Syıymdylyǵy 200 adamǵa deıingi EXPO muz aıdyny elordanyń eń jarqyn jáne eń kóp baratyn kórikti jeri – NUR ALEM bolashaq energııasy murajaıynyń túbinde ornalasqan. Muzaıdynnyń aýdany 1300 sharshy metrdi quraıdy.
Konkımen syrǵanaý barlyǵyna tegin, EXPO muzaıdynynyń jumys ýaqyty kún saıyn 12:00-den 22:00-ge deıin.
Kelýshiler úshin kıim aýystyratyn jyly bólme qarastyrylǵan. Sondaı-aq muzaıdynnyń janyndaǵy kafege baryp demalýyńyzǵa bolady. Onda siz ystyq shaı nemese shokolad iship jylynyp, tamaqtana alasyz. Kelýshilerge yńǵaıly bolý úshin 3 myń avtokólikke arnalǵan táýlik boıy jumys isteıtin jerasty turaǵy bar.
Muzaıdynyna óz konkıińizben kelýge nemese sol jerde jalǵa alýǵa bolady. 2 saǵattyq seans 500 teńge turady.
Al, eń bastysy, bıyl epıdemıologııalyq jaǵdaıǵa baılanysty muzaıdynyna kelý erejeleri ózgerdi. Kelýshiler maska rejımin jáne áleýmettik araqashyqtyqty saqtaý qajet. Qonaqtarǵa beriletin konkıler men barlyq sport jabdyqtary qoldanylǵannan keıin keptirilip, antıseptıkpen súrtiledi.
