Táýelsizdik – tarıhtyń máńgige bólip bergen enshisi emes, halyqtardyń mamyrajaı ómir súrýine berilgen kepildik te emes: ańǵal bolmaǵanymyz abzal.
Nursultan NAZARBAEV:
Basqaǵa jaltaqtaıtyn kúnnen kettik.
Bar baılyǵymyzdy ózimizge buıyratyn ettik.
Qoǵamnyń saıası turaqtylyǵy men birligine jettik.
Qysqasy, el bolýdyń eń aýyr belesinen óttik.
Táýelsizdik – tarıhtyń máńgige bólip bergen enshisi emes, halyqtardyń mamyrajaı ómir súrýine berilgen kepildik te emes: ańǵal bolmaǵanymyz abzal.
* * *
Táýelsizdik úshin kúres – elge tıgen úles.
* * *
Qazaqstan Táýelsizdiginiń formýlasy – teń mándi eki uǵymnyń: Azattyq pen Jaýaptylyqtyń qosyndysy.
Jaýaptylyqtyń arqasynda ǵana biz damýdyń durys strategııalyq jolyn tańdaı aldyq, memleket quryp, beıbitshilik pen kelisimdi saqtap qaldyq.
* * *
Táýelsizdik alǵan sátten bastap Qazaqstan óziniń bir de bir qadamymen, is-áreketimen nemese tipti bir de bir sózimen óńirlik jáne jahandyq qaýipsizdikke nuqsan keltirmegen memlekettiń ónegesi bolyp tabylady.
* * *
Biz táýelsizdikpen birge tilimizdi túlettik, dinimizdi órkendettik, tamyrymyzdy jalǵap, salt-dástúrimizdi jańǵyrttyq.
Ulttyq jańǵyrtýdy júzege asyryp, jańa qundylyqtar qalyptastyrdyq. Ǵasyrlar qoınaýynan asyldarymyzdy arshyp aldyq.
* * *
Bizdiń táýelsizdigimiz – qazaq ultynyń qoǵamdyq oıdyń qalyptasýymen jáne halyqtyń jan-júreginiń ańsaýymen demelgen kópǵasyrlyq umtylysynyń jemisi.
* * *
Táýelsizdikke qol jetkizgennen góri, Táýelsizdikti máńgi ustap qalý odan áldeqaıda qıyn. Bul álem keńistiginde ǵumyr keshken talaı halyqtyń basynan ótkergen tarıhı shyndyq. О́zara alaýyzdyq pen jan-jaqqa jónsiz tartqan berekesizdik talaı eldiń taǵdyryn qurdymǵa jibergen.
* * *
Táýekeli turatyndardyń ǵana qoly jetpese, Táýelsizdik bola ma? Azappen, arpalyspen kelmese, Azattyq bola ma? Ońaılyqpen kelse, onyń qadiri bola ma? Qadiri joq nárse qolda uzaq tura ma?
* * *
Alda turǵan syn belesterden bilekke – bilek, júrekke – júrek, tilekke – tilek qosa bilsek qana abyroıly óte alamyz.
* * *
Táýelsizdiktiń qaıta oralǵany – bizdiń ata-babalarymyzdyń san ǵasyrlyq azattyq kúresiniń zańdy óteýi. Jaratqan Ieniń jasaǵan ádildigi. Ata-babalarymyzdyń osynshama baıtaq jerdi aq naızanyń ushymen, aq bilektiń kúshimen qorǵap qalǵanynyń arqasy.
* * *
Teńge – el turaqtylyǵy men táýelsizdiginiń belgisi.
* * *
Táýelsizdiktiń týyn qolda berik ustaý – árbir qazaqtyń, Qazaqstandy óz Otanym dep sanaıtyn ár adamnyń eń basty boryshy, eń bıik maqsaty.
* * *
Qazaqstannyń táýelsizdigi taza paraqtan «jazylǵan joq», onyń kóne dástúrleri bar. Bizge búginimizdi túısinip, bolashaǵymyzdyń sulbasyn kórý úshin ótkenimizge úńilý qajet.
* * *
Bostandyq bizge azap, kúres pen joqshylyqtar arqyly, al táýelsizdik – ótýimiz qajet bolǵan táýekel arqyly keldi. Mine, sondyqtan da biz bul uly uǵymdardyń qunyn da, paıdasyn da, qasıetin de bilemiz.
* * *
Táýelsizdigimiz tuǵyrly, memlekettigimiz ǵumyrly bolsyn!
