Aımaqtar • 03 Jeltoqsan, 2020

Batys Qazaqstanda kıikterdi qorǵaý sharalary kúsheıtildi

7 ret kórsetildi

Batys Qazaqstan oblysynda jyl sońyna deıin jalǵasatyn dástúrli «Kıik» keń aýqymdy tabıǵatty qorǵaý aksııasy aıasynda brakonerlikpen kúres sharalary kúsheıdi, - dep habarlaıdy Egemen.kz

QR Ekologııa, geologııa jáne tabıǵı resýrstar mınıstrligi osyǵan oraı uıymdastyrǵan baspasóz týry barysynda «Ohotzooprom» mekemesi ınspektorlarynyń jumysy kórsetilip, Qaztalov aýdany aýmaǵyndaǵy jańa avtonomdy stansııa tanystyryldy.

Atap óteıik, Batys Qazaqstan oblysy elimizdegi kıikter popýlıasııasy eń kóp shoǵyrlanǵan óńir. «Ohotzooprom» mekemesi mamandarynyń aıtýynsha, 2019 jylǵy sanaq boıynsha BQO aýmaǵynda 217 myń bas kıik bolǵan. Bul san qazir edáýir artqany baıqalady. Olardy saqtaý maqsatynda mınıstrlik jalpy aýdany 343040,1 ga «Bókeıorda» memlekettik tabıǵı rezervatyn, sondaı-aq jalpy aýdany 314504,1 ga Ashyózek memlekettik tabıǵı qaýmalyn qurý máselesin pysyqtaýda.

«Aksııanyń basty maqsaty - kıik janýarlaryn zańsyz aýlaý, olardyń múıizin, derıvattaryn zańsyz saqtaý jáne tasymaldaýdyń jolyn kesý. Osy oraıda quzyrly organdar, atap aıtqanda Orman sharýashylyǵy jáne janýarlardy qorǵaý ınspeksııasy, polısııa departamenti, Ulttyq qaýipsizdik komıtetiniń shekara qyzmeti birlesip mobıldik toptar qurdy. Jalpy, jyl basynan beri oblys aýmaǵynda kıik aýlaý, derıvattaryn zańsyz saqtaý boıynsha 37 qylmystyq is tirkelip, altaýynyń sotty ótti. 8 adam 2 jyldan 6 jylǵa deıin bas bostandyǵynan aıyrý jáne shekteý jazasymen qylmystyq jaýapkershilikke tartyldy. Sotpen 62 mln 300 myń teńge qanaǵattandyryldy»,- dedi aksııa jaıynda BQO Orman sharýashylyǵy jáne janýarlardy qorǵaý ınspeksııasynyń jetekshi mamany Arman Izimǵalıev.

«Ohotzooprom» О́B» RMQK-nyń Batys Qazaqstandaǵy oblystyq fılıaly kıikterdi qorǵaý jumysyn júrgizetin Qaztalov aýdany aýmaǵynda avtonomdy modýldik úı salynǵan.

Jyljymaly stansııa turǵyn jaıdan bólek, shaǵyn janarmaı quıý beketimen, kólikke tehnıkalyq qyzmet kórsetý alańymen jáne operatorlyq bólmemen qamtylǵan. Bul tabıǵat qorǵaýshylarǵa bir ortalyqtan jedel áreket etip, tıimdi jumys isteýge múmkindik beredi. Pılottyq joba basqa óńirlerde de jalǵasyn tappaq.
«Avtonomdy stansııa Qaztalov eldi mekeninen 50 shaqyrym qashyqtyqta tur. Buryn ınspektorlar júk kóliginde qonyp jumys isteıtin. Jaqynda tolyq paıdalanýǵa beriletin modýldik úıde jatyn oryndary, jýynatyn bólme, ashana men jumys oryndary bar. WI-FI ornatylady. Elektr energııasy úı tóbesindegi kún batareıalary arqyly alynady. Inspektorlarymyzǵa ashyq dalada osyndaı ortalyqtan jumys istegen óte yńǵaıly»,- dedi bul týraly «Ohotzooprom» О́B» RMQK Batys Qazaqstan oblystyq fılıaly dırektorynyń mindetin atqarýshy Arman Qojahmetov.

«Kıik» aksııasy Batys Qazaqstannan bólek, Aqmola, Aqtóbe, Atyraý, Jambyl, Shyǵys Qazaqstan, Qaraǵandy, Qostanaı, Qyzylorda, Mańǵystaý, Pavlodar jáne Soltústik Qazaqstan oblystarynyń aýmaǵynda ótkiziledi. Oǵan «Ohotzooprom О́B» RMQK-nyń Janýarlar dúnıesin qorǵaý qyzmetinen 224 ınspektor, 68 birlik jol talǵamaıtyn avtomashınalar , 37 birlik KÝNG, 23 birlik qarda júrgish, 2 birlik «Berloga» vagonshalary (OО́F, BО́F) jumyldyryldy.

Eske salaıyq, 2019 jyly Memleket basshysynyń tapsyrmasymen Qazaqstanda brakonerlikke qarsy jaza kúsheıtilgen. Buryn brakonerlik qylmysy dáleldengen adamnyń múlki tárkilenip, 7 jylǵa deıin bas bostandyǵynan aıyrylsa, qazir jaza merzimi 10 jylǵa deıin artty. Memlekettik ınspektorlar men qoryqshyǵa qatysty ómirge qol suǵýshylyq jáne kúsh qoldanǵany úshin 20 jylǵa deıin bas bostandyǵynan aıyrý ne múlki tárkilenip, ómir boıyna bas bostandyǵynan aıyrý kózdelgen.

Sonymen qatar, memlekettik ınspektor men qoryqshyǵa qatysty zorlyq-zombylyq kórsetkeni úshin jańa bap boıynsha adam 12 jylǵa deıin bas bostandyǵynan aıyrylýy múmkin.

Sońǵy jańalyqtar

Memleket basshysy Alekseı Soıdy qabyldady

Prezıdent • Búgin, 17:08

Semeıge Saqtaǵanov ákim boldy

Taǵaıyndaý • Búgin, 16:21

Birneshe oblysta jol jabyldy

Qazaqstan • Búgin, 16:11

Aqsý qalasyna jańa ákim taǵaıyndaldy

Taǵaıyndaý • Búgin, 16:06

Jetisýda taǵy 78 adam indet juqtyrdy

Aımaqtar • Búgin, 12:32

Qazaqstanda aldaǵy úsh kúnde aıaz bolady

Aýa raıy • Búgin, 11:04

Jol apaty: Balqashta 2 adam qaza tapty

Aımaqtar • Búgin, 10:55

Qazaqstanda qansha advokat bary aıtyldy

Qazaqstan • Búgin, 10:44

Uqsas jańalyqtar