Qazaqstan • 03 Jeltoqsan, 2020

Qazaqstannyń jańa Kásipter atlasy 9 negizgi salany qamtydy

5 ret kórsetildi

Qazaqstanda ázirlengen Eńbek naryǵynda talap etiletin jańa kásipter men quzyretterdiń atlasy ekonomıkanyń 9 negizgi salasyn qamtıdy jáne jańa, transformasııalanatyn, sondaı-aq joıylyp bara jatqan kásipter men quzyretterdi biriktirdi. Bul azamattarǵa keleshekte kásiptiń perspektıvaly bolýyn eskere otyryp, mamandyqty durys tańdaýǵa, bilim berý uıymdaryna qazaqstandyqtardy jańa daǵdylar men quzyrettilikterge oqytý qajettiligin eskere otyryp, oqý josparlaryn ózektendirýge kómektesetin kásibı baǵdar berýdiń zamanaýı quraly.

Atlasty ázirleý QR Prezıdentiniń «Igilik barshaǵa! Sabaqtastyq. Ádildik. О́rleý» saılaýaldy baǵdarlamasyn iske asyrý jónindegi is-qımyl josparynyń 39-tarmaǵyn oryndaý úshin jáne QR Prezıdentiniń 2019 jylǵy 19 maýsymdaǵy Jarlyǵymen bekitilgen «Birge» jalpyulttyq aksııasy barysynda alynǵan usynystar negizinde júzege asyryldy.

«Eńbek naryǵynda suranysqa ıe jańa kásipter men quzyretterdiń atlasy» jobasyn iske asyrý úshin 2019 jylǵy 31 qazanda QR Eńbek jáne halyqty áleýmettik qorǵaý mınıstrligi (budan ári – Eńbekmıni), QR Bilim jáne ǵylym mınıstrligi jáne «Eýrazııalyq top» JShS arasynda ózara yntymaqtastyq týraly memorandým jasalǵan bolatyn.

Atlastyń negizgi maqsaty qazirgi mamandyqtardy taldaý, ózgerip jáne joıylyp bara jatqan mamandyqtardy eskere otyryp, ózekti bolatyn nemese taıaýdaǵy onjyldyqta paıda bolatyn eńbek naryǵynyń bolashaq trendterin, mamandyqtar men daǵdylardy aıqyndaý bolyp tabylady.

Qazaqstannyń eńbek naryǵynda suranysqa ıe jańa kásipter men quzyretterdiń atlasy 9 negizgi sala boıynsha jasalyp, jańa, ózgerip, sondaı-aq joıylyp bara jatqan kásipter men quzyretterdi biriktirdi. Eńbekmıni Dúnıejúzilik Banktiń «Eńbek daǵdylaryn damytý jáne jumys oryndaryn yntalandyrý» jobasy sheńberinde 8 salany (munaı-gaz, aýyl sharýashylyǵy, kólik jáne logıstıka, mashına jasaý, aqparattyq-kommýnıkasııalyq tehnologııalar, energetıka, týrızm, qurylys salalary) qamtydy, taý-ken-metallýrgııa salasyn zertteýdi «Eýrazııalyq Top» JShS óz betinshe júzege asyrdy.

Atlasty ázirleý ádistemesi halyqaralyq tájirıbege jáne ekonomıka salalaryn damytýdyń álemdik trendterine negizdelgen. Ol salalyq sarapshylar retinde óndiris, memlekettik organdar, salalyq qaýymdastyqtar jáne t. b. ókilderiniń qatysýymen rapıd forsaıt (rapid foresight) tehnologııasy boıynsha pándik tereń zerdeleýmen boljamdy sessııalar ótkizýdi qamtydy.

Forsaıt-zertteý el boıynsha biraz adamdy qamtydy: 2 myńnan astam salalyq sarapshy, Indýstrııa jáne ınfraqurylymdyq damý, Energetıka, Aýyl sharýashylyǵy, Mádenıet jáne sport, Sıfrlyq damý, ınnovasııalar jáne aeroǵarysh ónerkásibi, Bilim jáne ǵylym mınıstrlikteriniń negizgi profıldi basshylary, iri salalyq qaýymdastyqtar, otandyq ónerkásiptik jáne ındýstrııalyq kompanııalardyń TOP-menedjerleri men tájirıbeli qyzmetkerleri, bilim berý júıesiniń barlyq deńgeıleriniń ókilderi suraldy.

Aýqymdy zertteýlerdiń qorytyndysy boıynsha 239 jańa, 95 transformasııalanatyn jáne 129 joǵalyp bara jatqan mamandyq anyqtaldy.

Atlasta aıqyndalǵan jańa mamandyqtar bolashaqta jańa tehnologııalardyń engizilýine sáıkes qandaı quzyretter men qyzmetkerler suranysqa ıe bolatynyn túsinýge múmkindik beredi.

Transformasııalanatyn kásipter tizbesine qazirgi ýaqytta suranysqa ıe mamandyqtar endi, biraq olardyń ózektiligin saqtaý úshin mamandar jańa daǵdylardy ıgerip, biliktilik deńgeıin arttyrýy qajet. Osylaısha, Atlas óz quzyretterin qaı baǵytta damytý kerektigi týraly nusqaýlyq bolyp tabylady.

Joıylyp bara jatqan mamandyqtar qazirdiń ózinde memleketke tehnologııalyq damý barysynda ózektiligin joǵaltyp bara jatqan keıbir kásipterge suranystyń bolmaýy týraly baǵdar beredi.

Ázirlengen Atlas – bul Qazaqstannyń árbir azamatyna keleshekte kásiptiń perspektıvaly bolýyn eskere otyryp, mamandyqty durys tańdaýǵa, bilim berý uıymdaryna qazaqstandyqtardy jańa daǵdylar men quzyrettilikterge oqytý qajettiligin eskere otyryp, oqý josparlaryn ózektendirýge kómektesetin kásibı baǵdar berýdiń zamanaýı quraly.

Atlas nátıjelerin yńǵaıly paıdalaný úshin «Elektrondyq eńbek bırjasy» portalynyń ınteraktıvti ishki modýlinde elektrondyq silteme, sondaı-aq IOS jáne ANDROID platformalaryna arnalǵan Atlastyń mobıldi qosymshasy ázirlendi.

Sońǵy jańalyqtar

Qazaqstanda urlyq sany eki esege azaıdy

Qazaqstan • Búgin, 17:15

Kann festıvali jazǵa shegerildi

О́ner • Búgin, 16:42

Prezıdent Alık Shpekbaevty qabyldady

Prezıdent • Búgin, 16:02

Uqsas jańalyqtar