Respýblıka jurtshylyǵy elimizdegi Tuńǵysh Prezıdent kúnin keńinen atap ótti
Astana
Keshe Astana qalasynyń turǵyndary jáne qonaqtary Tuńǵysh Prezıdent kúni memlekettik merekesin osymen ekinshi ret erekshe keń kólemde atap ótti.
Astana
Keshe Astana qalasynyń turǵyndary jáne qonaqtary Tuńǵysh Prezıdent kúni memlekettik merekesin osymen ekinshi ret erekshe keń kólemde atap ótti.
Aıtýly kúnniń qurmetine bas qalamyzda kóptegen merekelik sharalar uıymdastyryldy. Bul rette «Bir el – Bir Elbasy – Bir taǵdyr!» atty aýqymdy sharany erekshe atap ótken jón. О́tken jyly bul shara buqaralyq sport taqyrybyna arnalsa, bıylǵy jyly onyń urany – «Qazaqstan-2050» Strategııasy boldy. Tuńǵysh Prezıdent kúni Astanadaǵy «Saryarqa» velotregine búkil Qazaqstannan 9 myńnan astam stýdent jınaldy. Bul sharanyń shyrqaý shegi 550 bıshi qatysqan bı boldy. Olar ózderiniń bıleri arqyly elimizdiń sımvoldaryn órnektedi.
Tuńǵysh Prezıdent kúni merekesi aıasynda elordadaǵy perzenthanalarda dúnıege kelgen sábılerdi quttyqtaý sharalaryn uıymdastyrý dástúrge aınaldy. Qalalyq perzenthananyń bas dárigeri Elena Tıhomırovanyń aıtýynsha, kúnine orta eseppen bas qalada 25 sábı dúnıege keledi eken. Bıyl 1 jeltoqsan kúni túske deıin 8 sábı, 5 qyz, 3 ul dúnıege kelipti. Astana qalasynda bala týý deńgeıi jyldan-jylǵa artyp keledi. Máselen, 2010 jyly 16 444 sábı dúnıege kelse, 2012 jyly 21 266 astanalyq náreste ómir esigin ashqan. Al 2013 jyldyń 10 aıy ishinde 18 871 sábı dúnıege keldi. Qazir elordanyń árbir tórtinshi turǵyny bala bolyp tabylady.
Astananyń konsert zaldary men mádenı ortalyqtarynda kóptegen merekelik konsertter ótti. Atap aıtqanda, «Qazaqstan» ortalyq konsert zalynda Tuńǵysh Prezıdent kúni R.Rymbaeva, N.Úsenbaeva, «MýzArt» toby sııaqty óner dúldúlderiniń qatysýymen «Án qanatyndaǵy arman» atty merekelik konsert uıymdastyryldy.
JylqybaıJAǴYPARULY,
«EgemenQazaqstan».
Taraz
1 jeltoqsan – Qazaqstan Respýblıkasynyń Tuńǵysh Prezıdenti kúnine oraı uıymdastyrylǵan mádenı is-sharalar sherýi «Balasaǵun» ortalyq konsert zalynda «Bir el – Bir Elbasy – Bir taǵdyr!» atty oblystyq patrıottyq forýmmen bastaldy. Forýmǵa jınalǵan kópshiliktiń Qazaq eli Ánurany – «Meniń Qazaqstanymdy» birge qosylyp aıtýy jambyldyqtardyń boıyndaǵy patrıottyq sezimdi oıatyp, kóńilderin ǵajaıyp áserge bólese, ónerli jastardyń ór daýysymen shyrqalǵan «Jasa, qazaǵym!» ániniń qaıyrmasyndaǵy «Jasa, jasa, qazaq tilim! Jasa, jasa, ǵajap dinim! Baıandy bop, azat kúniń, Baǵyń taımasyn! Jasa, jasa, rýhty halqym! Jasa, jasa, qutty saltym! Aıdan asyp myqty dańqyń, Janyń jaınasyn!» degen qaıyrmasy konsert zalyn jańǵyryqtyrdy.
Osy taqyryp aıasynda ótken jastar aksııasy da, áskerı-tehnıkalyq mektebi vzvodynyń «Máńgilik alaý» qasyna baryp Otan aldyndaǵy ant qabyldaý rásimin jasaýy da jastardyń Otan, el, jer qorǵaý turǵysyndaǵy qaharmandyq sezimin arttyra túsken ǵıbratty is-sharaǵa aınaldy.
