Saıasat • 03 Jeltoqsan, 2020

Qazaqstan men Úndistan bitimgerlik saıasatyn nyǵaıtýǵa nıetti

19 ret kórsetildi

Úndistan 1948 jyldan bastap Birikken Ulttar Uıymynyń mıssııalary úshin bitimgerlermen aýqymdy qamtamasyz etýshi bolyp tabylady. Osy ýaqytqa deıin elimiz atalǵan uıymnyń 71 bitimgershilik mıssııasynyń 49-yna qatysty, dep habarlaıdy Egemen.kz

Mıssııalarǵa qatysqan áskerı qyzmetshiler men polıseılerdiń jalpy sany – 250 myńnan astam adam.

Budan basqa, bitimgershilik qyzmet aýqymyndaǵy yntymaqtastyq Úndistannan basqa eldermen de belsendi damýda. Osyndaı ózara is-qımyldyń jaǵymdy úlgisiniń biri retinde Úndistan men Qazaqstannyń yntymaqtastyǵyn atap ótýge bolady. Osylaısha, Úndistan Azııa men BUU-nyń tarıhynda óziniń bitimgershilik kontıngentiniń quramyna basqa eldiń bólimshelerin qabyldaýǵa kelisken alǵashqy el boldy.

Atap aıtqanda, 2018 jylǵy tamyzda Qazaqstan men Úndistan arasyndaǵy Birikken Ulttar Uıymynyń Lıvandaǵy Ýaqytsha kúshterindegi (United Nations Interim Force In Lebanon-UNIFIL) úndistandyq batalon quramynda qazaqstandyq bitimgershilik kontıngentti birlesip óristetý týraly memorandýmǵa qol qoıdy.

2018 jyldyń qazanynan bastap Qazaqstandyq bitimgershilik rota BUU-nyń Lıvandaǵy ýaqytsha kúshterindegi "ÚndBat" Úndi batalonynyń quramyna kirdi. Qazaqstandyq bitimgershiler baǵytynyń negizgi maqsaty Úndistan Respýblıkasynyń bitimgershilik tájirıbesin zerdeleý jáne sondaı-aq ony bitimgershilik mıssııalarda qoldaný bolyp tabylady.

Kún saıyn Úndi jáne qazaqstandyq bitimgerler keminde 50 mindetti birlesip oryndaıdy, olardyń ishinde: jergilikti jerdi patrýldeý, halyqqa kómek kórsetý, baqylaý beketterin uıymdastyrý jáne mıssııa shtabynyń basqa da is-sharalaryna qatysý. Sondaı-aq áskerı qyzmetshiler óz elderiniń mádenıetimen, dástúrlerimen jáne turmysymen tanysatyn birlesken mádenı is-sharalar ótkizedi.

BUU-nyń Lıvandaǵy mıssııasynyń qolbasshylyǵy koalısııalyq operasııalardy júrgizýdiń naqty urys jaǵdaılarynda kópultty kúshter quramynda ózara is-qımyldyń biregeı tájirıbesine ıe bolǵan úndistandyq jáne qazaqstandyq bitimgerlerdiń kásibı deńgeıin joǵary baǵalaıdy.

Bitimgershilik mıssııalarǵa qatysýǵa daıyndyq aıasynda qazaqstandyq áskerı qyzmetshiler sheteldik nusqaýshylardyń, onyń ishinde úndi bitimgerleriniń basshylyǵymen BUU-nyń Nıý-Delıdegi daıyndyq ortalyǵynda jáne Almaty qalasyndaǵy "Beıbitshilik jolyndaǵy seriktestik" oqý ortalyǵynda (KAZSENT) oqýdan ótip, BUU-nyń sertıfıkatyn alatynyn aıta ketken jón.

Lıvanda bitimgershilik qyzmetti júzege asyrý kezinde qazaqstandyq bitimgerler alǵan tájirıbesin, joǵary jaýyngerlik mashyǵy men kásibıligin kórsetkeni aıtylady.

Qazirgi ýaqytta taraptar qazaqstandyq bitimgershilik kontıngentiniń UNIFIL-de úndi bitimgershilik batalonynyń quramynda bolý merzimin uzartý týraly másele sheshilýde.

 

Political events jýrnaly, Úndistan.

Sońǵy jańalyqtar

Jańa basylym – jaqsylyqtyń jarshysy

Rýhanııat • Búgin, 18:34

Koronavırýs gúl arqyly juǵa ma?

Koronavırýs • Búgin, 17:08

Almatyda páter urylary ustaldy

Aımaqtar • Búgin, 16:37

Oralda 17 jastaǵy jigit kópirden sekirdi

Aımaqtar • Búgin, 15:18

«Nissan Primera» kóligi jylqy soqty

Aımaqtar • Búgin, 13:25

Uqsas jańalyqtar