* * *
О́tpeli kezeńniń ókpek jeli soǵar da óter.
* * *
Dúnıede táýelsiz Qazaq eli bar.
Álemde egemen Qazaqstan bar.
Onyń kópultty, tatý, yntymaqshyl halqy bar.
Qýatty ekonomıkasy, senimdi saıası júıesi bar.
Eń bastysy – búginnen nurly, búginnen kemel bolashaǵy bar.
Sol kúnge berik senim bar!
* * *
Endi bizdiń el atqa qonady: dúıim dúnıeniń qandaı dúbirli dodasyna da taısalmaı túsip, kim-kimmen de jaltaqsyz jarysatyn bolady.
* * *
Basqaǵa jaltaqtaıtyn kúnnen kettik.
Bar baılyǵymyzdy ózimizge buıyratyn ettik.
Qoǵamnyń saıası turaqtylyǵy men birligine jettik.
Qysqasy, el bolýdyń eń aýyr belesinen óttik.
* * *
Bile bilsek, osy on jyldaǵy eńbegimizdiń eń basty qorytyndysy – el bolǵanymyz. El bola alǵanymyz. Biz memleket qurdyq. Qurǵanda da, aty bar da zaty joq memleket emes, búkil adamzat tanıtyn, tanyp qana qoımaǵan, moıyndaıtyn, qurmetteıtin memleket qura aldyq.
* * *
Qazaqstannyń táýelsizdigi beıbit jolmen keldi. Bul azattyq úshin alysqan myń-myńdaǵan azamattardyń qasıetti qanynyń óteýi. Bul búkil tarıhynda ózgelerge qııanat jasaý degendi bilmegen halyqtyń peıiliniń qaıtarymy.
* * *
Táýelsizdik Týyn tigýge qanshalyqty qajyr-qaırat kerek bolsa, ony qulatpaı saqtap qalýǵa sonshalyqty qajyr-qaırat kerek.
* * *
Aldymyzda asý-asý belder bar, ult jolynda uıtqı soǵar jelder bar. Bel de talar, jel de betten qaǵar. Bárine kóný kerek, bárine tózý kerek.
* * *
Qaz turyp, qadam basqan Táýelsizdik sábılik tusaýyn ómirsheń ýaqytqa kestirgen kezden bastap, Qazaqstanymyz aıshylyq jerdi alty-aq attaǵan alyp sekildi, dáýir jalynan myqtap ustap, tizginin bekem qaǵa bildi.
* * *
Atalarymyzdyń tar kezeńde tabysyp, birlik-berekesin kórsetken jaqsylyǵymen qatar, keńshilikke shyqqanda kesirlik tanytyp, ala bolyp aýyzdaǵylarynan aıyrylyp, ózara qyrqysyp ketetin jamanshylyǵynyń qabat júretindigi de ózekti órteıdi.
* * *
Qazaqstannyń aspan tústes Týynyń betinde altynǵa aınalǵan búrkit qanat kergen. Osynaý kelisken mazmundy da maǵynaly nysannyń boıynda tabıǵat ta, tirshilik te, tarıh ta toǵysyp jatyr.
* * *
Eńsesi túsken eldiń esin jıǵyzǵan, japa shegip, zar jylaǵan halyqtyń kóziniń jasyn tyıǵyzǵan kimder edi?
Azamatynan aıyrylǵan arǵymaqqa qaıtadan er saldyrǵan, tutastyq týyn qolǵa qaıtadan aldyrǵan kimder edi?
Qasıetti babalarymyz – Tóle bı, Qazybek bı, Áıteke bı edi.
* * *
Táýelsizdik – eń aldymen eldiń ekonomıkalyq derbestigi.
* * *
Bárin de tarıhtyń syı-sybaǵasy deýge bolar, alaıda jan-júregińniń ańsary bolǵan azattyqty eshkim de syıǵa tarta almaıdy.
Azattyq degenimiz álemdik tarıh tolqynynda óziniń sýbektilik quqyǵyn sezinetin jáne oǵan jaýap bere alatyn halyq bolmysynyń jalǵyz ǵana úlgisi.
* * *
Biz táýelsizdik alǵannan beri biryńǵaı izdenis ústinde kele jatqan elmiz. Izdenis ústinde dóp basý da, múlt ketý de bola beredi. Eshteńe istemegen adam ǵana qatelespeýi múmkin.
* * *
Búgingi bizdiń táýelsizdigimizdiń qaınar kózi qazaq halqynyń san ǵasyrlar boıǵy kúresinde, azattyqqa umtylǵan qaısarlyǵynda jatyr.