«Balasaǵun» ortalyq konserttik zalyna lyq toly kórermen jınap, ózderiniń el ańsaǵan ánderi men áýenderin áýelete áýezdetken Altynbek Qorazbaev pen «Melomen» tobynyń konserti merekege óte tamasha tartýlardyń biri boldy. Sondaı-aq, Almaty qalasynan kelgen Koreı ortalyǵy men Qytaı ortalyǵy ónerpazdarynyń konserttik baǵdarlamasy da mereke mánin asha tústi. Al «halyqtyq» degen ataqty qorǵaýǵa arnalǵan oblys kórkemónerpazdar ujymdarynyń básekesi óz laıyqtylaryn anyqtady.
KósemáliSÁTTIBAIULY,
«EgemenQazaqstan».
Oral
О́ńirde Tuńǵysh Prezıdent kúnine arnalǵan sharalar shoǵyry bir apta buryn bastalyp ketken edi. Osyndaı shoqtyǵy bıik sharanyń biri qazaq drama teatrynda ótkizilgen «N.Á.Nazarbaev: ınnovasııalyq Qazaqstan – jahandyq syn-qaterlerge jaýaptar» atty ǵylymı-tájirıbelik konferensııa boldy.
Osy oraıda Oral óńirinde ótkizilgen sharalardyń aýqymy meılinshe jan-jaqty tereń, túri men mazmuny birin-biri baıytyp, tolyqtyryp jibergenin qadap aıtýǵa bolady.
Atap aıtqanda, «Men – Qazaqstannyń bolashaǵyna basymdy tikken adammyn» jáne «Elin súıgen, eli súıgen Elbasy» taqyryptaryndaǵy dóńgelek ústelder men pikirsaıystar, fleshmobtar men patrıottar forýmy taqyryptyq keshter men konsertter, oblys stýdentteri arasynda ótkizilgen «Dara tulǵa» atty ıntellektýaldy oıyn osy sózimizdiń dáleli.
Al oblystyń Reseımen shekaralas aýdandarynda Tuńǵysh Prezıdent kúnine arnalǵan is-sharalar halyqaralyq deńgeıde óristedi. Buǵan Tasqala kentinde Saratov gýbernııasy, Ozınkı aýdany delegasııasynyń qatysýymen ótkizilgen basqosý kýá. Sondaı-aq, shalǵaıdaǵy Bókeı ordasy aýdanynda voleıboldan ótkizilgen týrnırge de osyndaı sıpat tán boldy.
– Meniń oıymsha, Tuńǵysh Prezıdent kúniniń mánisi tereńde. Jyldar óter, qazaqstandyq qoǵam kelesi júz jyldyqqa da qadam basar. Ǵasyrlar bıigine kóz tastaǵanda, báribir táýelsiz memleketti óz qolymen qurǵan Tuńǵysh Prezıdent N.Nazarbaevtyń tarıhı róli men orny bólek, – deıdi tarıhshy, el aqsaqaly Jaısań Aqbaı.
Temir QUSAIYN,
«Egemen Qazaqstan».
Kókshetaý
Kógildir Kókshetaý aq ulpa qarǵa malynyp tur. Tabıǵat nuryna bólengen kóńilderi de kóterińki. Táýelsiz Qazaqstannyń Tuńǵysh Prezıdent kúnin merekeleýdiń sáni de, máni de bólek kórindi. Jeltoqsannyń alǵashqy kúninde qalanyń Abaı atyndaǵy kórkem kóshesiniń Buqpa taýyna qoınaýlaı enetin tórinde «Meniń Qazaqstanym!» tarıhı-tálimdik monýmentaldi kesheni ashyldy. Qaýmalaǵan qalyń jurt qutty bolsyn aıtqan 30 metrlik týtuǵyrdyń negizdemesi segiz buryshty stelladan turady. Al onyń tómengi bóligindegi tórt sándi kompozısııalyq qurylym Qazaqstannyń álemniń tórt buryshymen tatý kórshilik jáne yntymaqty baılanysqa ashyq ekendigin beıneleıdi...
Aqmola oblysynyń ákimi Qosman Aıtmuhametov quttyqtaý sózimen ashqan saltanatta Prezıdentti tuńǵysh ulyqtaý rásimine qatysýshy, densaýlyq saqtaý ortalyǵy oblystyq fılıalynyń dırektory Baıan Ysqaqova, Táýelsizdik qurdasy, A.Myrzahmetov atyndaǵy ýnıversıtettiń úzdik stýdenti Nursultan Tóleýbaev Tuńǵysh Prezıdent kúniniń mańyzy, Elbasy saıasatynyń salıqalylyǵy jaıynda tolǵam pikirlerin bildirdi.
