Qazaqstan • 02 Jeltoqsan, 2020

Jeltoqsan aıynda aýa raıy qandaı bolady?

864 ret kórsetildi

Jeltoqsan - qystyń alǵashqy aıy. Jeltoqsan aıynda Sibir antısıklonynyń odan ári kúsheıýi baıqalady, eń uzaq túnder men qysqa kúnder tirkeledi, - dep habarlaıdy "Qazgıdromet"

Aýa temperatýrasy tómendeı beredi. Kaspııdiń shyǵys jaǵalaýyndaǵy aýanyń ortasha aılyq temperatýrasy áli de oń tańbaly, 1°S-qa deıin, respýblıkanyń qalǵan aýmaǵynda ol ońtústik-batystan jáne ońtústikten 0 -5°S  -tan soltústik pen shyǵysqa qaraı -13-18°S-qa deıin tómendeıdi. Eń tómengi ortasha aılyq aýa temperatýrasy Shyǵys Qazaqstan oblysynyń soltústik-shyǵysynda -20-24°S.

Qarashadan jeltoqsanǵa deıin Qazaqstannyń soltústik jartysynda jaýyn-shashyn mólsheri azaıady, al ońtústikte, kerisinshe, ulǵaıady jáne ońtústiktiń, ońtústik-shyǵystyń taý jáne taý bókterli aýdandarynda 25-50 mm, Shyǵys pen Ońtústiktiń taýlarynda 51-200 mm (meteorologııalyq baqylaýlardyń barlyq kezeńi boıynsha), batysta 32 mm-ge deıin, respýblıkanyń soltústik jáne ortalyǵynda 10-24 mm quraıdy.

Soltústik aýmaqtarda jaýyn-shashyn qar túrinde túsedi, jańbyr sırek jaýady (10 jylda 2-3 ret baıqalady). Ońtústik oblystarda jańbyr aıyna 1-4 ret, qar aralas jańbyr aıyna 1-3 ret jıi jaýady.

Jeltoqsannyń birinshi onkúndiginiń basynda jáne sońynda respýblıkanyń soltústik jartysynda, ortalyǵynda jáne shyǵysynda keı jerlerde qar jaýady, burqasyn soǵady. Aýa temperatýrasynyń negizgi fony túnde -23-28°S, kúndiz -12-20°S bolady. Onkúndiktiń sońynda túnde -13-23°S deıin, kúndiz -5-13°S deıin aıazdyń álsireýi boljanady.

Elimizdiń batysynda antısıklondyq aýa raıy basym, kóbinese jaýyn-shashynsyz aýa raıy kútiledi. Aýa temperatýrasy túnde -15-25°S, kúndiz -7-15°S shamasynda bolady. Birinshi onkúndiktiń sońynda frontaldy bólikterdiń ótýine baılanysty qar jaýyp, jel kúsheıedi, aýa temperatýrasy túnde -9-15°S, kúndiz 0, -5°S deıin kóteriledi. Qazaqstannyń ońtústik-batysynda túnde -2-10°S tan -8-16°S deıin, kúndiz -2+3°S tan -3-8°S-qa deıin temperatýranyń aýytqýy boljanady.

Respýblıkanyń ońtústigi men ońtústik-shyǵysynda onkúndiktiń basynda jáne sońynda jaýyn-shashyn jaýady, onkúndiktiń basynda taý jáne taý bókterli aýdandarda qatty jaýyn-shashyn jaýady, kóbinese qar túrinde. Tuman, kóktaıǵaq jáne jeldiń kúsheıýi boljanady. Aýa temperatýrasy túnde -5-13°S-tan  -10-20°S-qa deıin, kúndiz -5+5°S-tan -8-13°S-qa deıin tómendeıdi.

Sýyq tolqyndardyń oralýy kútilýde:

respýblıkanyń soltústik, shyǵys jáne ortalyq óńirlerinde jeltoqsan aıynyń ortasynda termometr baǵanasy túngi saǵattarda -22-30°S-qa deıin, kúndiz -10-18°S-qa deıin tómendeıdi;

Qazaqstannyń batysynda ekinshi onkúndiktiń basynda jáne sońynda aýa temperatýrasy túnde -10-18°S, kúndiz -5-13°S-qa deıin aıtarlyqtaı tómendeıdi;

eldiń ońtústik bóliginde ekinshi onkúndiktiń ortasynda aýa temperatýrasy túnde -10-20°S-qa deıin, kúndiz -5-13°S-qa deıin tómendeıdi.

Aıdyń sońynda Qazaqstannyń barlyq aýmaǵynda aıazdyń álsireýi kútiledi.

Sonymen, Qazaqstannyń basym bóliginde jeltoqsan aıynda aýa temperatýrasy norma shamasynda, Pavlodar, Shyǵys Qazaqstan, Almaty oblystarynda, Qaraǵandy oblysynyń shyǵysynda, Jambyl oblysynyń ońtústik-shyǵysynda normadan 1°S tómen bolady dep kútilýde.

Jaýyn - shashyn mólsheri respýblıkanyń basym bóliginde norma shamasynda, Soltústik Qazaqstan oblysynda, Pavlodar, Shyǵys Qazaqstan oblystarynyń basym bóliginde, Qostanaı oblysynyń soltústik jartysynda, Aqmola oblysynyń soltústiginde, Almaty oblysynyń ońtústik-shyǵys jartysynda, Túrkistan jáne Jambyl oblystarynyń taý jáne taý bókterli aýdandarynda normadan kóp, Mańǵystaý oblysynda, Aqtóbe oblysynyń ońtústik jartysynda, Atyraý oblysynyń ońtústik-shyǵysynda, Qyzylorda oblysynyń batys jartysynda normadan az boljanady.

Sońǵy jańalyqtar

Memleket basshysy Alekseı Soıdy qabyldady

Prezıdent • Búgin, 17:08

Semeıge Saqtaǵanov ákim boldy

Taǵaıyndaý • Búgin, 16:21

Birneshe oblysta jol jabyldy

Qazaqstan • Búgin, 16:11

Aqsý qalasyna jańa ákim taǵaıyndaldy

Taǵaıyndaý • Búgin, 16:06

Jetisýda taǵy 78 adam indet juqtyrdy

Aımaqtar • Búgin, 12:32

Qazaqstanda aldaǵy úsh kúnde aıaz bolady

Aýa raıy • Búgin, 11:04

Jol apaty: Balqashta 2 adam qaza tapty

Aımaqtar • Búgin, 10:55

Qazaqstanda qansha advokat bary aıtyldy

Qazaqstan • Búgin, 10:44

Uqsas jańalyqtar