Aımaqtar • 02 Jeltoqsan, 2020

Túrkistan oblysynda alǵash ret múgedektikke shyǵý deńgeıi 18 paıyzǵa tómendedi

15 ret kórsetildi

Múgedektiktiń aldyn-alý maqsatynda anyqtaý, profılaktıkalyq jáne emdeý sharalaryn júrgizý nátıjesinde 2019 jylmen salystyrǵanda Túrkistan oblysynda alǵash ret múgedektikke shyǵý deńgeıi 18%-ǵa tómendedi. Bul týraly QR Premer-Mınıstri Asqar Mamınniń tóraǵalyq etýimen ótken Úkimet otyrysynda Túrkistan oblysynyń ákimi О́mirzaq Shókeev málimdedi, dep habarlaıdy Egemen.kz oblys ákiminiń baspasóz qyzmetine silteme jasap.

Múmkindigi shekteýli jandardy áleýmettik qorǵaý máseleleri qaralǵan otyrysta oblys ákimi bul baǵytta atqarylyp jatqan jumystar jaıly baıandady.
 
«Túrkistan oblysynda 94 500 múmkindigi shekteýli azamattar turady, bul oblys halqynyń 5%-n quraıdy. Múmkindigi shekteýli azamattardy ońaltý sharalarymen qamtamasyz etý úshin bıýdjettiń barlyq kózderinen bólingen qarjy 22%-ǵa ulǵaıyp, 2020 jyly 4,8 mlrd. teńgeni qurady. Nátıjesinde, 34 myńnan astam adam nemese qajettiliktiń 74%-y ońaltýdyń tehnıkalyq quraldarymen jáne áleýmettik qyzmetterimen qamtylatyn bolady»,- dedi О́mirzaq Shókeev.
 
Túrkistan óńirine oblys mártebesi berilip, qaıta jańǵyrýyna baılanysty múgedekterge arnalǵan zamanaýı ońaltý ortalyǵyn qurý qajettiligi týyndaýda. Búgingi tańǵa, múgedekterge arnalǵan syıymdylyǵy
 
50 oryndyq 6 áleýmettik nysannyń jáne 200 oryndyq ońaltý ortalyǵynyń qurylysyn júrgizýge jobalaý-smetalyq qujattamalary ázirlenip, 2024 jylǵa deıin kezeń-kezeńimen júrgiziletin bolady. Onyń ishinde 50 oryndyq 3 nysannyń qurylysy bıznestiń áleýmettik jaýapkershiligi aıasynda júrgizý josparlanǵan.
 
«Ulttyq jospardyń mańyzdy baǵyty múmkindigi shekteýli azamattarǵa qoljetimdi orta qurý. Osy baǵytta oblysta beıimdelýge jatatyn 2 895 nysannyń 98%-y sáıkestendirilgen. Osy baǵyttaǵy jumystardy jalǵastyrý úshin basqarma jáne qoǵamdyq uıymdar tarapynan monıtorıng júrgizilip, qoljetimdi ortany odan ary arttyrý boıynsha tıisti is-sharalar atqarylýda. Bıylǵy jyly pılottyq rejımde bastama alǵan «Áleýmettik qyzmetter portaly» múmkindigi shekteýli azamattar úshin
2021 jyly tolyq iske asyrylady», - dedi oblys ákimi.
 
Búgingi kúnge múgedektigi bar azamattardyń 94%-y elektrondyq-sıfrlyq qoltańba aldy. Bul 42 myńǵa jýyq múgedektigi bar azamattarǵa ońaltý sharalaryn sapaly jáne deldalsyz erkin tańdaýǵa tıisinshe, tolyq múmkindik beredi.
 
О́ńirdegi erekshe bilim berýdi qajet etetin balalardyń 48%-y (17 272 bala) ınklıýzıvti jáne arnaıy bilimmen oqytylýda. Múgedektiktiń aldyn-alý maqsatynda anyqtaý, profılaktıkalyq jáne emdeý sharalaryn júrgizý nátıjesinde 2019 jylmen salystyrǵanda alǵash ret múgedektikke shyǵý deńgeıi 18%-ǵa tómendedi.
 