Saltanat «Kókshetaý» mádenıet saraıyndaǵy «Elbasy mártebesi – el mereıi» forýmymen jalǵasty. О́ńir basshysy Qosman Aıtmuhametovtiń baıandamasynan keıin Parlament Senatynyń depýtaty Jabal Erǵalıev, «Rodına» agrofırmasy» JShS bas dırektory Ivan Saýer, qaladaǵy Nazarbaev Zııatkerlik mektebiniń oqýshysy Dına Hamze astanalyq oblys turǵyndaryn mereıli merekemen quttyqtady.
Shara barysynda mektep oqýshylary arasyndaǵy «Qazaqtyń Tuńǵysh Prezıdenti» oblystyq baıqaýynyń qorytyndysy shyǵarylsa, respýblıkamyzdyń aıtýly merekesi aýdan ortalyqtarynda, aýyldarda keńinen atalyp ótti. Jurtshylyq áleýmettik-ekonomıkalyq baǵyttaǵy jańa nysandardyń ashylýyna kýá bolyp, 300-den astam mádenı-kópshilik sharalarǵa qatysty.
Baqbergen AMALBEK,
«Egemen Qazaqstan».
Atyraý
Munaıly óńir turǵyndary Tuńǵysh Prezıdent kúnine arnalǵan merekelik sharalardy tamashalaý úshin el azattyǵyn ańsaǵan Isataımen Mahambet batyrlardyń eńseli eskertkishi ornatylǵan ortalyq alańǵa jınaldy. Munda jergilikti ýaqytpen saǵat 11.00-de kórkemónerpazdardyń qatysýymen ádebı-sazdy baǵdarlama bastaldy. Baǵdarlama aıasynda oblystyq, respýblıkalyq án baıqaýlarynan oza shaýyp, báıge alǵan ónerpazdar táýelsiz Qazaqstan, týǵan el, týǵan jerge mahabbatty oıatqan áserli ánderdi oryndady. Myń buralǵan bıshiler de jurtshylyqty ónerimen tánti etti.
Bul kúni mundaı merekelik ádebı-sazdy baǵdarlamalar óńirdiń barlyq aýdandarynda, ár okrýgterde de jalǵasyn tapty. Máselen, Qyzylqoǵa aýdanynda «Asqaqtaı ber elimniń mártebesi!» atty patrıottyq ánder baıqaýy qorytyndylandy. Al, Inder aýdanynyń ortalyǵy – Inderbor kentindegi Mahambet kóshesinde ornalasqan №18 jáne 20 úılerdiń janynan balalar alańy, Eltaı aýyldyq okrýginde kúrdeli jóndeýden ótkizilgen Mádenıet úıi ashyldy. Mahambet aýdanyndaǵy murajaıda «Elin súıgen, eli súıgen Elbasy» taqyrybynda kezdesý keshi uıymdastyryldy.
Atyraý qalasy men Maqat aýdanynda doıbydan sporttyq jarystar márege jetti. Sonymen birge, óńir ortalyǵyndaǵy áleýmettik turmysy tómen otbasylardaǵy jáne ata-ana aıaly alaqany men qamqorlyǵyna zárý balalar H.Dospanova atyndaǵy muz saraıynda konkımen tegin syrǵanady. Bul sharaǵa osyndaı sanattardaǵy 100 bala qatysty. Osy toptaǵy balalardyń bir toby oblystyq tarıhı-ólketaný jáne Sh.Sarıev atyndaǵy kórkemsýret, qoldanbaly sándik óner murajaılaryna saıahattady.
Joldasbek ShО́PEǴUL,
«Egemen Qazaqstan».
Aqtóbe
Tuńǵysh Prezıdent kúni Aqtóbede qylaýlap qar jaýyp, aqtóbelikterdiń Elbasyna degen aq nıetindeı áserge bóledi. Oblys turǵyndary merekege tolymdy tabystarmen, kóterińki kóńil kúımen keldi. 180 mıllıon teńgege qaıta jaraqtandyrylǵan 240 oryndyq №42 «Aınalaıyn» balabaqshasynyń saltanatty ashylýyna arnaıy kelgen oblys ákimi Arhımed Muhambetov jınalǵandardy Tuńǵysh Prezıdent kúni merekesimen quttyqtady.
О́ńir basshysy «Bolashaq» aýdanyndaǵy 150 oryndyq Qurashasaı orta mektebiniń saltanatty ashylýyna qatysyp, lentasyn qıdy. «Geolog» mádenıet úıinde «Elin súıgen El Aǵa, Nur syılaǵan halqyna» ádebı-mýzykaly kompozısııalyq kesh, qala mańyndaǵy Sazdy aýylyndaǵy Mádenıet úıinde «Prezıdent jáne jastar» atty jergilikti mekeme qyzmetkerleri men jastar arasynda kezdesý saǵaty ótkizildi. Oblystyq «Dostyq» úıinde etnomádenı birlestikter arasynda ótken «Mádenıet úndestigi» – «Sozvýchıe kýltýr» halyqaralyq festıvaline osyndaǵy 18 etnomádenı birlestikterdiń jáne Batys Qazaqstan men Reseıdiń Orynbor oblystarynyń ónerpazdary án shyrqap, bı bıledi.
