Qoǵam • 03 Jeltoqsan, 2020

Senator álemniń úzdik týyndylaryn qazaq tiline aýdarýdy toqtatpaýdy surady

20 ret kórsetildi

Senat depýtaty Murat Baqtııaruly «Rýhanı jańǵyrý» baǵdarlamasy aıasyndaǵy ǵylymı jáne kórkem ádebıettiń aýdarma isin toqtatpaýdy surady, dep habarlaıdy Egemen.kz.

Senator Úkimet basshysyna joldaǵan saýalynda osyǵan deıin ulttyq baǵdarlama aıasynda jumys istep kelgen «Ulttyq aýdarma bıýrosy» qoǵamdyq qory qyzmetin elimizdiń bir top belgili ǵalymdarymen birge  jan-jaqty taldaý júrgizgenin atap ótti. «Kóptegen synı pikirlerge qaramastan taldaý jáne saraptaý barysynda az ǵana ýaqyt ishinde qyrýar jumys jasalǵanyna kóz jetkizdik. Atalmysh jobanyń arqasynda qazaqstandyq gýmanıtarlyq bilim mazmuny tolyqtaı jańaryp, jańa deńgeıge kóterildi», - dedi senator.

Senat depýtaty «100 jańa oqýlyq» jobasyn «Bolashaq» baǵdarlamasynyń aýqymdy jalǵasyna teńedi. Atalmysh baǵdarlama aıasynda osy ýaqytqa deıin qazaq tilinde bolmaǵan, múlde jańa salalardy tanystyrdy.

«Sondyqtan da elimizdigi joǵary oqý oryndarynda oqıtyn stýdentterdiń 70 % memlekettik tilde bilim alatyndyǵyn eskere otyryp, joba aıasynda jınaqtalǵan qyrýar bilim men tájirıbeni joǵaltyp almaý úshin elimizdegi ǵylymı jáne kórkem aýdarma jumysyn jalǵastyrý qajet dep sanaımyz», - dedi Murat Baqtııaruly.

Depýtat qazaq tilindegi «100 jańa oqýlyq» jobasy «Jańa bilim» degen jalpy ataýmen jalǵasýy tıis dep esepteıdi. Jáne onyń aýqymyn keńeıtý maqsatynda jyl saıyn aýdarylyp basylatyn kitaptar taqyrybyn úsh negizgi baǵyt: joǵary oqý oryndaryna arnalǵan oqý quraldary, álemdik kórkem ádebıet úlgileri, pýblısıstıkalyq jáne iskerlik ádebıet úlgileri boıynsha toptastyrýdy usynyp otyr.

Osy ýaqytqa deıin «Rýhanı jańǵyrý» baǵdarlamasynyń negizgi tarmaqtarynyń biri «Jańa gýmanıtarlyq bilim. Qazaq tilindegi 100 jańa oqýlyq» jobasy aıasynda 2017 jyldan beri 77 oqýlyq aýdarylyp oqý oryndaryna taratylǵan bolatyn. Qalǵan 23 oqýlyqty aýdarý, basý jáne taratý jumystary bıylǵy jyldyń aıaǵyna deıin aıaqtaý josparlanyp otyr.

Sońǵy jańalyqtar

Jańa basylym – jaqsylyqtyń jarshysy

Rýhanııat • Búgin, 18:34

Koronavırýs gúl arqyly juǵa ma?

Koronavırýs • Búgin, 17:08

Almatyda páter urylary ustaldy

Aımaqtar • Búgin, 16:37

Oralda 17 jastaǵy jigit kópirden sekirdi

Aımaqtar • Búgin, 15:18

«Nissan Primera» kóligi jylqy soqty

Aımaqtar • Búgin, 13:25

Uqsas jańalyqtar