Stansanyń barlyǵy 94 núktege ottegin táýlik boıy qamtamasyz etip, saǵatyna 6 ballondy ózdigimen toltyrýǵa qaýqary jetedi. ATASAM/ OXL-600 markaly bul stansa Túrkııa elinde jasalynǵan.
Apparat kelesideı komponentterden turady: Kompressor › keptirgish › aldyn ala súzgi › aýa sısternasy › medısınalyq ottegi óndiretin generator › medısınalyq ottegi sısternasy › sońǵy súzgi › qysym baqylaýshysy. Ottegi stansasy tolyqtaı qural-jabdyqtarmen qamtamasyz etilgen. Unitronic markaly monıtorynyń jumys kerneýi 24 DC, eki nóldik baılanys núktesi, 4,3 PLC sandyq dıspleıi bar jáne túrik-aǵylshyn-orys-arab-parsy qaripteri engizilgen.
Ornatylǵan kúnnen bastap 8 kirisi men 4 shyǵysy bar ottegi óndirisiniń júıeleri jalpy toqtaý ýaqytyn, jalpy jumys ýaqytyn, óndirilgen otteginiń jalpy mólsherin, kúni men ýaqytyn baqylap otyrady. Sondaı-aq monıtordyń taǵy bir ereksheligi — otteginiń tazalyǵy tómendegen jaǵdaıda ekranǵa bes tilde eskertpeler shyǵady.
Otteginiń óndiris qýattylyǵy saǵatyna 36 tekshe metr. Bul ottegi stansasy naýqastarǵa em jasaýda dárigerlerge úlken kómek bolary anyq.
