Ulttyq tabıǵı parkterdi birlese damytpaq

Bul týraly Kaspi.kz Dırek­torlar keńesiniń tóraǵasy jáne negizin qalaýshylardyń biri Vıacheslav Kım bylaı dedi:

«Biz Qazaqstannyń erekshe tabıǵı jáne mádenı qundy­lyq­taryn saqtaýǵa úles qos­qymyz keledi. Joba aıasynda ǵy­lymı zertteýler men bilim baǵ­darlamalaryna qarjylaı qoldaý kórsetemiz. Biz otbasylarymyz ben balalarymyzda elimizdiń tamasha tabıǵatynan lázzat alý múmkindigi bolýy úshin Ulttyq parkterdiń damýyna qa­tysamyz. QazaqGeography-men birge eli­mizdiń ulttyq maqta­nyshy ­­­men baılyǵyna aınalǵan qun­dylyqtardy keler urpaqqa jet­kizýge bar kúshimizdi salamyz».

Al Kaspi.kz basshysy jáne negizin qalaýshylardyń biri Mı­haıl Lomtadze: «Kaspi.kz mıssııasy súıikti klıentterimizdiń ómirin jaqsartýǵa jáne Qazaq­Geography-men birlesken jo­ba­ǵa tolyq sáıkes keledi. Bári­miz ásem tabıǵatty jaqsy kóre­miz jáne salamatty ómir saltyn ustanamyz. Bizdiń maq­sa­ty­myz óte qarapaıym – biz súıik­ti klıentterimiz ben olar­dyń­ otbasylarynyń jáne bar­lyq qazaqstandyqtardyń ult­tyq parkterge rahattanyp barýy úshin QazaqGeography-ge ekologııalyq týrızmniń tar­tym­dylyǵyn jaqsartý jáne sapaly, zamanaýı ınfraqurylym qalyp­tastyrýǵa kómekteskimiz keledi», dep atap ótti.

QazaqGeography basqarma tóraǵasy Orman Nurbaevtyń aıtýynsha, Bıznestiń áleýmettik jaýapkershiligi – kez kelgen ta­bys­ty kompanııanyń jumysyn­daǵy mańyzdy bóligi. Kaspi.kz-tiń ulttyq tabıǵı baılyqty saqtaý jáne damytý máselelerin sheshýge belsene qatysýy joǵary azamattyq jaýapkershiliktiń úlgisi. «Biz Qazaqstannyń tabıǵı, tarıhı jáne mádenı murasynyń tanymaldylyǵyn arttyrýǵa, qorshaǵan ortany qorǵap, Qa­zaqstan Respýblıkasyndaǵy erek­she qorǵalatyn tabıǵı aýmaq­tardy turaqty damytý men ekotýrızmdi damytýǵa birlese otyryp kúsh salamyz», dedi ol.

Aıta ketelik, Qazaq­Geography respýb­lıka­lyq­ qo­ǵamdyq birlestigi 2013­ jyl­dyń 16 qa­zanynda qurylǵan. Bir­lestiktiń maqsaty – Qazaqstan men álemde tabıǵat, qoǵam men mádenıet týraly bilim tarata otyryp, damytý jáne azamattardy ózin-ózi damytýǵa, qoǵam men álemge qyzmet etýge shabyttandyrý. QazaqGeography-diń mańyzdy mindetteriniń biri – qorshaǵan ortany saqtaýǵa qamqorlyq jasaý men ekologııalyq týrızmdi damytýǵa yqpal etý.

Sondaı-aq Kaspi.kz mıssııa­sy – tutynýshynyń ómirin jaq­sartatyn ınnovasııalyq ónim­der jasaý men qyzmetter kór­setý. Bank ınnovasııasynyń negi­zinde óz salasyndaǵy jalǵyz jáne eldegi eń tanymal, 8,5 mıl­lıon­nan astam qazaqstandyq qol­danatyn mobıldi sýper­qosymsha Kaspi.kz tur. Kaspi.kz mobıldi sýperqosym­shasynyń kómegimen bank klıent­teri tólem men aýdarym jasap, je­ke qa­rajattaryn basqarady jáne jet­kizý qyzmetimen tıimdi onlaın formatta zat satyp alady.