtýǵa shyqqan. Olar saǵat 22.19-da oqıǵa ornyna jetkende jańadan salynyp jatqan úıdiń terrıtorııasynda ashana retinde paıdalanylǵan, 150 sharshy metr bolatyn bólek turǵan qurylys órtenip jatqanyn anyqtaǵan, mańynda turǵan aǵash tabandyqtary janyp jatqany belgili boldy.

Belgili bolǵandaı, gaz ballony jarylǵan. О́rt sóndirý qyzmeti 4 gaz ballonyn órt aýmaǵynan alyp shyqqan.

"О́rt 22.36-de aýyzdyqtalyp, 22.50-de tolyq sóndirildi. Abyroı bolǵanda, eshkim zardap shekken joq. О́rt sebebi anyqtalady. Oqıǵa ornyna 4 dana tehnıka men jeke quramnyń 23 qyzmetkeri tartyldy" delingen habarlamada.

Eske sala keteıik, buǵan deıin 22 qarashada Nur-Sultandaǵy kafelerdiń birinde jarylys bolǵan edi. Ol kezde kópsalaly aýrýhanaǵa túrli jaraqatpen 23 adam jetkizilip, 2 adam qaza tapqan bolatyn. Budan soń, gaz qoldanylatyn jergilikti qoǵamdyq tamaqtaný ortalyqtaryn tekserý jumystary bastaldy.

Sońǵy jańalyqtar

Taldyqorǵanda qoǵamdyq kólik órtendi

Aımaqtar • Búgin, 14:41

Qazaqstandyqtar eGov.kz-ke kire almaı jatyr

Tehnologııa • Búgin, 13:45

Uqsas jańalyqtar