Kelisimge sáıkes, Taraptar mıneraldyq resýrstar, aımaqtyq geologııa salalarynda jáne geologııalyq kartalar ázirleý boıynsha ózara ekonomıkalyq qatynasty kúsheıtpek. Budan bólek, eki eldiń memlekettik jáne jekemenshik uıymdary, geologııalyq barlaýmen aınalysatyn kompanııalary arasyndaǵy baılanys retteledi.
Sonymen qatar, Taraptar túrli paıdaly qazbalar ken oryndaryn izdeý jáne baǵalaý úshin birge geologııalyq, geofızıkalyq zertteýler júrgizedi. Buǵan jer asty sýlaryn tabý, túrli masshtabtaǵy geologııalyq túsirilimder jasaý, mıneraldyq shıkizattyń ken oryndaryn tabýǵa baǵyttalǵan geohımııalyq, geofızıkalyq zertteý ádisterin qoldaný boıynsha da jumystar kiredi.
Maǵzum Myrzaǵalıevtiń sózinshe, Memorandým Qazaqstan men Reseıdiń geologııa salasyn damytýǵa keń múmkindikter ashyp, geologııalyq kompanııalar arasynda uzaq merzimdi qarym-qatynas ornatýǵa yqpal etedi.
«Qol qoıylǵan qujat qos eldiń geologııa salasyndaǵy birlese áreket etý potensıalyn ulǵaıta túsedi. Bul baǵyttaǵy sharalar konsolıdasııasy zertteýlerdiń tıimdiligin arttyryp, geologııa salasynda jańa múmkindikter ashatynyna senimdimin»,- dep atap ótti Qazaqstannyń ekologııa mınıstri.