Aqtóbe oblystyq tarıhı-ólketaný mýzeıinde «Meniń Tuńǵysh Prezıdentim» taqyrybynda kitap kórmesi, oblystyq «Rýhanııat» mýzeıinde oqýshylar arasynda shyǵarma jazý baıqaýy, 2000-2001 jyldary týǵan jasóspirimder arasynda fýtboldan týrnır uıymdastyryldy.
Merekelik ahýal aýdandarda da túrli kópshilik mádenı-sporttyq sharalarmen jalǵasty. Iаǵnı, bul kúni barlyq aýdan ortalyqtarynda jáne eldi mekenderde Tuńǵysh Prezıdent kúni keń kólemdegi merekelik sharalarmen atap ótildi.
Satybaldy SÁÝIRBAI,
«Egemen Qazaqstan».
Qyzylorda
Tuńǵysh Prezıdent kúni qarsańynda Qyzylorda qalasynda «Respýblıkalyq balalardy ońaltý ortalyǵynyń» fılıaly ashyldy. Atalǵan medısınalyq mekemede nevrologııalyq aqaýly múgedek balalar emdeledi. Bólimshe zamanaýı qondyrǵylarmen jabdyqtalǵan. Sońǵy 5 jylda óńirdegi múgedek balalar sany 1,1 esege óskendikten, osyndaı ortalyqtyń ashylýy kerek-tin. Atalǵan mekemeniń arqasynda múmkindigi shekteýli balalarǵa jylyna eki retten em alýǵa múmkindik týdy. Nátıjesinde bir jylda 600 bala emdele alady. Sonymen qatar, jańadan 50 jumys orny ashyldy.
Búginde búkilhalyqtyq sıpatqa ıe bolǵan mereke qarsańynda oblys ortalyǵynda 24 páterli turǵyn úı paıdalanýǵa berildi. Baspana kezekte turǵan halyqtyń áleýmettik álsiz toptaryna, Uly Otan soǵysy ardagerleri men jetim balalarǵa berildi. Merekelik sharaǵa oblys basshysy Qyrymbek Kósherbaev qatysyp, jańa qonys ıelerine páter kiltterin tabys etti. Aıta ketý kerek, dál osyndaı 24 páterli 7 turǵyn úı osy aıdyń aıaǵyna deıin qurylysy aıaqtalyp, paıdalanýǵa beriledi.
Sonymen qatar, Tuńǵysh Prezıdent kúnine oraı Nartaı Bekejanov atyndaǵy mýzykalyq drama teatrynda saltanatty shara ótti. Oǵan oblys ákimi Qyrymbek Kósherbaev jáne bir top Parlament depýtattary qatysty. Jıynda sóz alǵan Qyrymbek Eleýuly «Tuńǵysh Perzıdent kúni – bul tarıhı tańdaý kúni, barlyq qazaqstandyqtardyń Elbasy, Tuńǵysh Prezıdent Nursultan Nazarbaevtyń tóńiregine toptasý kúni»,– dep erekshe atap ótti. Kesh sońy konserttik baǵdarlamaǵa ulasty.
Erjan BAITILES,
«Egemen Qazaqstan».
Pavlodar
Tuńǵysh Prezıdent kún imerekesine oraı taǵy bir jaqsy jańalyq – «Astana» shaǵyn aýdanynda Prezıdent saıabaǵynyń irgetasy qalandy. Sondaı-aq, Elbasynyń «100 mektep, 100 aýrýhana» baǵdarlamasy aıasynda boı kótergen №25 jalpy bilim beretin qazaq orta mektebinde Tuńǵysh Prezıdent kúnine arnap «El tiregi – Elbasy» atty aptalyq ótkizildi. Bul mektepte búginde 1600 oqýshy bilim alýda. Al, jýyrda ǵana osy aýdanda ashylǵan hımııa-bıologııalyq baǵytyndaǵy Nazarbaev Zııatkerlik mektebinde Tuńǵysh Prezıdent kúni merekesine oraı «Elbasy» atty flesh-mob ótkizildi.
