Qoǵam • 04 Jeltoqsan, 2020

"Zorlyq-zombylyqsyz 16 kún" aksııasy aıasynda polısııa 460-tan astam otbasyn tekserdi

15 ret kórsetildi

Nur-Sultanda 25 qarasha men 10 jeltoqsan aralyǵynda «Áıelderge qatysty zorlyq-zombylyqsyz 16 kún» respýblıkalyq aksııasy aıasynda is-sharalar ótýde. Negizgi maqsat - turmystyq zorlyq-zombylyq pen adam saýdasymen kúresý. Sharaǵa múddeli memlekettik organdardyń, úkimettik emes uıymdardyń, qoǵamnyń, daǵdarys ortalyqtarynyń jáne buqaralyq aqparat quraldarynyń ókilderi qatysýda, dep habarlaıdy Egemen.kz.

«Turmystyq quqyq buzýshylyq jasaýǵa beıim adamdardy, qolaısyz otbasylardy tekserý jumystary júrgizilýde. Qazirgi ýaqytta bizde esepte turǵan 463 otbasy tekserildi. Sonyń ishinde 342 adamǵa qatysty qorǵaý nusqamasy shyǵarylǵan bolatyn. Bul adamdardy ýchaskelik polısııa ınspektorlary turǵylyqty mekenjaıyna baryp tekserdi. Sondaı-aq beınebaılanys arqyly da tekserýler júrgizilýde. Sonymen qatar sotpen júris-turysyna erekshe talap qoıylǵan 70 adam tekserildi», - dedi Nur-Sultan qalasy Polısııa departamenti Áıelderdi zorlyq-zombylyqtan qorǵaý bóliminiń aǵa ınspektory Gúlmıra Shyrahmetova.

Munan bólek aksııa aıasynda Nur-Sultan qalalyq polısııa departamenti josparly túrde birqatar is-sharalar ótkizýde. Atap aıtqanda, múddeli memlekettik organdarmen, ÚEU ókilderimen, jurtshylyqty jáne BAQ ókilderin tarta otyryp «Januıa» otbasy ınstıtýtyn qoldaý ortalyǵynda dóńgelek ústel ótti. Oǵan Zoom platformasy arqyly da turǵyndar qatysty. Sonymen qatar aksııa aıasynda «Úmit» daǵdarys ortalyǵyna, «Analar úıine» baryp, ondaǵy qyzmet alýshylarǵa psıhologııalyq trenıngter ótkizildi. Bul jumystar aldaǵy ýaqytta da jalǵasady.

«Halyq kóp shoǵyrlanǵan jerlerde, saýda úılerinde halyqty aqparattandyrý maqsatynda polısııa departamentimen áleýmettik bıýro ótkizilýde. Aldaǵy ýaqytta múddeli memlekettik organdarmen, sot jáne prokýratýramen birlesip onlaın brıfıngter ótkizý josparlanǵan», - deıdi Gúlmıra Shyrahmetova.

Qazirgi ýaqytta «Úmit» daǵdarys ortalyǵyndaǵy 24/7 rejıminde jumys 49-72-89 nómiri, sonymen qatar Nur-Sultan qalalyq polısııa departamentiniń áıelderdi zorlyq zombylyqtan qorǵaý tobynyń senim telefony - 71-60-63 nómiri arqyly tıisti kómek kórsetiledi.

Sońǵy jańalyqtar

Koronavırýs gúl arqyly juǵa ma?

Koronavırýs • Búgin, 17:08

Almatyda páter urylary ustaldy

Aımaqtar • Búgin, 16:37

Oralda 17 jastaǵy jigit kópirden sekirdi

Aımaqtar • Búgin, 15:18

«Nissan Primera» kóligi jylqy soqty

Aımaqtar • Búgin, 13:25

Uqsas jańalyqtar