"Tek qana sońǵy ózgertken bir buıryqtyń negizinde mysal keltireıin. Qatań eseptilik nysandarynan 11 qujat alynyp tastaldy. Olardyń arasynda oqý ýaqytyn aı saıynǵy jáne jyldyq esepke alý vedomostary, bilim alýshylardy aralyq jáne qorytyndy attestattaýǵa arnalǵan birneshe emtıhan vedomostary, qorytyndy attestattaýdy ótkizý jónindegi komıssııa otyrystarynyń ártúrli hattamalary jáne taǵy basqasy bar. Mysaly, bir ǵana kafedranyń jumys josparyn jasaý úshin 21 tarmaqtan quralǵan qujatty toltyrý qajet, al ol kóp ýaqytty qajet etedi. Onyń bári mindetti qujattardyń tiziminen qysqartyldy", deıdi Ashat Aımaǵambetov.
Degenmen, vedomstvo basshysy keıbir ýnıversıtetter burynǵy ádetine salyp, eski talaptardan bas tarta almaı kele jatqanyn tilge tıek etti.
"Qurmetti oqytýshylar, aldaǵy ýaqytta basshylyq sol qujattardy talap etse, QR BǴM-niń buıryqtaryna súıenýge bolady. Jalpy barlyq qujattar sıfrly formatta júrgizilýi qajet. Biz pandemııa kezinde stýdentter dıplomdyq jumystaryn nemese dıssertasııalaryn qashyqtan qorǵaı alýy úshin "kók" mór, resenzentter men menedjerlerdiń qoltańbalaryn jınaý jáne t.b. talaptardy alyp tastadyq", deıdi Bilim jáne ǵylym mınıstri.