– Maqsat Elbasy saıasatyn qoldaý, jastardyń boıynda Elbasy túsiniginiń mánin dáripteý, – deıdi uıymdastyrýshylar. Oqýshylar «Balalyq shaǵymnyń aspany» atty Elbasy týraly túsirilgen fılmdi kórdi. Ashyq sabaqtar, ıntellektýaldyq oıyndar, túrli sporttyq sharalar ótti. Oblys ákimi Erlan Aryn hımııa-bıologııalyq baǵyttaǵy Nazarbaev Zııatkerlik mektebiniń oqýshylaryna «Táýelsiz elimizdiń qalyptasýy men damýyndaǵy Elbasy Nursultan Nazarbaevtyń róli» degen taqyrypta dáris oqydy.
Sonymen qatar, osy kúni oblys ortalyǵyndaǵy 4 birdeı óndiris ornynda «Pavlodar munaı-hımııalyq zaýytynda azot-qyshqyldy qondyrǵyny, «Format mach company» JShS-niń birinshi bilik jasaýshy apparaty, «Neftehım LTD» JShS-niń jumsaq qaptama óndirisi jáne «KSP Steel» JShS-niń pavlodarlyq fılıalynda ıleý stany iske qosyldy. Jalpy alǵanda, Tuńǵysh Prezıdent kúnine oraı oblysta óńirdiń ozyq qyzmetkerleriniń sherýi, saýda-sattyq jármeńkeleri, qalanyń az qamtylǵan, kópbalaly jáne tolyq emes otbasylaryn, múgedekterdi qoldaý maqsatynda qaıyrymdylyq aksııalary sııaqty 300-deı shara bolyp ótti.
Farıda BYQAI,
«Egemen Qazaqstan».
О́skemen
Tuńǵysh Prezıdent kúnine arnalǵan onkúndik aksııasy barysynda óńirdiń barlyq aýdandary men qalalarynda áleýmettik ǵımarattar ashylyp, mádenı sharalar ótti. 1 jeltoqsanda ortalyq Mádenıet úıinde «Týǵan el – altyn besigim», «Týǵan jerge – taǵzym» aksııasynyń 5 jyldyǵy Tuńǵysh Prezıdent kúnine arnaldy. Oǵan ólkeniń talantty adamdary, sport sańlaqtary qatysty. 5 jylda kásipkerler men mesenattardyń 20 mıllıard teńge qarjysyna myńǵa tarta áleýmettik ǵımarattar salynypty. Oblys basshysy olarǵa qurmet kórsetti.
Mereke kúni óńir basshysy B.Saparbaevtyń qatysýymen birneshe áleýmettik ǵımarattar ashyldy. Oralmandar qonystanǵan «Shyǵys» aýylynda jańadan salynǵan 12 turǵyn úıdiń kiltteri tapsyryldy. «Ana men bala ortalyǵynda» 1 jeltoqsanda dúnıege sábı ákelgen analarǵa baǵaly syılyqtar berildi. Bajov kóshesindegi kópqabatty turǵyn úıden jetim balalarǵa páter kiltteri tapsyryldy. Tústen keıin qalanyń jibek matalar kombınaty qalashyǵy mańynda jańadan boı kótergen jekpe-jek saraıynyń saltanatty ashylýy boldy. Budan keıin forýmǵa jınalǵan jastar Elbasy súıip tyńdaıtyn ánderdi shyrqap, Tuńǵysh Prezıdent týraly derekti fılmdi tamashalady.
Ońdasyn ELÝBAI,
«Egemen Qazaqstan».
Almaty
Almaty qalasy Tuńǵysh Prezıdent kúnin atap ótýdi túrli is-sharalarmen bastady. Qala kóshelerinde merekelik sharalar uıymdastyrylyp, túrli ıntellektýaldy jáne sporttyq oıyndar oınalyp jatqanda, mádenıettiń besigi – Respýblıka saraıynda Qazaqstan Respýblıkasynyń Tuńǵysh Prezıdenti kúnine oraı saltanatty jıyn boldy.
Jıynda sóz alǵan qala ákimi Ahmetjan Esimov 1991 jyly 1 jeltoqsanda halyqtyń basym qoldaýyna ıe bolyp, el basqarý mindetine kirisken Memleket basshysyn ulyqtaý rásimi árbir qazaqstandyqtyń júreginen oryn alǵandyǵyn aıta kelip: «Álemdik órkenıettiń shyńyna umtylǵan Qazaqstan táýelsiz memleket retinde tarıhı da jasampaz jańa dáýirge qadam basqanyna bıyl 22 jyl tolady. Osynaý syndarly kezeńde, tar jol taıǵaq keshýden aman-esen alyp shyqqan Elbasymyz az ǵana ýaqyttyń ishinde memleketimizdiń qaryshtap damýyna, táýelsizdik tuǵyrynyń nyǵaıýyna, halyqtyń ál-aýqatynyń artýyna sińirgen eńbegi zor. Búginde Qazaqstannyń shańyraǵy berik, mereıi ústem, bedeli asqaq», dedi.