* * *
Boıynda qany bar, namysy bar árbir azamat: «Endi táýelsizdikti qalaı kemeldendiremiz, eldiń kósegesin qaıtsek kógertemiz?!» dep oı-sanasyn qamshylaýy kerek.
* * *
Halyq keshpeıtin bir-aq nárse bar: eldiń qolyna zaryqtyryp kelip qonǵan baqyt qusynan – Táýelsizdikten aıyrylýdy keshpeıdi.
* * *
Táýelsizdikti kún saıyn qorǵaý kerek, aı saıyn qorǵaý kerek, jyl saıyn qorǵaý kerek, nyǵaıtý kerek, órkendetý kerek.
* * *
Táýelsizdiktiń tar jol, taıǵaq keshýinen, betten qaǵar jeliniń esýinen taısalmaýǵa tıispiz.
* * *
Másele qaı toptyń jeńetininde nemese bılik basyna kimniń keletindiginde emes, másele – táýelsizdik taǵdyrynda.
* * *
Bizdiń táýelsizdigimizdiń joly – Otan taǵdyry úshin barlyq 140 ulttyń jaýapkershiliginiń joly.
* * *
Tanylǵan memlekettik egemendik – kez kelgen halyqtyń úlken ári qymbat turatyn resýrsy.
* * *
Táýelsizdik – álemdik tarıhtyń aǵynynda sýbekt bolý quqyǵyn sezinetin ári soǵan jaýap beretin halyq bolmysynyń jalǵyz ǵana nyshany.
* * *
Azattyq joly uzaq ta taýqymetti. Ony baıandy ete bilý de ońaı sharýa emes.
* * *
Memlekettik táýelsizdik – tarıhtyń syıy nemese tek qazirgi urpaqtyń ǵana menshigi emes. Ol – ótkenniń aldyndaǵy borysh jáne keleshektiń aldyndaǵy jaýapkershilik.
* * *
Biz dúnıeni dúrbeleńge salǵan daǵdarystan demikpeı shyǵyp, damýdyń dańǵyl jolyna bet burǵan elmiz. Yqtımal syn-tegeýrinderge tyńǵylyqty shep qurǵan elmiz.
* * *
Memleket mereıi – myǵymdyǵynda.
* * *
Meniń ǵumyrym el taǵdyrymen enshiles.
* * *
Jetistikterimizge syn kózben qarap, sabyr saqtaıtyn el bolaıyq.
* * *
Daǵdarystar ótedi, ketedi. Al memleket táýelsizdigi, ult muraty, urpaq bolashaǵy sııaqty qundylyqtar máńgi qalady.
* * *
Uly toı kóppen kórgen halqyń úshin,
Eshqashan adastyrmas saltyń úshin.
Jaratqan!
Qazaǵyma yntymaq ber,
Turǵanda myna zaman tartyp ishin!
* * *
Qazaqstan halqy birtutas, birligi myzǵymas kemel elge aınaldy.
* * *
Azattyq jolyndaǵy Qazaqstannyń áli talaı-talaı qıyn kezeńderden ótýine týra keledi.
* * *
Memlekettik táýelsizdik tarıhtyń syıy emes jáne tek qazirgi urpaqtyń bir óziniń ǵana menshigi emes. Bul ótkenniń aldyndaǵy paryz jáne bolashaqtyń aldyndaǵy jaýapkershilik.
* * *
Memlekettiń memlekettiligi onyń óz taǵdyryna qatysty máselelerdi óz betinshe sheshe alýynan tanylýǵa tıis.
* * *
Bul zaman – tek kúshtini, birlikti moıyndaǵan zaman. Bul zamanda álem tek ekonomıkalyq jaǵynan myqty, ishki tutastyǵy berik, aýyzbirligi kúshti memlekettermen ǵana sanasady, sondaı elderdi ǵana syılaıdy. Qazaqstan qazir álem sanasatyn, álem syılaıtyn sondaı elge aınaldy.
* * *
Halqy tatý-tátti, saıasaty sarabdal eldiń ǵana qazynasy qyrýar, bolashaǵy baıandy bolady.
* * *
Men úshin qashanda memleket múddesi men el ıgiligi jolynda qaltqysyz qyzmet atqarýdan artyq baqyt bolǵan emes.
(M.Qasymbekovtiń jetekshiligimen qurastyrylǵan «Jyldar men oılar»
kitabynyń negizinde daıyndaldy).