Jalpy, múmkindigi shekteýli jandardyń 60%-y, ne 59,2 myń adam eńbekke qabiletti jastaǵy azamattar. Olardy jumyspen qamtý úlesin ulǵaıtý maqsatynda «Eńbek» memlekettik baǵdarlamasy sheńberinde belsendi sharalar qarastyrylǵan. 2020 jyldyń 1 qarashasyna eńbekke jaramdy 1 610 múgedek jumyspen qamtý sharalaryna tartylyp, jospar 111 %-ǵa oryndaldy. Onyń ishinde 541 adam turaqty, 1039 adam ýaqytsha jumysqa, 30 adam qysqa merzimdi kásiptik oqýǵa joldandy. 572 adamǵa kvota belgilenip, 263 adam jumyspen qamtyldy. 2021 jyly múgedek jandardy kvotamen jumysqa ornalastyrý úshin 1 334 kásiporynda 3 331 múgedekke oryn belgilengen.
 
Úkimet otyrysynda Premer-Mınıstr Asqar Mamın jyl sońyna deıin múmkindigi shekteýli jandar úshin 100% kedergisiz qoljetimdilikti qamtamasyz etý jónindegi jol kartasyn ázirleýdi tapsyrdy. ákimdikterge múmkindigi shekteýli jandardy Áleýmettik qyzmet kórsetý portaly arqyly ońaltý quraldaryn alý daǵdylaryna oqytýdy jańǵyrtý, Sıfrlyq damý mınıstrligimen birlesip, Jumyspen qamtý ortalyqtary men HQKO-larda múgedek adamdar úshin ózine – ózi qyzmet kórsetý aımaqtaryn ulǵaıtý tapsyryldy.
Sońǵy jańalyqtar

Nur-Sultan «sary aımaqqa» qaıta endi

Koronavırýs • Búgin, 10:41

Qazaqstanda lombardtar jabylady

Ekonomıka • Búgin, 10:30

Shymkentte otbasylyq bıznes damyp keledi

Aımaqtar • Búgin, 09:53

Búgin 1 naýryz – Alǵys aıtý kúni

Rýhanııat • Búgin, 09:13

Bakýden ushqan bulbul

О́ner • Búgin, 06:57

Juptyq synda top jardy

Sport • Búgin, 06:55

Jambyl jyly jyrlaıdy

Rýhanııat • Búgin, 06:53

Alty medalmen oraldy

Sport • Búgin, 06:52

«Metallýrgpen» baq synaıdy

Sport • Búgin, 06:51

Balalar kitaphanasy jańartyldy

Ádebıet • Búgin, 06:50

Alǵys gımni shyrqaldy

Aımaqtar • Búgin, 06:48

Jelaıaqtar О́skemende saıysty

Sport • Búgin, 06:47

Jas balýandar beldesýi

Sport • Búgin, 06:46

Qysqy trıatlon jarysy ótti

Sport • Búgin, 06:44

Kitap-adamdar

Ádebıet • Búgin, 06:38

Rektor etalony

Rýhanııat • Búgin, 06:36

О́zgege uqsamaıtyn ómir

Rýhanııat • Búgin, 06:34

Abyz aqyndy Anadoly ulyqtady

Ádebıet • Búgin, 06:33

Jambyl murasy – ult rýhanııatynyń aınasy

Rýhanııat • Búgin, 06:31

Ǵasyrlyq shejiresi bar áýlet

Qoǵam • Búgin, 06:26

Kóńili darhan halyq

Qoǵam • Búgin, 06:17

Júregimiz – Qazaqstanda

Qoǵam • Búgin, 06:14

Boıymda qazaqylyq bar

Qoǵam • Búgin, 06:13

Álemde balamasy joq biregeı teatr

Teatr • Búgin, 06:11

Bul naǵyz rýhanı kamerton

Qoǵam • Búgin, 06:09

Uqsas jańalyqtar