Jıyn barysynda qala ákimi Tuńǵysh Prezıdent kúnine oraı Almatyda tuńǵysh ret ótkizilgen «Úzdik oqýshy» baıqaýynyń jeńimpazdaryn marapattady. Saltanatty jıyn Qazaqstan estradasynyń juldyzdary men óner ujymdarynyń merekelik konsertine ulasty.
Keshkisin qalanyń ortalyq alańynda boı kótergen alyp shyrshanyń alaýyn saltanatty túrde jaǵý rásiminde ot-shashýlatyp, jastardyń bı keshimen ulasqan dýman halyqtyq merekeniń mánin túıindegen birden-bir shara boldy.
Qanat ESKENDIR,
«Egemen Qazaqstan».
Taldyqorǵan
Taldyqorǵan qalasynda 1 jeltoqsan – Qazaqstan Respýblıkasynyń Tuńǵysh Prezıdent kúnine arnalǵan «Elimniń taǵdyry – meniń taǵdyrym» atty saltanatty shara bolyp ótti. Onda «Nur Otan», Qazaqstan halqy oblystyq Assambleıasy, Jastar ortalyǵy, sport, mádenıet, áskerı sala qyzmetkerlerinen quralǵan sherý jalpyhalyqtyq sharanyń sánin kirgizdi.
Merekelik sharada Taldyqorǵan qalasynyń ákimi Ermek Alpysov quttyqtaý sóz sóılegen soń, ol konserttik baǵdarlamamen jalǵasty. Ortalyq alańdaǵy Mádenıet saraıynyń aldyńǵy betinde Elbasynyń, Aqordanyń, Memlekettik rámizderdiń jáne Elbasynyń balalar ortasyndaǵy fotosýretteri zamanaýı kompıýterlik júıe múmkindikteri paıdalanyla otyryp óte ádemi jasalyp, panno bolyp ilingen.
Erekshe aıta keter taǵy bir jaıt – bul kúni Jetisýdyń kindik qalasynda da altyn kún shýaqty nuryn tógip turdy. Taldyqorǵandyqtar shadyman shattyqqa bólene Tuńǵysh Prezıdent kúnin kóterińki kóńil kúımen atap ótti. Sondaı-aq, Táýelsiz Qazaqstannyń negizin qalaýshy Tuńǵysh Prezıdent kúnine oraı Almaty oblysy, Eńbekshiqazaq aýdanynyń Abat, Báıterek aýyldarynda dárigerlik ambýlatorııalar ashylyp, paıdalanýǵa berildi.
Al Balqash aýdany, Aqjar aýyldyq okrýgi, Araltóbe aýylynda «Aqbulaq» memlekettik baǵdarlamasy aıasynda aýyzsý júıesi tartylyp, aıtýly mereke kúni iske qosyldy.
Nurbol ÁLDIBAEV,
«Egemen Qazaqstan».
Qaraǵandy
Qazaqstan Respýblıkasy Tuńǵysh Prezıdenti kúni qaraǵandylyqtar úshin, ásirese, júrekke jaqyn mereke. Memleket basshysynyń alǵashqy eńbek joly, shyńdalý mektebi óńir tarıhymen tamyrlas bolýy zor maqtanysh tutylady. Onyń Temirtaýdan bastaý alýynyń da máni úlken edi. Metallýgter qalasy Elbasynyń qutty qadamyna kýá.
Osynda ótken «Bir Otan! Bir taǵdyr! Bir Elbasy!» atty oblystyq forýmda aǵa jáne jas býyn ókilderi basqosty. Nursultan Ábishuly Nazarbaevpen birge eńbek etken metallýrg áriptesteri estelikteri yqylaspen tyńdaldy. О́nerpazdar Prezıdent súıetin jáne ózi oryndaýdy unatatyn ánderdi shyrqady. Jalpy eńbek ótili 100 jyldan asqan jezqazǵandyq metallýrgter Sazanbaevtardaı áýletter bir-birlerimen tanysyp, tájirıbe bólisti.
Qaraǵandydaǵy « Jastar» saraıyna jınalýshylar «Elin súıgen, eli súıgen Elbasy» qalalyq forýmynyń áserli shýaǵyna bólendi. Munyń aldynda oblys ákimi Baýyrjan Ábdishev «Qoljetimdi baspana-2020» baǵdarlamasy aıasynda paıdalanýǵa berilgen úı páterleri kiltterin jas otbasylarǵa berip qýantty.
Aımaqtyń barlyq qalalary men aýdandaryndaǵy merekelik sharalar, kóńil kúı, ortaq qýanysh halyqtyń Tuńǵysh Prezıdentterine degen shynaıy súıispenshiligin pash etti.
Aıqyn NESIPBAI,
«Egemen Qazaqstan».
Petropavl
Qazaqstan Respýblıkasynyń Tuńǵysh Prezıdenti kúni Qyzyljar óńirinde de jurtshylyqtyń keńinen qatysýymen atap ótildi. Ataýly merekege oraılastyrylyp jasalǵan mádenı, bilim berý-aǵartýshylyq, sporttyq is-sharalar aýqymdylyǵymen erekshelendi. Aıtýly mereke shymyldyǵy Pogodın atyndaǵy orys drama teatrynda ótken saltanatty jınalyspen ashylyp, odan ári buqaralyq sıpat aldy. «Meniń jetistikterim – Otanymnyń jetistikteri» atty Jas ulan aksııasy, «Dáýirdiń dara tulǵasy» kórmesi, «Prezıdentimniń jetistikteri» fotogalereıasy turǵyndardyń eren qyzyǵýshylyǵyn týdyrdy.
«Tomırıs» genderlik bilim berý ortalyǵy uıymdastyrǵan «Jaqsy kelin – otbasy baqyty» saıysynda óner kolledjiniń ustazy Maıra Saparqulova jeńimpaz atandy. Beıneleý óneri murajaıynda «Táýelsizdik – fotokamera obektıvinde» kórmesine jergilikti fototilshilerdiń Memleket basshysynyń oblysqa saparyn beıneleıtin týyndylary qoıyldy. Jer-jerlerde qoldaý tapqan qaıyrymdylyq aksııalaryna jomart jandar belsene atsalysyp, Elbasy atynan balalar úılerine, kópbalaly otbasylarǵa syı-sııapattar men tartý-taralǵylar jasady. «Ult maqtanyshy – Elbasy» keshki jastar baǵdarlamasy, «Elbasy – el tiregi» merekelik konserti, doıbydan, karateden, fýtboldan ótken týrnırlerdi tamashalaýshylar kóp boldy.
Tuńǵysh Prezıdent kúni aýdandarda da keńinen toılandy. Beskól kentinde «Nur Otan» partııasy aýdandyq fılıalynyń jańa ǵımaraty boı kóterse, shalǵaıdaǵy Mortyq aýylynda qaıtadan qalpyna keltirilgen mádenıet úıi paıdalanýǵa berildi. Qaırat eldi meken turǵyndaryna sapaly aýyzsý jetkizildi. Mamlıýt kentinde jarma óndiretin seh iske qosyldy.
О́mir ESQALI,
«Egemen Qazaqstan».
Aqtaý
Mańǵystaýda Tuńǵysh Prezıdent kúni alýan sharalarmen atalyp ótýde. Qarashanyń sońǵy kúnderinen bastaý alǵan sharalar jeltoqsan aıynyń 4-5-ine deıin jalǵaspaq. Merekelik kóńil kúıdi aldymen sezingen Mańǵystaý oblystyq balalar úıi boldy. О́tken jyly Jańaózen qalasynan oblys ortalyǵyna kóshirilip, bıyl ǵımaraty kúrdeli jóndeýden ótken nysannyń qurylymynda da ózgeshelikter joq emes. Otbasylyq úlgide tárbıeleýdi bastaǵan úıde balalar top-topqa bólinip, jeke bólmelerde turý múmkindigine qol jetkizdi. Tuńǵysh Prezıdent kúnine oraı atalmysh balalar úıinde bolǵan oblys basshysy A.Aıdarbaev tárbıelenýshilerge Elbasy atynan 10 kompıýterdi syıǵa tartty.
Sondaı-aq, Aqtaý qalasynda búldirshinderdi ulttyq tálim-tárbıe negizinde tárbıeleıtin balabaqsha da kúrdeli jóndeýden soń, Elbasy kúnine oraı esigin aıqara ashty. Balabaqshanyń ashylý saltanatyna qatysqan Aqtaý qalasynyń ákimi E.Jańbyrshın Elbasy N.Nazarbaevtyń balalardy taryqtyrmaı, barlyq qajettiliktermen tolyqqandy qamtamasyz etý jáne durys tárbıeleý tapsyrmasy aıasynda jasalyp jatqan jumystyń sapaly aıaqtalǵandyǵyn atap ótti.
Merekege oraı túrli sporttyq jáne mádenı sharalar ótip jatqan Mańǵystaýda Aqtaý – Beıneý baǵytynda jańa poıyz qatynasy ashyldy. Buǵan deıin kúnine onshaqty poıyzdardy jan-jaqqa shyǵaryp salyp jatatyn Beıneýdiń turǵyndary Aqtaýdan atalmysh aýdan ortalyǵyna Astana, Almaty, Aqtóbe, Atyraý baǵyttaryna júrgen poıyzdarǵa jol-jónekeı miný arqyly jetetin. Ázirge 250-ge tarta adamdy tasymaldaıtyn poıyzdyń qatynaý jáne syıymdylyq taǵdyry turǵyndardyń usynys-tilegi men qatynastyń tıimdiligine qaraı qalyptasatyn bolady.
Gúlaıym ShYNTEMIRQYZY,
«Egemen Qazaqstan».
Shymkent
Ońtústik Qazaqstan oblysynda Tuńǵysh Prezıdent kúni keńinen toılandy. Ońtústik Qazaqstannyń qalyń jurtshylyǵy Tuńǵysh Prezıdentimizdiń ómir jolyn, eren eńbegin, qaıratkerlik qasıetin joǵary baǵalaıdy, aıryqsha ardaqtaıdy. Mereke qarsańynda oblysta 44 nysan paıdalanýǵa berildi.
Bir aıta keterligi, Otanymyzda qurylysy júrip jatqan áleýmettik nysandardyń 49 paıyzy Ońtústik Qazaqstan oblysy aýmaǵynda salynýda. 2013 jyly oblysta 332 áleýmettik nysannyń qurylysy júrgizilýde. Sonyń ishindegi 180 nysandy bıyl aıaqtaý josparlanǵan. Búginge atalǵan áleýmettik nysandardyń 108-i el ıgiligine berildi. Osy nysandardyń basym bóligi oblystyq bıýdjetti ońtaılandyrýdyń arqasynda jergilikti qazyna esebinen iske asýda.
Tuńǵysh Prezıdent kúni Shymkent qalasynda saltanatty jıyn ótip, oblys ákimi Asqar Myrzahmetov óńirde atqarylyp jatqan tirlikterdi bir saraptap ótti. Bul ıgi tirlikterdiń bári, árıne, el táýelsizdiginiń arqasynda iske asyp jatqany aqıqat. Mereke Ońtústik Qazaqstan oblysynyń barlyq aýdan ortalyqtary men qalalarynda, aýyldarynda toılanyp, halyqqa kóterińki kóńil-kúı syılady.
Oralhan DÁÝIT,
«Egemen Qazaqstan».
Qostanaı
Tuńǵysh Prezıdent kúni Qostanaı qalasyn naǵyz merekelik kóńil kúı terbedi. Bul merekede ortalyq alańǵa kelgen ár qostanaılyqty Otanǵa, Elge, Elbasyna degen patrıottyq sezim baýrady. «Prezıdentpen birgemiz!» atty baǵdarlama mereke saltanatyn asyrdy. Qystyń alǵashqy kúni bolǵanymen, Kók Tý tústes kók aspan shaıdaı ashyq. Jurtshylyqtyń án-kúı tyńdaýyna tabıǵat ta eljiregen tárizdi.
Qostanaı qalasynyń ortalyǵyndaǵy MART saýda-kóńil kóterý ortalyǵynyń birinshi qabatynda da merekelik sharalar jalǵasyn tapty. Munda qalanyń mýnısıpaldyq úrlemeli aspaptar orkestri Tuńǵysh Prezıdent kúnine arnap konsert qoıdy. Al keshke qostanaılyqtar «Drýjba» halyqaralyq KVN festıvalin tamashalady.
Tuńǵysh Prezıdent kúni merekesi qarsańynda óńirimizdegi iri ınvestısııalyq jobanyń biri – «EvrazKaspıanStal» JShS zaýyty alǵashqy ónimin shyǵardy. Rýdnyıda «SSKО́B» aksıonerlik qoǵamy burynǵy eki qabatty úıdi qaıta jańǵyrtyp, jóndep, búldirshinderge «О́rken» balabaqshasyn syılady.
Qostanaıdaǵy aýla klýbtarynda balalar «Meniń balalyq shaǵymnyń aspany» fılmin kórse, Pýshkın atyndaǵy kitaphanada «Elin súıgen, eli súıgen Elbasy» kitabynyń tusaýkeseri ótti. A.Baıtursynov atyndaǵy ýnıversıtette stýdentter N.Nazarbaevpen kezdesken ardagerlermen júzdesti.
Tuńǵysh Prezıdent kúnine arnalǵan merekelik sharalar keshe aýdan ortalyqtary men aýyldarda da ótti.
Názıra JÁRIMBETOVA,
«Egemen Qazaqstan».
